താര കല്യാണും മകള് സൗഭാഗ്യയും പ്രേക്ഷകര്ക്ക് പ്രിയപ്പെട്ടവരാണ്. ഇരുവരും വ്ളോഗിലൂടെയായും വിശേഷങ്ങള് പങ്കിടാറുണ്ട്. സുധാപ്പൂ എന്നു വിളിക്കുന്ന മകള് സുദര്ശനയുടെ ആദ്യത്തെ സ്റ്റേജ് പെര്ഫോമന്സിന്റെ വീഡിയോ ആണ് സൗഭാഗ്യ ഏറ്റവുമൊടുവില് ഇന്സ്റ്റഗ്രാമില് പങ്കുവെച്ചിരിക്കുന്നത്.
''മറക്കാനാകാത്ത ഒരു ദിവസം... സുധാപ്പുവിന്റെ ആദ്യത്തെ സ്റ്റേജ് പെര്ഫോമന്സ് ആയിരുന്നു. ഞാന് അധികമൊന്നും പ്രതീക്ഷിച്ചിരുന്നില്ല, അവള് ചിലപ്പോള് കരഞ്ഞേക്കും എന്നും വിചാരിച്ചിരുന്നു. എന്നാല് എന്നെ അത്ഭുതപ്പെടുത്തിക്കൊണ്ട് അവള് കരഞ്ഞില്ല. എങ്കിലും വാള് ഡിസ്പ്ലേയിലെ ചുവന്ന എല്ഇഡി ലൈറ്റുകള് നോക്കി നില്ക്കാനായിരുന്നു അവള്ക്ക് താത്പര്യം. അതു നോക്കിക്കൊണ്ട് അവള് കുറേ നേരം നിന്നു. അത് കാണാന് ക്യൂട്ട് ആയിരുന്നു. ഞാനും അവളുടെ പ്രായത്തില് സ്റ്റേജില് കയറിപ്പോള് ഇങ്ങനെ തന്നെയായിരുന്നു ചെയ്തത് എന്നു പറഞ്ഞുകേട്ടിട്ടുണ്ട്. ചിലപ്പോള് ഭാവിയില് അവള് ഒരുപാട് സ്റ്റേജുകളില് പെര്ഫോം ചെയ്തേക്കാം. പക്ഷേ ഇത് എന്നും ഓര്ത്തുവെക്കുന്ന ഒരു നിമിഷം ആയിരിക്കും. അവളുടെ സ്കൂളിലെ ധന്യ ടീച്ചറിനും എല്ലാ ടീച്ചിങ്ങ്, നോണ് ടീച്ചിങ്ങ് സ്റ്റാഫിനും നന്ദി. ജിലി മാഡത്തിനു പ്രത്യേകം നന്ദി. അര്ജുന്റെ മുഖത്തെ തെളിച്ചം കാണാന് പ്രത്യേക രസമായിരുന്നു'', സുധാപ്പുവിന്റെ സ്റ്റേജ് പെര്ഫോമന്സ് ചിത്രങ്ങളും വീഡിയോകളും പോസ്റ്റ് ചെയ്തുകൊണ്ട് സൗഭാഗ്യ കുറിച്ചു.
