ബെംഗളൂരു നഗരത്തിലെ തിരക്കേറിയ പദരായണപുര മെയിന് റോഡിലൂടെ ആറ് കുട്ടികള് ഒരു സ്കൂട്ടറില് അപകടകരമായ രീതിയില് യാത്ര ചെയ്യുന്ന വീഡിയോയാണ് ഇപ്പോള് സോഷ്യല് മീഡിയയില് വന് പ്രതിഷേധിത്തിന് വഴിതെളിച്ചിരിക്കുന്നത്. ഏപ്രില് 26-ന് രാവിലെ 10:45-ഓടെയാണ് ഞെട്ടിക്കുന്ന ഈ സംഭവം നടന്നത്. 10 നും 12 നും ഇടയില് പ്രായമുള്ള കുട്ടികള് ഹെല്മറ്റോ മറ്റ് സുരക്ഷാ സംവിധാനങ്ങളോ ഇല്ലാതെയാണ് വാഹനമോടിച്ചത്. നേരെ ഇരിക്കാന് പോലും പ്രായമാകാത്ത ഒരു പയ്യന് സ്കൂട്ടര് നിയന്ത്രിക്കാന് പാടുപെടുന്നതിന്റെ ദൃശ്യങ്ങള് ഇതിനകം തന്നെ പുറത്തുവന്നുകഴിഞ്ഞു.
ശ്രേയസ് എന്ന വ്യക്തിയാണ് എക്സ് പ്ലാറ്റ്ഫോമിലൂടെ വീഡിയോ പങ്കുവച്ചിരിക്കുന്നത്. നിമിഷ നേരങ്ങള്ക്കുള്ളില് വീഡിയോ വൈലാകുകയും ചെയ്തു. വാഹനത്തിന്റെ നമ്പര് സഹിതം പ്രചരിച്ച വീഡിയോ ശ്രദ്ധയില്പ്പെട്ടതോടെ, കുട്ടികളുടെ മാതാപിതാക്കളെ കണ്ടെത്തി കര്ശനമായ നിയമനടപടി സ്വീകരിക്കണമെന്ന് ആവശ്യപ്പെട്ട് നിരവധി പേര് രംഗത്തെത്തി. പ്രായപൂര്ത്തിയാകാത്തവര് ഇത്രയും തിരക്കുള്ള റോഡില് സാഹസിക യാത്ര നടത്തിയിട്ടും ട്രാഫിക് പോലീസ് തടഞ്ഞില്ല എന്നതിനെതിരെയും വിമര്ശനം ഉയര്ന്നു. ഇത് വെറും അശ്രദ്ധയല്ലെന്നും ക്രിമിനല് കുറ്റമാണെന്നുമാണ് പൊതുജനങ്ങളുടെ പ്രതികരണം.
മുന് ബെംഗളൂരു പോലീസ് കമ്മീഷണര് ഭാസ്കര് റാവു ഉള്പ്പെടെയുള്ള പ്രമുഖര് വിഷയത്തില് ഇടപെടുകയും മോട്ടോര് വാഹന നിയമപ്രകാരം കര്ശന നടപടി വേണമെന്ന് ആവശ്യപ്പെടുകയും ചെയ്തു. സംഭവം വലിയ വിവാദമായതോടെ ബെംഗളൂരു ട്രാഫിക് പോലീസ് അന്വേഷണം ആരംഭിച്ചിട്ടുണ്ട്. മറ്റുള്ളവര്ക്ക് ഇതൊരു പാഠമാകണമെന്നും കുറ്റക്കാര്ക്കെതിരെ ബി.എന്.എസ് പ്രകാരം നടപടി സ്വീകരിക്കുമെന്നും അധികൃതര് സൂചിപ്പിച്ചു.
This is haappend on today 26/04/2026 morning 10:45 am those kid's illegally ridding scooter No. ( KA05JZ9065 ) on location ( Padarayanapura main road near gowripalya on opposite of total engineer auto gas ) new Bridge. please take necessary. @BlrCityPolice @blrcitytraffic pic.twitter.com/S4rrOE8vbD
— Shreyas Shreyu (@Shreyas35240282) April 26, 2026
