മലയാളികള്ക്ക് ഏറെ പ്രിയപ്പെട്ട ഗായികമാരിലൊരാളാണ് സുജാത മോഹന്. ചെറുപ്രായത്തില് പാടിത്തുടങ്ങിയതാണ് സുജാത. ബേബി സുജാത മുതലുള്ള പാട്ടുകള് ഇന്നും മലയാളികള്ക്ക് പ്രിയപ്പെട്ടതാണ്. ഇടക്കാലത്ത് പാട്ടില് നിന്നും ബ്രേക്കെടുത്തെങ്കിലും ശക്തമായൊരു തിരിച്ചുവരവായിരുന്നു ഗായിക നടത്തിയത്. കുടുംബവും സുഹൃത്തുക്കളുമാണ് അന്ന് തിരിച്ചുവരവിന് സഹായിച്ചത്. എങ്ങനെ തുടങ്ങുമെന്നറിയാതെ നിന്നിരുന്ന അവസ്ഥയായിരുന്നു അന്നത്തേത്. പ്രാക്ടീസൊക്കെ തുടങ്ങിയതോടെയാണ് ആത്മവിശ്വാസം ലഭിച്ചതെന്നും സുജാത പറഞ്ഞിരുന്നു.
സോഷ്യല്മീഡിയയില് സജീവമായ സുജാത പങ്കിടുന്ന വിശേഷങ്ങളെല്ലാം പെട്ടെന്ന് തന്നെ വൈറലായി മാറാറുണ്ട്. പുതിയ ചിത്രങ്ങളുമായെത്തിയിരിക്കുകയാണ് ഗായിക. മനോഹരമായിരിക്കുന്നു, ക്ലാസിക് ചിത്രം, തുടങ്ങി നിരവധി അഭിപ്രായങ്ങളാണ് ഫോട്ടോയ്ക്ക് ലഭിച്ചുകൊണ്ടിരിക്കുന്നത്. മോഹനും ശ്വേതയ്ക്കും ശ്രേഷ്ഠയ്ക്കുമൊപ്പമുള്ള ചിത്രങ്ങളെല്ലാം സുജാത പങ്കുവെക്കാറുണ്ട്.
പ്രായത്തെ വെല്ലുന്ന സൗന്ദര്യമാണ് സുജാതയുടേതെന്ന് ആരാധകര് എപ്പോഴും പറയാറുള്ളതാണ്. ഇത് സന്ദൂര് അമ്മൂമ്മയാണെന്നായിരുന്നു ഇടക്കാലത്ത് നടന്ന ചര്ച്ചകള്. സാരിയണിഞ്ഞ് ചിരിച്ച മുഖത്തോടെയാണ് മിക്കപ്പോഴും സുജാത ചിത്രങ്ങള്ക്ക് പോസ് ചെയ്യാറുള്ളത്. കറുത്ത സാരിയണിഞ്ഞുള്ള ചിത്രങ്ങളായിരുന്നു കഴിഞ്ഞ ദിവസം പങ്കുവെച്ചത്. ബ്ലാക്ക് ആന്ഡ് ഗോള്ഡ് ഷേഡിലുള്ള സാരിയും ചേരുന്ന ആഭരണങ്ങളുമൊക്കെയായപ്പോള് സുജാതയുടെ ലുക്ക് തന്നെ മാറുകയായിരുന്നു. ശബരിനാഥാണ് സ്റ്റൈലിസ്റ്റ് എന്ന് ഗായിക പറഞ്ഞിരുന്നു.
സെലിബ്രിറ്റികള്ക്ക് ഏറെ പ്രിയപ്പെട്ടവരാണ് ശബരിയും ശശാങ്കും. ഇവരുടെ കരവിരുതുകളെക്കുറിച്ച് വാചാലരാവാത്തവര് കുറവാണ്. വിശേഷ ദിനങ്ങളില് സ്പെഷലായി തന്നെ അണിയിച്ചൊരുക്കാന് പ്രത്യേക കഴിവാണ് ഇവര്ക്ക്. എന്നെ പ്രിറ്റിയാക്കുന്നതിന് പിന്നിലെ കഴിവ് ഇവരുടേതാണെന്നായിരുന്നു സുജാതയും പറഞ്ഞത്. ഇവരോടൊപ്പമുള്ള ചിത്രവും ഇതിനകം വൈറലായിക്കഴിഞ്ഞിട്ടുണ്ട്.
