ബെസ്റ്റ് ഫ്രണ്ട് ഭര്ത്താവായി മാറിയതിന്റെ സന്തോഷത്തിലാണ് അമേയ. എന്നെ ഞാനായി അംഗീകരിക്കുകയും, എന്റെ ജീവിതത്തിലെ എല്ലാ ഉയര്ച്ചയിലും താഴ്ചയിലും എന്നെ ചേര്ത്ത് പിടിച്ച എന്റെ ബെസ്റ്റ് ഫ്രണ്ട്. 2019 ല് ഞങ്ങള് ബെസ്റ്റ് ഫ്രണ്ട്സ് മാത്രമായിരുന്നു. ഓരോ ദിവസം കഴിയുന്തോറും ഞാന് മനസിലാക്കി ദൈവം തന്ന ഏറ്റവും വലിയ ഗിഫ്റ്റാണ് കിരണ് എന്ന്. എന്റെ ജീവിതത്തിലെ ഏറ്റവും വലിയ അനുഗ്രഹം. എന്റെ വീട്. മൈ ബെസ്റ്റ് ഫ്രണ്ട്, മൈ ഹസ്ബന്ഡ്, ബ്ലസിംഗ്സ് തുടങ്ങിയ ഹാഷ് ടാഗുകളോടെയായിരുന്നു അമേയയുടെ പുതിയ പോസ്റ്റ്. അന്നത്തെയും ഇപ്പോഴത്തെയും ചിത്രങ്ങളും പോസ്റ്റിനൊപ്പം ചേര്ത്തിരുന്നു.
എന്ഗേജ്മെന്റ് കഴിഞ്ഞ സന്തോഷം അമേയ പങ്കിട്ടിരുന്നുവെങ്കിലും പിറന്നാള് ദിവസമായിരുന്നു കിരണിനെ ലോകത്തിന് പരിചയപ്പെടുത്തിയത്. മോതിരം കൈമാറുന്ന ചിത്രങ്ങള് വൈറലായപ്പോള് മുതല് ഭാവിവരനെക്കുറിച്ചുള്ള ചോദ്യങ്ങളുണ്ടായിരുന്നു. ഇത്തവണത്തെ പിറന്നാള് ഏറെ സ്പെഷലാണ്.
ഇതുവരെയുള്ളത് പോലെയല്ല, ഈ ബര്ത്ത് ഡേ മുതല് എന്റെ ജീവിതത്തില് മറ്റൊരാള് കൂടിയുണ്ട്. എനിക്ക് പൂര്ണത വരുന്നത് അദ്ദേഹത്തിനൊപ്പം ചേരുമ്പോഴാണ്. ഇന്നത്തെ ദിവസം തന്നെ അദ്ദേഹത്തിനെ സോഷ്യല്മീഡിയയിലൂടെ പരിചയപ്പെടുത്താമെന്ന് മുന്പേ തീരുമാനിച്ച കാര്യമായിരുന്നുവെന്നുമായിരുന്നു അമേയ അന്ന് കുറിച്ചത്. ക്ഷണനേരം കൊണ്ടായിരുന്നു കിരണിനെക്കുറിച്ചുള്ള പോസ്റ്റും, മുഖം കാണിച്ചുള്ള ചിത്രങ്ങളും വൈറലായത്.
