സ്വപ്രയത്നം കൊണ്ട് മലയാള സിനിമയിൽ തന്റേതായ ഒരിടം നേടിയെടുത്ത അഭിനേതാവാണ് ജോജു ജോർജ്. താരത്തിന്റെ സംവിധാന അരങ്ങേറ്റത്തിൽ പിറന്ന പണി എന്ന സിനിമ പ്രേക്ഷക ഹൃദയം കീഴടക്കി മുന്നേറുകയാണ്.
എന്നാൽ കഴിഞ്ഞ ദിവസം 'പണി' സിനിമയെ വിമര്ശിച്ച് പോസ്റ്റിട്ട റിവ്യൂവറെ ഫോണില് വിളിച്ച് ജോജു ജോർജ് ഭീഷണി പ്പെടുത്തിയ ഒരു ഫോൺ സംഭാഷണം സോഷ്യൽ മീഡിയയിൽ പരന്നിരുന്നു.
ഇപ്പോഴിതാ ജോജു ജോർജിന് പിന്തുണയുമായി അഖില് മാരാര് ഫേസ്ബുക്ക് വീഡിയോ പങ്കിട്ടിരിക്കുകയാണ് സംവിധായകൻ അഖിൽ മാരാർ.
അറിഞ്ഞുകൊണ്ടുള്ള, കരുതിക്കൂട്ടിയുള്ള പണിയില് വീണ് പോയ ആളാണ് ജോജുവെന്നാണ് അഖില് മാരാർ പറയുന്നത്.
ജോജുവും താനും തമ്മിലുള്ള അടുപ്പം കൊണ്ടല്ല അദ്ദേഹത്തെ പിന്തുണയ്ക്കുന്നതെന്നും, കഴിഞ്ഞ 3 മാസമായി ജോജുവുമായി യാതൊരു തരത്തിലുള്ള ബന്ധവും തനിക്കില്ലെന്നും അഖില് എടുത്തുപറയുന്നുണ്ട്.
"വാട്ട്സാപ്പില് ജോജു എന്റെ നമ്പർ ബ്ലോക്ക് ചെയ്തിരിക്കുകയാണ്. കാരണം എന്താണെന്ന് എനിക്ക് അറിയില്ല. ഈ സിനിമയുടെ പൂജ നടന്ന സമയത്ത് ഞാനുണ്ടായിരുന്നു, ഷൂട്ടിങ് ലൊക്കേഷനിലും എഡിറ്റിന്റെ സമയത്തുമൊക്കെ ഞാനുണ്ടായിരുന്നു, എന്നാല് പിന്നീട് അതായത് കഴിഞ്ഞ മൂന്നര മാസമായി ഈ സിനിമയുടെ അണിയറ പ്രവര്ത്തകരുമായോ ജോജുവുമായോ ഒരു ബന്ധവുമില്ല, ഈ അഭിപ്രായം എന്റേത് മാത്രമാണ്..." ഫെസ്ബുക്കിലൂടെ പങ്കുവെച്ച വീഡിയോയിലൂടെ അഖില് മാരാർ പറഞ്ഞു.
ഒപ്പം വീഡിയോയ്ക്ക് ക്യാപ്ഷനും അഖിൽ മാരാർ കൊടുത്തിട്ടുണ്ട്.
"നിഷ്കളങ്കമായ അഭിപ്രായം പറച്ചില് ആയിരുന്നില്ല മറിച് പണി കൊടുക്കണം എന്ന കെപിസിസി war റൂം മെമ്പർ ആയിരുന്ന റിപ്പോർട്ടർ ചാനലില് ജോലി ചെയ്തിരുന്ന ചുരുളി സിനിമ മികച്ചതായി തോന്നികയും അതെ സമയം മാളികപ്പുറം സിനിമ കുട്ടികളെ കാണിക്കരുത് എന്ന് പറയുകയും ചെയ്ത, ലാലേട്ടനേയും സൈന്യത്തെയും അവഹേളിച്ച ചെകുത്താനെ ന്യായീകരിച്ചു പോസ്റ്റിട്ട, ബിഗ് ബോസില് റിയാസ് ആണ് യഥാർഥ വിജയി ആവേണ്ടത് എന്ന് അഭിപ്രായം പങ്ക് വെച്ച ഒരുവന്റെ മാനസിക തലം മനസിലാക്കാതെ വിദ്യാർഥി ആയി കണ്ട് തെറ്റിദ്ധരിച്ചവർക്ക് വേണ്ടി...
അറിഞ്ഞു കൊണ്ടുള്ള കരുതി കൂട്ടിയുള്ള പണിയില് വീണ് പോയ ജോജു..." എന്നാണ് അഖിൽ മാരാർ വീഡിയോയ്ക്കൊപ്പം കുറിച്ചത്.
എന്നാൽ വീഡിയോയ്ക്ക് താഴെയും പലരും നെഗറ്റീവ് കമന്റുകൾ കുറിക്കുന്നുണ്ട്.
