തിരുവനന്തപുരം : സിനിമനടന് മോഹന്രാജ് അന്തരിച്ചു. മലയാള സിനിമ പ്രേക്ഷകരുടെ മനസിൽ ഇടം നേടിയ നടനാണ് മോഹൻരാജ് എന്ന കീരീക്കാടൻ ജോസ്.ഇന്ന് വൈകുന്നേരം തിരുവനന്തപുരത്തെ കാഞ്ഞിരംകുളത്തുള്ള വീട്ടില് വച്ചായിരുന്നു അന്ത്യം. സിനിമാ-സീരിയല് താരവും നിര്മ്മാതാവുമായ ദിനേശ് പണിക്കാരനാണ് നടന്റെ മരണവാര്ത്ത സോഷ്യല്മീഡിയ പോസ്റ്റിലൂടെ പുറത്ത് വിട്ടത്.
കെ മധു സംവിധാനം ചെയ്ത ‘മൂന്നാം മുറ’ എന്ന മോഹന്ലാല് ചിത്രത്തിലൂടെയാണ് മലയാള സിനിമയില് അരങ്ങേറ്റം കുറിക്കുന്നത്. കിരീടം ആയിരുന്നു രണ്ടാമത്തെ ചിത്രം. സിനിമയിലെ കീരിക്കാടന് ജോസ് എന്ന കഥാപാത്രത്തിലാണ് പില്ക്കാലത്ത് മോഹന്രാജ് അറിയപ്പെട്ടത്. കിരീടം, ചെങ്കോൽ , നരസിംഹം ,ഹലോ , നരന് , രജപുത്രൻ, സ്റ്റാലിൻ ശിവദാസ് തുങ്ങി മുന്നൂറോളം ചിത്രങ്ങളിൽ വേഷമിട്ടിട്ടുണ്ട്. മലയാള സിനിമ പ്രേക്ഷകരുടെ മനസിൽ ഇടം നേടിയ നടനാണ് മോഹൻരാജ് .
