പി വി അന്വര് എം എല് എയുടെ എടവണ്ണയിലെ വീടിന് സുരക്ഷയൊരുക്കാനായി ഉത്തരവിട്ട് മലപ്പുറം ജില്ലാ പോലീസ് മേധാവി. ഈ തീരുമാനം അന്വര് ഡി ജി പിക്ക് നല്കിയ പരാതിയുടെ അടിസ്ഥാനത്തിലാണ്. ജീവനും സ്വത്തിനും ഭീഷണിയുണ്ടെന്നും പോലീസ് സംരക്ഷണം വേണമെന്നുംആവസ്യപ്പെട്ട് അന്വര് അപേക്ഷ നല്കിയിരുന്നു. സുരക്ഷക്കായി വീടിന് സമീപം പോലീസ് പിക്കറ്റ് പോസ്റ്റ് ഒരുക്കും.
ഒരു ഓഫീസര്, മൂന്ന് സിപിഒ എന്നിവരെ 24 മണിക്കൂര് ഡ്യൂട്ടിക്ക് നിയോ?ഗിച്ചു. രണ്ട് സേനാംഗങ്ങളെ ഡിഎച്ച്ക്യൂവില് നിന്നും ഒരു ഓഫീസറെയും ഒരു സിപിഒ എന്നിവരെ നിലമ്പൂര് സബ് ഡിവിഷനില് നിന്നും ഒരു ഉദ്യോഗസ്ഥന് നിര്ബന്ധമായും എടവണ്ണ പൊലീസ് സ്റ്റേഷനില് നിന്നും ഉണ്ടായിരിക്കേണ്ടതാണെന്നും ഉത്തരവില് പറയുന്നു.
പിക്കറ്റ് പോസ്റ്റിന്റെ പ്രവര്ത്തനം നിലമ്പൂര് സബ് ഡിവിഷന് ഓഫീസര് നിരീക്ഷിക്കുകയും ആവശ്യമായ നിര്ദേശങ്ങള് നല്കുകയും ചെയ്യണമെന്നാണ് ഉത്തരവ്. സ്റ്റേഷന് നൈറ്റ് പട്രോള് ഉദ്യോഗസ്ഥരും സബ്ഡിവിഷന് ചെക്ക് ഉദ്യോഗസ്ഥരും പിക്കറ്റ് പോസ്റ്റ് പരിശോധിക്കണമെന്നും എസ്പിയുടെ ഉത്തരവില് പറയുന്നു.
