ഗോപിക അനിലും ഗോവിന്ദ് പദ്മസൂര്യയും തമ്മിലുള്ള വിവാഹം ഇക്കഴിഞ്ഞവർഷമാണ് നടന്നത്. ഇരുവരുടെയും വിവാഹകഥ ഒരു സിനിമ കഥപോലെ കേട്ടിരിക്കാൻ മനോഹരം. വിവാഹശേഷമുള്ള ഇവരുടെ ജീവിതം അതിനേക്കാൾ മനോഹരമാണ്.
പ്രണയത്തിലൂടെ ഒന്നായവർ അല്ല തങ്ങൾ എന്നാണ് ഗോപികയും ജിപിയും പറഞ്ഞിട്ടുള്ളത്. എന്നാൽ വിവാഹശേഷം സുന്ദരമായി ജീവിതം ആഘോഷിക്കുകയാണ് ഇവർ. ഇപ്പോഴിതാ ഗോപികയ്ക്ക് പിറന്നാള് ആശംസിച്ചുകൊണ്ട് ജിപി പങ്കുവെച്ച പോസ്റ്റാണ് ശ്രദ്ധനേടുന്നത്.
നീ കൂടെയുള്ളപ്പോൾ ജീവിതം കൂടുതൽ സന്തോഷവും അര്ഥപൂര്ണവും ആകുന്നു. എന്റെ ഭാഗമായതിന് നന്ദി! എന്റെ ജീവിതം ഇത്ര മനോഹരമാക്കിയതിന് നന്ദി. നിനക്ക് സങ്കൽപ്പിക്കാൻ കഴിയുന്നതിലും കൂടുതൽ ഞാൻ നിന്നെ സ്നേഹിക്കുന്നു ഗോപികേ എന്നാണ് ഗോപികയുടെ പിറന്നാൾ ദിനം ജിപി കുറിച്ചത്.
വിവാഹത്തിനു പിന്നാലെ വരുന്ന ആഘോഷങ്ങളിൽ എല്ലാം ഇരുകുടുംബങ്ങളും ഒന്നിച്ചാണ്. വിഷു ആയിക്കോട്ടെ ഓണം ആയിക്കോട്ടെ എല്ലാ ആഘോഷങ്ങളും ഇരുകൂട്ടരും ഒരുമിച്ചായിരുന്നു.ഗോപികയുടെ അച്ഛനും അമ്മയും ജിപിയുടെ അച്ഛനും അമ്മയും അത്രയും സുഹൃത്തുക്കളുമാണ് അതുതന്നെയാണ് ഇവരുടെ ബന്ധത്തിന്റെ അടിത്തറയും.
