പലരും താരന് ഉണ്ടാകുന്നത് തലയോട്ടിയിലെ വരള്ച്ച (Dry Scalp) മൂലമാണെന്ന് വിശ്വസിക്കുന്നു. ഈ ധാരണ കാരണം ആളുകള് അമിതമായി എണ്ണയും ഹെയര് മോയ്സ്ചറൈസറുകളും ഉപയോഗിക്കാറുണ്ട്. എന്നാല് ഇത് ഗുണത്തേക്കാളേറെ ദോഷം ചെയ്യുകയും തലയോട്ടിയില് ചൊറിച്ചിലിനും മുടികൊഴിച്ചിലിനും കാരണമാവുകയും ചെയ്യുന്നു. താരനും വരണ്ട തലയോട്ടിയും രണ്ട് വ്യത്യസ്ത പ്രശ്നങ്ങളാണ് എന്നതാണ് യാഥാര്ത്ഥ്യം.
വരണ്ട തലയോട്ടിയും താരനും തമ്മിലുള്ള വ്യത്യാസം എങ്ങനെ തിരിച്ചറിയാം?
വരണ്ട തലയോട്ടി (Dry Scalp) - ശരീരത്തില് ആവശ്യത്തിന് ജലാംശം ഇല്ലാത്തതിനാലോ, തണുപ്പുള്ള കാലാവസ്ഥയോ, അമിതമായ ചൂടുവെള്ളത്തിന്റെ ഉപയോഗമോ കാരണം ഇത് സംഭവിക്കുന്നു. ഇതില് വെളുത്ത നിറത്തിലുള്ള ചെറിയ പൊടികള് പോലെയാണ് തൊലി അടരുന്നത്. ഇതിന് ചൊറിച്ചിലോ വീക്കമോ താരതമ്യേന കുറവായിരിക്കും.
താരന് (Dandruff) - 'മലസീസിയ ഗ്ലോബോസ' (Malassezia globosa) എന്ന ഫംഗസ് കാരണമാണ് താരന് ഉണ്ടാകുന്നത്. ഇത് തലയോട്ടിയിലെ എണ്ണമയം (Sebum) ആഹാരമാക്കുകയും ഒലിയിക് ആസിഡ് ഉല്പ്പാദിപ്പിക്കുകയും ചെയ്യുന്നു. ഇത് ചര്മ്മത്തില് അസ്വസ്ഥത ഉണ്ടാക്കുന്നു. താരന്റെ ശകലങ്ങള് വലുതും മഞ്ഞ കലര്ന്ന വെളുപ്പ് നിറമുള്ളതും എണ്ണമയമുള്ളതുമായിരിക്കും.
സെബോറിക് ഡെര്മറ്റൈറ്റിസ് (Seborrheic Dermatitis) - താരന് ശരിയായി ചികിത്സിച്ചില്ലെങ്കില് ഈ ഫംഗസ് അതിവേഗം പെരുകുകയും കഠിനമായ വീക്കത്തിലേക്ക് നയിക്കുകയും ചെയ്യും. ഇതിനെയാണ് സെബോറിക് ഡെര്മറ്റൈറ്റിസ് എന്ന് വിളിക്കുന്നത്. ഇതിന് പിറോക്റ്റോണ് ഒലാമൈന് (Piroctone Olamine) അടങ്ങിയ ആന്റി-ഡാന്ഡ്രഫ് ഷാംപൂകള് ഉപയോഗിക്കുന്നത് ഫലപ്രദമാണ്. ഇത് ഫംഗസ് വളര്ച്ചയെ നിയന്ത്രിക്കുകയും ചൊറിച്ചില് കുറയ്ക്കുകയും ചെയ്യുന്നു.
താരനെക്കുറിച്ചുള്ള 4 പ്രധാന തെറ്റിദ്ധാരണകള് (Myths)
തെറ്റിദ്ധാരണ 1 : താരന് ഉണ്ടാകുന്നത് തലയോട്ടി വരണ്ടതു കൊണ്ടാണ്.
യാഥാര്ത്ഥ്യം : മലസീസിയ എന്ന ഫംഗസ് തലയോട്ടിയിലെ പ്രകൃതിദത്തമായ എണ്ണമയം ഉപയോഗിച്ച് വളരുന്നതിനാലാണ് താരന് ഉണ്ടാകുന്നത്.
തെറ്റിദ്ധാരണ 2 : ഷാംപൂ അമിതമായി ഉപയോഗിക്കുന്നത് താരന് കാരണമാകും.
യാഥാര്ത്ഥ്യം : തെറ്റായ രീതിയിലുള്ള കഴുകല് തലയോട്ടിയെ ദോഷകരമായി ബാധിക്കുമെങ്കിലും, പിറോക്റ്റോണ് ഒലാമൈന് അടങ്ങിയ ആന്റി-ഡാന്ഡ്രഫ് ഷാംപൂകള് ആഴ്ചയില് 2-3 തവണ ഉപയോഗിക്കുന്നത് താരന് കുറയ്ക്കാന് സഹായിക്കും.
തെറ്റിദ്ധാരണ 3 : താരന് പടരുന്ന രോഗമാണ്.
യാഥാര്ത്ഥ്യം : താരന് ഒരാളില് നിന്ന് മറ്റൊരാളിലേക്ക് പടരില്ല. ചീര്പ്പ്, തോര്ത്ത്, തൊപ്പി എന്നിവ പങ്കുവെക്കുന്നത് വഴി ഇത് പകരില്ല.
തെറ്റിദ്ധാരണ 4 : ശകലങ്ങള് കുറഞ്ഞാല് താരന് പൂര്ണ്ണമായും മാറി.
യാഥാര്ത്ഥ്യം : താരന് വീണ്ടും വരാന് സാധ്യതയുള്ള ഒരു അവസ്ഥയാണ്. ശകലങ്ങള് കുറഞ്ഞാലും തലയോട്ടി കൃത്യമായി പരിപാലിക്കുന്നത് തുടരണം.
ആരോഗ്യമുള്ള തലയോട്ടിക്ക് ചെയ്യേണ്ട കാര്യങ്ങള് - കൃത്യമായ മുടി സംരക്ഷണത്തോടൊപ്പം ആരോഗ്യകരമായ ഭക്ഷണരീതി, മാനസിക സമ്മര്ദ്ദം കുറയ്ക്കല്, ശരിയായ ഉറക്കം എന്നിവയും അത്യാവശ്യമാണ്. മുതിര്ന്നവരില് പകുതിയോളം പേരെ ബാധിക്കുന്ന ഒരു സാധാരണ പ്രശ്നമാണ് താരന്. എന്നാല് കൃത്യമായ പരിചരണത്തിലൂടെ ഇത് നിയന്ത്രിക്കാന് സാധിക്കും.
