ബോളിവുഡ് പ്രേക്ഷകര്ക്ക് ഏറെ പ്രിയപ്പെട്ട താരദമ്പതിമാരില് ഒരാളാണ് രാകുൽ പ്രീത് സിംഗും ജാക്കി ഭഗ്നാനിയും. നടനും നിർമ്മാതാവുമായ ജാക്കിയും രാകുലും രാകുലും ലോക്ക്ഡൗൺ കാലത്താണ് പ്രണയത്തിലായത്. ജോലിയുമായി ബന്ധപ്പെട്ടാണ് രാകുലും ജാക്കിയും ആദ്യം കണ്ടുമുട്ടിയതെങ്കിലും ലോക്ക്ഡൗൺ കാലത്തെ അപ്രതീക്ഷിത കൂടിക്കാഴ്ച പ്രണയത്തിലെത്തി. വർഷങ്ങളോളം പ്രണയത്തിലായിരുന്ന ഇരുവരും 2024ലാണ് വിവാഹിതരായത്.
കുറച്ച് ദിവസങ്ങൾക്ക് മുമ്പ് ജാക്കിയും രാഹുലും നടത്തിയ ഒരു പരാമർശം വളരെയധികം നീണ്ടുപോവുകയും അത് വാർത്തകളിൽ ഇടം നേടുകയും ചെയ്തിരുന്നു. ഒരു അഭിമുഖത്തിൽ ജാക്കി, ജെന് സി സംസ്കാരത്തെക്കുറിച്ച് സംസാരിക്കുന്നതിനിടയില്, രാകുലുമായുള്ള തന്റെ വിവാഹത്തെ ‘സിറ്റ്വവേഷന്ഷിപ്പ്’ എന്ന് വിളിച്ചു. അതോടെ ഇവരുടെ ദാമ്പത്യവും വിമര്ശനങ്ങളിലും ചര്ച്ചകളിലും നിറഞ്ഞു. എന്നാലതിനെക്കുറിച്ചുള്ള തങ്ങളുടെ പ്രതികരണം രാകുലോ ജാക്കിയോ പറഞ്ഞിരുന്നില്ല.
ഇപ്പോഴിതാ ഈ സംഭവത്തെക്കുറിച്ചുള്ള തങ്ങളുടെ പ്രതികരണം ഇന്സ്റ്റഗ്രാം സ്റ്റോറിയിലൂടെ പങ്കിടുകയാണ് രാകുൽ പ്രീത് സിംഗ്. ജാക്കി ഭഗ്നാനിയും രാകുൽ പ്രീത് സിംഗും അവരുടെ വിവാഹത്തെ ഒരു ‘സിറ്റ്വവേഷന്ഷിപ്പ്’ എന്ന് വിളിച്ച സംഭവത്തെക്കുറിച്ചാണ് ഈ വീഡിയോയില് പറയുന്നത് . ജാക്കി നടത്തിയ അഭിപ്രായങ്ങൾക്ക് രാകുല് കളിയാക്കുന്ന ഒരു തമാശ നിറഞ്ഞ വീഡിയോയാണിത്. ‘‘എത്ര തവണ ഞാൻ ഇവനോട് പറഞ്ഞിട്ടുണ്ട്? 'നോക്കൂ, നമ്മൾ മില്ലേനിയലുകളാണ്... ഒരു ജെന് സി പോലെ പെരുമാറേണ്ട ആവശ്യമില്ല എന്ന്. ഞാന് പറഞ്ഞിട്ടില്ലേ...?’ എന്ന് രാകുല് ജാക്കിയോട് ചോദിക്കുന്നത് ദൃശ്യങ്ങളില് കാണാം.
മറുപടിയായി രാകുലിന്റെ അരികിൽ നിന്നുകൊണ്ട് ജാക്കി ചെവികൾ പിടിച്ച് മുഖത്ത് സങ്കടഭാവം വരുത്തി ക്ഷമാപണം നടത്താൻ ശ്രമിക്കുന്നു. പിന്നീട് പുഞ്ചിരിച്ചു കൊണ്ട്, കളിയായി ക്ഷമാപണം നടത്തി ‘ഐ ആം സോറി...’ എന്ന് പറയുന്നുണ്ട്. അതിന്, ‘ഇപ്പോൾ എന്താണ് സംഭവിച്ചതെന്ന് നോക്കൂ...’ എന്നാണ് രാകുല് ചിരിയോടെ ചോദിക്കുന്നു. അപ്പോള് ജാക്കി ചിരിച്ചു കൊണ്ട്, ‘പക്ഷേ ഞാൻ അങ്ങനെ ഉദ്ദേശിച്ചിരുന്നില്ല...’ എന്ന് പറയുന്നുണ്ട്.
