മുംബൈ: സര്പാഞ്ചിനെ കൊലപ്പെടുത്തിയ കേസില് അടുത്തയാള് അറസ്റ്റിലായതിനെ തുടര്ന്ന് മഹാരാഷ്ട്രയില് ഭക്ഷ്യ സിവില് സപ്ളൈസ് വകുപ്പുമന്ത്രി രാജിവെച്ചു. കഴിഞ്ഞ ഡിസംബറില് ബീഡ് ജില്ലയില് ഒരു സര്പഞ്ചിനെ വെട്ടിക്കൊലപ്പെടുത്തിയ കേസില് ഒരാള് അറസ്റ്റിലായ കേസില് മഹാരാഷ്ട്ര മന്ത്രി ധനഞ്ജയ് മുണ്ടെയാണ് രാജിവെച്ചത്. അദ്ദേഹത്തിന്റെ അടുത്ത അനുയായികളില് പെടുന്ന വാല്മിക് കരാഡ് എന്നയാള് അറസ്റ്റിലായ സാഹചര്യത്തില് മുഖ്യമന്ത്രി ദേവേന്ദ്ര ഫഡ്നാവീസിന്റെ ആവശ്യപ്രകാരമായിരുന്നു രാജി.
മസാജോഗ് ഗ്രാമത്തിലെ സര്പഞ്ചായ സന്തോഷ് ദേശ്മുഖിന്റെ കൊലപാതകവുമായി ബന്ധപ്പെട്ടാണ് നാടകീയരംഗങ്ങള് അരങ്ങേറിയത്. കേസിലെ പ്രതികള്ക്ക് ഏറ്റവും കഠിനമായ ശിക്ഷ ലഭിക്കണമെന്നാണ് തന്റെ ഉറച്ച ആവശ്യമെന്ന് മുണ്ടെ എക്സിന്റെ പോസ്റ്റില് പറഞ്ഞു. രാജിവെയ്ക്കാനുള്ള തീരുമാനം തന്റെ ഉള്ളില് നിന്നു തന്നെ വന്നതായി എന്സിപി നേതാവ് പറഞ്ഞു. മുണ്ടെയുടെ രാജി ഗവര്ണര് സിപി രാധാകൃഷ്ണന് അയച്ചതായും ഫഡ്നാവിസ് മാധ്യമങ്ങളോട് പറഞ്ഞു. സര്പഞ്ചിനെ കൊലപ്പെടുത്തിയ കേസിലെ കുറ്റപത്രത്തിലെ രാഷ്ട്രീയ വീഴ്ചയും അന്വേഷണത്തില് കരാഡിന്റെ പങ്കിനെ കുറിച്ച് അന്വേഷണത്തില് തെളിഞ്ഞതും ചര്ച്ച ചെയ്യാന് ഉപമുഖ്യമന്ത്രി അജിത് പവാറുമായി നടത്തിയ കൂടിക്കാഴ്ചയ്ക്ക് ശേഷമാണ് ഫഡ്നാവിസിന്റെ സന്ദേശം ലഭിച്ചതെന്നും വൃത്തങ്ങള് അറിയിച്ചു.
ബീഡിന്റെ പാര്ളി സീറ്റില് നിന്നും ജയിച്ച നാല്പ്പത്തിയൊമ്പതുകാരനായ ധനഞ്ജയ് മുണ്ടെ അജിത് പവാറിന്റെ എന്സിപിയില് നിന്നുള്ള എംഎല്എയാണ്. ബിജെപി മുതിര്ന്ന നേതാവും അന്തരിച്ച ഗോപിനാഥ് മുണ്ടെയുടെ അനന്തരവന് ധനഞ്ജയ് മുണ്ടെ മഹാരാഷ്ട്ര മന്ത്രി പങ്കജ മുണ്ടെയുടെ ബന്ധുവാണ്. 2013ല് ധനഞ്ജയ് മുണ്ടെ എന്സിപിയില് ചേര്ന്നു.2023ല് ശരദ് പവാറിന്റെ നേതൃത്വത്തിലുള്ള പാര്ട്ടി പിളര്ന്നപ്പോള് അജിത് പവാറിനൊപ്പം നിന്നു. മുമ്പ് നിയമസഭാ കൗണ്സിലില് പ്രതിപക്ഷ നേതാവായും ഉദ്ധവ് താക്കറെ സര്ക്കാരില് സംസ്ഥാന മന്ത്രിയായും പ്രവര്ത്തിച്ചിട്ടുണ്ട്. ഡിസംബര് 9 നാണ് സന്തോഷ് ദേശ്മുഖിനെ തട്ടിക്കൊണ്ടുപോയി പീഡിപ്പിക്കുകയും കൊല്ലുകയും ചെയ്തത്. ഒരു ഊര്ജ്ജ കമ്പനി കൊള്ളയടിക്കാനുള്ള ശ്രമം തടയാന് ശ്രമിച്ചതിനായിരുന്നു കൊലപാതകമെന്നും കണ്ടെത്തി.
