മലയാളികളുടെ മനസ്സില് എന്നും ചോക്ലേറ്റ് ഹീറോയായി നിറഞ്ഞു നില്ക്കുന്ന താരമാണ് കുഞ്ചാക്കോ ബോബന്. ഇന്നും ചാക്കോച്ചന് മധുരപ്പതിനേഴിന്റെ സൗന്ദര്യമാണ്. അതുകൊണ്ടു തന്നെ താരത്തിന് ആരാധികമാരും കുറവല്ല. ചാക്കോച്ചനെ കാണാനും സംസാരിക്കാനും ഒപ്പം ഡാന്സ് ചെയ്യാനുമൊക്കെ ആരാധകര്ക്ക് എപ്പോഴും ആവേശമാണ്. അവര്ക്കൊപ്പം അവരിലൊരാളായി നില്ക്കുന്ന ചാക്കോച്ചനും തരംഗമായി മാറാറുണ്ട്.
ഇപ്പോഴിതാ നിര്മ്മാതാവ് ലിസ്റ്റിന് സ്റ്റീഫന്റെ പുതിയ തിയേറ്റർ ഉത്ഘാടനം ചെയ്യാൻ എത്തിയ ചാക്കോച്ചനെ ലിസ്റ്റിന് ട്രോളുന്ന ഒരു വീഡിയോയാണ് സോഷ്യല് മീഡിയയില് വൈറലാകുന്നത്. അവതാരക ചാക്കോച്ചനെ ക്ഷണിക്കുമ്പോള്, ചാക്കോച്ചന് അവതാരകയോട് പേര് ചോദിക്കുന്നതാണ് വീഡിയോ. പേര് പറയുന്ന ഗീതിക എന്ന അവതാരക താന് കുഞ്ചാക്കോ ബോബന്റെ ‘തട്ടിന്പുറത്ത് അച്യൂതനി’ല് അഭിനയിച്ചിട്ടുണ്ടെന്നും പറയുന്നു. ഈ സമയത്താണ് ചാക്കോച്ചന്റെ ഭാര്യ പ്രിയ ഫോണില് വിളിച്ചെന്നും എവിടെ ചെന്നാലും ചാക്കോച്ചന് ആരുടെയെങ്കിലും പേര് ചോദിക്കുമെന്നും അതിനാണ് പ്രിയ വിളിച്ചതെന്നും പറഞ്ഞ് ലിസ്റ്റിന് ഫോണ് ഏല്പ്പിക്കുന്നതും കാണാം. പൊട്ടിച്ചിരിയോടെയാണ് കുഞ്ചാക്കോ ബോബന് ലിസ്റ്റിന്റെ ട്രോള് ഏറ്റെടുക്കുന്നത്.