‘എനിക്കറിയാം, പക്ഷേ ലോകം അറിയേണ്ടതുണ്ട്... അത് കുഴപ്പമില്ല, നിങ്ങൾ നിർത്തുന്നില്ലെന്ന് കണക്കിലെടുക്കുമ്പോൾ, നമുക്ക് അതിനെക്കുറിച്ച് ചിരിക്കാം എന്ന് ഞങ്ങൾ കരുതി...’’ എന്നാണ് രാകുല് പറയുന്നത്. ‘‘നിങ്ങള്ക്ക് ചെയ്യാനുള്ളത് ചെയ്തു കഴിഞ്ഞോ? ഇനി ചിരിച്ചിട്ട് മുന്നോട്ട് പോകൂ...’’ എന്ന ക്യാപ്ഷന് നല്കിയാണ് രാകുല് തന്റെ ഇന്സ്റ്റഗ്രാമിലൂടെ ഈ വീഡിയോ പങ്കിട്ടിരിക്കുന്നത്.
വീഡിയോ പങ്കിടുന്നതിന് ഒരു ദിവസം മുമ്പ്, രാകുൽ സാഹചര്യത്തെ കൂടുതൽ ഗൗരവമായി അഭിസംബോധന ചെയ്തു, ഒരു നീണ്ട സംഭാഷണത്തിലെ ഒരു വരി ഓൺലൈനിൽ കേന്ദ്രബിന്ദുവായി മാറിയതിനെക്കുറിച്ച് പ്രതികരിച്ചു.
“ഒരു മണിക്കൂർ നീണ്ട സംഭാഷണത്തിലെ ഒരു വരി പെട്ടെന്ന് എങ്ങനെ തലക്കെട്ടായി മാറുന്നു എന്നതിനെക്കുറിച്ച് ഇന്ന് ഞങ്ങൾക്ക് വലിയ ചിരി തോന്നി. രസകരം...അത് അങ്ങനെയല്ലാത്തിടത്തോളം. സന്ദർഭം പ്രധാനമാണ്. സൂക്ഷ്മത പ്രധാനമാണ്. സംഭാഷണങ്ങൾ ക്ലിക്ക്ബെയ്റ്റായി ചുരുക്കപ്പെടരുത്. വിവാദങ്ങൾ സൃഷ്ടിക്കാൻ വേണ്ടി ഒറ്റവരി തലക്കെട്ട് നല്കുമ്പോള് അഭിമുഖവും സംഭാഷണവും അതില് കൂടുതല് നല്ലത് അര്ഹിക്കുന്നുണ്ട് എന്ന് മനസ്സിലാക്കുക...’’ എന്നാണ് രാകുല് കുറിച്ചത്.
ഒരു യൂട്യൂബ് ചാനലിന് നല്കിയ അഭിമുഖത്തില്, ‘എങ്ങനെയാണ് വിവാഹം കഴിക്കാൻ തീരുമാനിച്ചത്’ എന്ന ചോദ്യത്തിന് നല്കിയ മറുപടിയിലാണ് ജാക്കി ഇക്കാര്യം പറഞ്ഞത്, ‘‘ഇന്നത്തെ ജെന് സി ഒരു സാഹചര്യ ജീവിതം ആഗ്രഹിക്കുന്നത് എന്തുകൊണ്ടാണ്? കാരണം അവർക്ക് അറിയാം നമുക്ക് ഈ സമ്മർദ്ദവും പ്രതീക്ഷകളും നിയന്ത്രണങ്ങളും വേണ്ടെന്ന്. രാകുലും ഞാനും വിവാഹിതരാണ്, പക്ഷേ ഞങ്ങൾ ഒരു ‘സിറ്റ്വവേഷന്ഷിപ്പിലാ’ണ്. അതെ, ഞങ്ങൾ വിവാഹിതരായതിനാൽ ഞങ്ങൾ പരസ്പരം എക്സ്ക്ലൂസീവ് ആണ്...’’ എന്നാണ്.