ഡോണ്ഗാവ് ടോള് പ്ലാസയില് വച്ച് സന്തോഷ് ദേശ്മുഖിനെ ആറ് പേര് എസ്യുവിയില് തട്ടിക്കൊണ്ടുപോയി കെജ് താലൂക്കിലേക്ക് കൊണ്ടുപോയി. അന്ന് വൈകുന്നേരം നന്ദൂര് ഘട്ട് റോഡിലേക്കുള്ള ദൈത്ന ശിവാറില് അബോധാവസ്ഥയില് കണ്ടെത്തുകയായിരുന്നു. ഉടന് തന്നെ ആശുപത്രിയില് എത്തിച്ചെങ്കിലും മരണം സ്ഥിരീകരിച്ചു. ഗ്യാസ് പൈപ്പ്, ഇരുമ്പ് വടി, മരത്തടികള്, മൂര്ച്ചയുള്ള ആയുധങ്ങള് എന്നിവ ഉപയോഗിച്ച് രണ്ട് മണിക്കൂറോളം മര്ദ്ദിച്ചതായി പോലീസ് ഉദ്യോഗസ്ഥര് പറഞ്ഞു.
സംസ്ഥാന പോലീസിലെ ക്രൈം ഇന്വെസ്റ്റിഗേഷന് ഡിപ്പാര്ട്ട്മെന്റ് (സിഐഡി) ഫെബ്രുവരി 27ന് ജില്ലാ കോടതിയില് 1,200 പേജുള്ള കുറ്റപത്രം സമര്പ്പിച്ചു. സര്പഞ്ചിന്റെ കൊലപാതകം, ആവാദ കമ്പനിയില് നിന്ന് പണം തട്ടാന് ശ്രമിച്ചത്, സ്ഥാപനത്തിലെ സെക്യൂരിറ്റി ജീവനക്കാരനെ ആക്രമിച്ചതുമായി ബന്ധപ്പെട്ട മൂന്ന് കേസുകള് രജിസ്റ്റര് ചെയ്തിട്ടുണ്ട്. എട്ട് പ്രതികള്ക്കെതിരെ മഹാരാഷ്ട്ര കണ്ട്രോള് ഓഫ് ഓര്ഗനൈസ്ഡ് ക്രൈം ആക്ട് (എംസിഒസിഎ) ചുമത്തിയിട്ടുണ്ട്. ഏഴുപേര് പിടിയിലാവുകയും ഒരാള് ഒളിവിലാണ്. അറസ്റ്റിലായ പ്രതികളില് ധനഞ്ജയ് മുണ്ടെയുടെ അടുത്ത സഹായിയായ കരാഡും മന്ത്രിക്കെതിരെ നടപടിയെടുക്കാന് സംസ്ഥാന സര്ക്കാരില് സമ്മര്ദ്ദം ചെലുത്തുന്നു.
കൊല്ലപ്പെടുന്നതിന് മുമ്പ് സന്തോഷ് ദേശ്മുഖ് പീഡിപ്പിക്കപ്പെട്ടുവെന്നും അക്രമികള് 15 വീഡിയോകള് റെക്കോര്ഡുചെയ്യുകയും എട്ട് ഫോട്ടോകള് ക്ലിക്കുചെയ്യുകയും രണ്ട് വീഡിയോ കോളുകള് വരെ ക്രൂരത രേഖപ്പെടുത്തുകയും ചെയ്തതായി പോലീസ് കുറ്റപത്രത്തില് പറയുന്നു. കുറ്റപത്രത്തില് പരാമര്ശിച്ചിരിക്കുന്ന ഒരു വീഡിയോയില്, അഞ്ച് പ്രതികള് ദേശ്മുഖിനെ വെള്ള പൈപ്പും മരവടിയും ഉപയോഗിച്ച് മര്ദിക്കുന്നതും ചവിട്ടുകയും അടിക്കുകയും ചെയ്യുന്നതായി കാണാം. അര്ദ്ധനഗ്നമായ അവസ്ഥയിലാണ് ദേശ്മുഖ്. മറ്റൊരു വീഡിയോയില് പ്രതികളിലൊരാള് കനത്ത രക്തസ്രാവത്തില് കിടക്കുന്ന സന്തോഷിന്റെ മേല് മൂത്രമൊഴിക്കുന്നതായും കുറ്റപത്രത്തില് പറയുന്നു.
