തിരുവനന്തപുരം: പ്രധാനമന്ത്രിയുടെ സന്ദര്ശനം സംസ്ഥാനത്ത് വലിയ രാഷ്ട്രീയ മാറ്റമുണ്ടാക്കുമെന്നും നേമത്ത് വലിയ വിജയം നേടുമെന്ന ആത്മവിശ്വാസമായി ബിജെപി ക്യാമ്പ്. ബിജെപിയുടെ 'എ' ക്ലാസ് മണ്ഡലങ്ങളില് കണ്ണുവെച്ചാണ് മോദി വീണ്ടും എത്തുന്നത്. അനൂപ് ആന്റണിയുടേയും തിരുവനന്തപുരം സ്ഥാനാര്ത്ഥികളുടെയും വിജയമാണ് ലക്ഷ്യം.
ഒരാഴ്ചയ്ക്കിടെ ഇത് രണ്ടാം തവണയാണ് പ്രധാനമന്ത്രി കേരളത്തില് പ്രചാരണത്തിനെത്തുന്നത്. തിരുവനന്തപുരത്തെ ബിജെപിയുടെ കരുത്തുറ്റ മണ്ഡല ങ്ങളായ നേമത്തും വട്ടിയൂര്ക്കാവിലും പ്രധാനമന്ത്രിയുടെ സന്ദര്ശനം വലിയ ചലനങ്ങള് ഉണ്ടാക്കുമെന്നാണ് എന്ഡിഎ ക്യാമ്പിന്റെ പ്രതീക്ഷ. നഗരമധ്യ ത്തിലെ കിള്ളിപ്പാലം മുതല് കരമന വരെയുള്ള ഒന്നര കിലോമീറ്റര് ദൂരത്തില് റോഡ് ഷോ സംഘടിപ്പിച്ചിട്ടുണ്ട്.
തിരുവനന്തപുരം സെന്ട്രല്, നേമം മണ്ഡലങ്ങളിലൂടെ കടന്നുപോകുന്ന ഈ പരിപാടിയില് ജില്ലയിലെ മുഴുവന് പ്രവര്ത്തകരും പങ്കാളികളാകും. കഴിഞ്ഞ ദിവസം പാലക്കാട്, തൃശൂര് എന്നിവിടങ്ങളില് അദ്ദേഹം നടത്തിയ സന്ദര്ശനം പ്രവര്ത്തകര്ക്കിടയില് വലിയ ആത്മവിശ്വാസം പകര്ന്ന സാഹചര്യത്തി ലാണ് പുതിയ പരിപാടികള് നിശ്ചയിച്ചിരിക്കുന്നത്. എന്നാല് പ്രധാനമന്ത്രിയുടെ റോഡ് ഷോ കൊണ്ട് വോട്ടര്മാരുടെ മനസ്സ് മാറ്റാന് കഴിയില്ലെന്ന് എല്ഡിഎഫ്-യുഡിഎഫ് സ്ഥാനാര്ത്ഥികള് ഒരേപോലെ വാദിക്കുന്നു.
