വൻപിച്ച ഭൂരിപക്ഷത്തോടെയാണ് ഇത്തവണ കോൺഗ്രസ് ജനവിധി നേടിയെടുത്തത്. ഒരു ഭരണമാറ്റം ജനങ്ങളും ആഗ്രഹിക്കുന്നു എന്ന തരത്തിലായിരുന്നു 2026 ലെ നിയമസഭ തെരെഞ്ഞെടുപ്പിന്റെ റിസൾട്ട് വന്നത്.
എന്നാൽ ഇത്ര ദിവസം കഴിഞ്ഞിട്ടും കേരളത്തിന്റെ മുഖ്യമന്ത്രി ആരാകും എന്ന കാര്യത്തിൽ കോൺഗ്രസ് ഇതുവരെ തീരുമാനം എടുത്തിട്ടില്ല. മാത്രവുമല്ല, മുഖ്യമന്ത്രി കസേരയ്ക്കായുള്ള വലിയ രീതിയിലുള്ള പോരും വഴക്കും നടക്കുകയാണ്.
ഇപ്പോഴിതാ നിലവിലെ കേരളത്തിലെ മുഖ്യമന്ത്രി ചർച്ചയിൽ കോണ്ഗ്രസിനെ ട്രോളി ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. ആദിത്യ ജാക്കി എന്നയാളുടെ കുറിപ്പ് പങ്കുവച്ചാണ് രാജീവിന്റെ പരിഹാസം.
'കേരളത്തിനൊപ്പം തെരഞ്ഞെടുപ്പ് നടന്ന തമിഴ്നാട്ടിലും പശ്ചിമ ബംഗാളിലും സർക്കാർ രൂപീകരിച്ചു കഴിഞ്ഞിട്ടും ഇവിടെ മുഖ്യമന്ത്രിയെ തീരുമാനിച്ചിട്ടില്ല. അതിനിടെയാണ് കെ സി മുഖ്യമന്ത്രികുന്നതിനെ ചൊല്ലി ബിജെപിയുടെ കേരള നേതൃത്വവും ദേശീയ നേതൃത്വവും തമ്മിൽ രസകരമായൊരു മത്സരം നടക്കുന്നു...' എന്ന സ്ക്രീൻ ഷോട്ടാണ് രാജീവ് ചന്ദ്രശേഖർ പങ്കുവച്ചത്.
അതിനൊപ്പം 'ഇത് സത്യമാണെന്നും അല്ലായെന്നും തൽക്കാലം സ്ഥിരീകരിക്കാൻ താൻ ഉദ്ദേശിക്കുന്നില്ലെന്നും ഇതാണ് ഈ വിഷയത്തിൽ തന്റെ പ്രതികരണം' എന്നുമാണ് രാജീവ് ചന്ദ്രശേഖർ കുറിച്ചത്.
"ബിജെപിയുടെ കേരള, കേന്ദ്ര നേതൃത്വങ്ങൾ തമ്മിൽ രസകരമായൊരു മത്സരം നടക്കുന്നു. കേരളത്തിലെ ബിജെപിക്ക് കെ സി വേണുഗോപാലിനെ കേരളത്തിൽ വേണം. ബിജെപിയുടെ ദേശീയ നേതൃത്വം ആഗ്രഹിക്കുന്നത് കെ സി വേണുഗോപാൽ ഡൽഹിയിൽ വേണം എന്നാണ്... " എന്നാണ് ആദിത്യ ജാക്കി എന്നയാൾ എക്സിൽ കുറിച്ചത്.
ഈ പോസ്റ്റിന്റെ സ്ക്രീൻ ഷോട്ട് പങ്കുവച്ചാണ് രാജീവ് ചന്ദ്രശേഖർ കോണ്ഗ്രസിനെ ട്രോളിയത്. 'ഇത് സത്യമാണെന്നും അല്ലായെന്നും തൽക്കാലം സ്ഥിരീകരിക്കാൻ ഞാൻ ഉദ്ദേശിക്കുന്നില്ല. ഇതാണ് ഈ വിഷയത്തിൽ എന്റെ പ്രതികരണം...' എന്നാണ് രാജീവ് ചന്ദ്രശേഖർ കുറിച്ചത്. ഈ പോസ്റ്റ് വലിയ രീതിയിൽ ജനങ്ങൾ ഏറ്റെടുക്കുന്നുണ്ട്. ചിലർ ഇതിനെ പിന്തുണച്ചും മറ്റു ചിലർ വലിയ രീതിയിൽ വിമർശിച്ചും കമന്റുകൾ കുറിക്കുന്നുണ്ട്.
