ശക്തമായ കഥാപാത്രങ്ങളിലൂടെ ബോളിവുഡില് ആധിപത്യം ഉറപ്പിച്ച താരസുന്ദരിയാണ് ദീപിക പദുക്കോണ്. രണ്വീര് സിംഗിനെവിവാഹം ചെയ്യുന്നതിന് മുമ്പ് നിരവധി സിനിമാ താരങ്ങളെയും ക്രിക്കറ്റ് താരങ്ങളെയും ദീപിക ഡേറ്റ് ചെയ്തിരുന്നു. എന്നാല് ദീപികയെ തന്റെ ഭാര്യ ആക്കണമെന്ന ആഗ്രഹം പറഞ്ഞ നടന് സഞ്ജയ് ദത്തിന്റെ വാക്കുകളാണ് ഇപ്പോള് ചര്ച്ചയായിക്കൊണ്ടിരിക്കുന്നത്.
മുമ്പൊരിക്കല് ഒരു അഭിമുഖത്തിനിടെ പറഞ്ഞ വാക്കുകളാണ് വീണ്ടും സോഷ്യല് മീഡിയയുടെ ശ്രദ്ധ നേടുന്നത്. ദീപികയെ തന്റെ നാലാം ഭാര്യ ആക്കാനാണ് സഞ്ജയ് ദത്ത് ആഗ്രഹിച്ചത്. ''ചോളി കേ പീച്ചേ എന്ന ഗാനം ഇന്ന് ചിത്രീകരിച്ചാല് ഏത് നടിക്ക് മാധുരി ദീക്ഷിതിന്റെ അടുത്തെത്താന് കഴിയും'' എന്ന ചോദ്യത്തോടാണ് സഞ്ജയ് ദത്ത് പ്രതികരിച്ചത്.
പിന്നാലെ ദീപിക പദുക്കോണ് എന്ന് സഞ്ജയ് മറുപടി നല്കുകയായിരുന്നു. ''അവള് സുന്ദരിയാണ്. ഞാന് കുറച്ചുകൂടി ചെറുപ്പമായിരുന്നെങ്കില് അവള് എന്റെ നാലാമത്തെ ഭാര്യയാകുമായിരുന്നു'' എന്നും സഞ്ജയ് കൂട്ടിച്ചേര്ത്തു. റെഡ്ഡിറ്റിലാണ് ഈ അഭിമുഖത്തിന്റെ ത്രെഡ് വൈറലായിരിക്കുന്നത്. സഞ്ജയ് ദത്തിനെതിരെ വിമര്ശന കമന്റുകളാണ് സോഷ്യല് മീഡിയയില് എത്തിക്കൊണ്ടിരിക്കുന്നത്.
എന്നാല് ഇത് ദീപികയ്ക്ക് കോംപ്ലിമെന്റ് നല്കിയതാണെന്നും ചിലര് അഭിപ്രായപ്പെടുന്നുണ്ട്. അതേസമയം, നടി റിച്ച ശര്മ്മ ആയിരുന്നു സഞ്ജയുടെ ആദ്യ ഭാര്യ. 1996ല് ഈ ബന്ധം ഉപേക്ഷിച്ചതിന് പിന്നാലെ ടെലിവിഷന് താരവും സോഷ്യല് ആക്ടിവിസ്റ്റുമായ റിയ പിള്ളയെ നടന് വിവാഹം ചെയ്തു. 2008ല് ഈ ബന്ധം ഉപേക്ഷിച്ചതിന് പിന്നാലെ നടന് മാന്യത ദത്തിനെ വിവാഹം ചെയ്യുകയായിരുന്നു.
