താര കല്യാണും മകള് സൗഭാഗ്യയും പ്രേക്ഷകര്ക്ക് പ്രിയപ്പെട്ടവരാണ്. ഇരുവരും വ്ളോഗിലൂടെയായും വിശേഷങ്ങള് പങ്കിടാറുണ്ട്. അമ്മയെപ്പോലെ തന്നെ മകള്ക്കും ജീവനാണ് നൃത്തം. ഡാന്സ് സ്കൂളുമായി സജീവമാണ് ഇരുവരും. എത്ര തിരക്കിലാണെങ്കിലും താര ക്ലാസുകള്ക്കായി സമയം കണ്ടെത്താറുണ്ട്.
അമ്മയേയും അമ്മൂമ്മയേയും പോലെ സാരിയും ഏറെ പ്രിയപ്പെട്ടതാണ് സൗഭാഗ്യയ്ക്ക്. അമ്മൂമ്മയുടെ സാരികള് അമ്മയും മകളും ഇടയ്ക്കിടയക്ക് ഉടുക്കാറുണ്ട്. ഇപ്പോഴിതാ അമ്മയുടെ സാരി അണിഞ്ഞുള്ളൊരു വീഡിയോയുമായെത്തിയിരിക്കുകയാണ് സൗഭാഗ്യ.
അമ്മയുടെ സാരി ഉടുത്താല് അമ്മയെ പോലെ തന്നെയുണ്ടെന്ന് കേള്ക്കുമ്പോള് കിട്ടുന്ന സന്തോഷം പറഞ്ഞറിയിക്കാനാവില്ല. നീല പട്ടുസാരിയും മുല്ലപ്പൂവുമൊക്കെയായി സായി ഗ്രാമത്തിലെ പരിപാടിക്കായിരുന്നു സൗഭാഗ്യ എത്തിയത്. നീല കുര്ത്തിയുമായി അര്ജുനും കൂടെയുണ്ടായിരുന്നു. ദക്ഷിണ വാങ്ങുന്നതും ശേഷം വിദ്യാര്ത്ഥികളെ പഠിപ്പിക്കുന്നതുമൊക്കെയായിരുന്നു വീഡിയോയില്.
സത്യമാണ്, അമ്മയെപ്പോലെ തന്നെയുണ്ട്. അമ്മയുടെ മകള് തന്നെ, അതുപിന്നെ പറയാനുണ്ടോ, അമ്മയുടെ ഫോട്ടോ കോപ്പി തന്നെ, തുടങ്ങി നിരവധി കമന്റുകളാണ് വീഡിയോയുടെ താഴെയുള്ളത്.
