ഹിന്ദി ടെലിവിഷന് രംഗത്ത് നിറസാന്നിധ്യമായിരുന്ന താരമാണ് ദിവ്യങ്ക ത്രിപാഠി. ‘യെ ഹേ മൊഹബത്തേന്’ എന്ന സീരിയലിലൂടെ വലിയ രീതിയില് ജനപ്രീതി നേടാന് താരത്തിന് കഴിഞ്ഞിരുന്നു. അക്കാലത്ത് ഏറ്റവും കൂടുതല് പ്രതിഫലം വാങ്ങിക്കുന്ന സീരിയല് താരം കൂടിയായിരുന്നു ദിവ്യങ്ക. ഈ സീരിയലില് ഒപ്പമഭിനയിക്കുന്ന സമയത്താണ് വിവേക് ദാഹിയയെ ദിവ്യങ്ക കണ്ടുമുട്ടിയതും ഇവര് സുഹൃത്തുക്കളായതും. ആ സൗഹൃദം പിന്നീട് പ്രണയമായി മാറി.
2016 ജൂലൈ 8 ന് ഭോപ്പാലിൽ വെച്ച് അടുത്ത സുഹൃത്തുക്കളും ടെലിവിഷൻ രംഗത്തെ അംഗങ്ങളും പങ്കെടുത്ത ഗംഭീരമായ, സ്വകാര്യമായ ചടങ്ങിൽ വെച്ച് ഇവര് വിവാഹിതരായി. സോഷ്യല് മീഡിയയില് തിളങ്ങി നില്ക്കുന്ന താരങ്ങളാണ് ദിവ്യങ്കയും വിവേകും. എല്ലാ വിശേഷങ്ങളും സന്തോഷങ്ങളും അവരതിലൂടെ പങ്കിടാറുണ്ട്.
ഇപ്പോഴിതാ വിവാഹത്തിനു പത്തു വര്ഷങ്ങള്ക്ക് ശേഷം തങ്ങളുടെ ആദ്യത്തെ കണ്മണിയെ ദിവ്യങ്കയും വിവേകും കാത്തിരിക്കുകയാണെന്ന വാര്ത്തകളാണ് സോഷ്യല് മീഡിയയില് നിറയുന്നത്. രണ്ടാളും ആറ് മാസമായി ഇത് രഹസ്യമാക്കി വച്ചിരിക്കുകയായിരുന്നുവെന്നും ജൂൺ പകുതിയോടെ കുഞ്ഞ് ജനിക്കുമെന്നുമാണ് ദിവ്യങ്ക ഇക്കഴിഞ്ഞ ദിവസം നല്കിയ അഭിമുഖത്തില് സംസാരിച്ചത്.
‘‘ആറ് മാസം മുഴുവൻ ഞങ്ങൾക്ക് അത് മറച്ചുവെക്കാൻ കഴിഞ്ഞു. വിവേകിനും എനിക്കും ഇപ്പോൾ മാത്രമാണ് കുഞ്ഞ് വേണമെന്ന് ആഗ്രഹിച്ചത്. ഞങ്ങൾ ശ്രമിച്ചു, അത് സംഭവിച്ചു. ഞങ്ങൾ അനുഗ്രഹിക്കപ്പെട്ടവരാണ്. രണ്ട് കുടുംബങ്ങളും ഈ വാർത്തയിൽ ആഹ്ലാദഭരിതരാണ്. ഒരു ലോ പ്രൊഫൈല് സൂക്ഷിച്ച് അപൂർവ്വമായി മാത്രം പുറത്തുപോയാണ് ഇത് ഞങ്ങള് രഹസ്യമാക്കി വച്ചത്. ...’’ എന്നാണ് വിക്കി ലാൽവാനിയുമായുള്ള ഒരു സംഭാഷണത്തിലാണ് ദിവ്യങ്ക ഇക്കാര്യം വെളിപ്പെടുത്തിയത്.
‘‘ജൂൺ പകുതിയോടെ കുഞ്ഞ് ജനിക്കും. വിവേകും ഞാനും ഇപ്പോൾ മാത്രമാണ് കുഞ്ഞിനെ ആഗ്രഹിച്ചത്, ഞങ്ങൾ ശ്രമിച്ചു, അത് സംഭവിച്ചു. ഞങ്ങൾ അനുഗ്രഹീതരാണ്. ഞങ്ങളുടെ മാതാപിതാക്കൾ വളരെ സന്തോഷത്തിലാണ്. ഞാൻ ആദ്യം വിവേകിനോടാണ് വാർത്ത പറഞ്ഞത്. തുടർന്ന് ഉടൻ തന്നെ ഞങ്ങൾ മാതാപിതാക്കളെ വിളിച്ചു. ആൺകുട്ടിയോ പെൺകുട്ടിയോ ആകട്ടെ, ഞങ്ങൾക്ക് ഒരു മുൻഗണനയും ഇല്ല.
അതെ, ആറ് മാസം മുഴുവൻ ഞങ്ങൾക്ക് അത് മറച്ചുവെക്കാൻ കഴിഞ്ഞു. വാസ്തവത്തിൽ, ഞാൻ കഷ്ടിച്ച് മാത്രം പുറത്തിറങ്ങിയാണ് ഇത് രഹസ്യമാക്കി വച്ചത്. ഒടുവില് പൊതുവേദികളിൽ പ്രത്യക്ഷപ്പെടുന്നതിൽ നിന്ന് വിട്ടുനിൽക്കൽ സുഹൃത്തുക്കൾ ചോദ്യം ചെയ്തു. വിവേക് ഒരു പരിപാടിക്ക് പോയി, അവിടെ ചില സുഹൃത്തുക്കൾ അദ്ദേഹത്തോട് എന്തുകൊണ്ടാണ് ഞാന് വരാത്തത് എന്ന് ചോദിച്ചു. അതിനു ശേഷമാണ് ഗർഭധാരണം ഒടുവിൽ പുറത്തുവന്നത്. അവിടെ അത് തുടങ്ങി, പിന്നെ ഊഹാപോഹങ്ങൾ എങ്ങനെ സഞ്ചരിക്കുമെന്ന് നിങ്ങൾക്കറിയാമല്ലോ.
കുഞ്ഞിന്റെ ഷോപ്പിംഗ് ഇതുവരെ ആരംഭിച്ചിട്ടില്ല, പക്ഷേ അത് ഉടൻ ആരംഭിക്കും. പ്രസവം മുംബൈയിലായിരിക്കും. ഞങ്ങൾ പേരുകളൊന്നും ചിന്തിച്ചിട്ടില്ല, പക്ഷേ അതെ, അത് ആൺകുട്ടിയോ പെൺകുട്ടിയോ ആകുമോ എന്ന ഊഹങ്ങള് രണ്ട് കുടുംബങ്ങളിലും ആരംഭിച്ചിട്ടുണ്ട്, അത് രസകരമാണ്...’’ ദിവ്യങ്ക പറഞ്ഞു. എന്നാല് സോഷ്യല് മീഡിയയിലൂടെ ദമ്പതികളുടെ ഔദ്യോഗിക പ്രഖ്യാപനം ഇതുവരെ വന്നിട്ടില്ല. ഉടൻ തന്നെ ഒരു ബേബി ഷവർ സംഘടിപ്പിക്കുമെന്ന് ദമ്പതികളുമായി അടുത്ത വൃത്തങ്ങൾ സ്ഥിരീകരിച്ചു.
