ധർമ്മശാല: കഴിഞ്ഞ ദിവസം നടന്ന ആവേശപ്പോരാട്ടത്തിൽ പഞ്ചാബ് കിങ്സിനെതിരെ മുംബൈ ഇന്ത്യൻസ് ആറ് വിക്കറ്റിന്റെ തകർപ്പൻ ജയം സ്വന്തമാക്കിയെങ്കിലും, മുൻ നായകൻ രോഹിത് ശർമയുടെ ബാറ്റിങ് ശൈലി വലിയ വിവാദങ്ങൾക്ക് വഴിവെക്കുന്നു. ടി20 പൂരപ്പറമ്പായ ഐപിഎല്ലിൽ 'ഹിറ്റ്മാൻ' ടെസ്റ്റ് ക്രിക്കറ്റാണ് കളിച്ചതെന്നാണ് ആരാധകരുടെ പ്രധാന വിമർശനം. ഇംപാക്ട് പ്ലെയറായി ക്രീസിലെത്തിയിട്ടും 26 പന്തിൽ വെറും 25 റൺസ് മാത്രമാണ് രോഹിതിന് നേടാനായത്. ഈ വിയർപ്പൊഴുക്കൽ രോഹിതിന്റെ സ്കോറിങ്ങിനെ ബാധിച്ചെന്ന് മാത്രമല്ല, മറുഭാഗത്ത് കൊടുങ്കാറ്റായി മാറിയ സഹഓപ്പണർ റയാൻ റിക്കെൽറ്റന്റെ പുറത്താകലിന് കാരണമായതായും വിലയിരുത്തപ്പെടുന്നു.
റിക്കെൽറ്റന്റെ താണ്ഡവവും രോഹിതിന്റെ വിയർപ്പൊഴുക്കലുംമുംബൈ ഇന്നിങ്സിന്റെ തുടക്കത്തിൽ പഞ്ചാബ് ബൗളർമാരെ നിലംതൊടാതെ പറത്തിയത് ദക്ഷിണാഫ്രിക്കൻ താരം റയാൻ റിക്കെൽറ്റനായിരുന്നു. വെറും 23 പന്തുകളിൽ നിന്ന് 4 സിക്സറുകളും 4 ഫോറുകളുമടക്കം 48 റൺസാണ് താരം അടിച്ചുകൂട്ടിയത്. അർഷ്ദീപ് സിങ് എറിഞ്ഞ ആദ്യ ഓവറിൽ രണ്ട് റൺസ് മാത്രം നേടി പതറിയ മുംബൈയെ, തൊട്ടടുത്ത ഓവറിൽ അസ്മത്തുള്ള ഒമർസായിയെ സിക്സറിന് തൂക്കി റിക്കെൽറ്റനാണ് മത്സരത്തിലേക്ക് തിരികെ കൊണ്ടുവന്നത്. തുടർന്ന് മാർക്കോ യാൻസൻ, സാവിയർ ബാർലെറ്റ് എന്നിവരെയും താരം അതിർത്തി കടത്തി.എന്നാൽ ഈ വെടിക്കെട്ട് നടക്കുമ്പോഴും, മറുവശത്ത് പവർപ്ലേയുടെ ആനുകൂല്യം മുതലാക്കേണ്ട രോഹിത് ശർമ തികച്ചും പ്രതിരോധത്തിലായിരുന്നു.
ഒരു ഘട്ടത്തിൽ 9 പന്തിൽ വെറും 5 റൺസ് എന്ന നിലയിൽ താരം സ്ട്രൈക്ക് റൊട്ടേറ്റ് ചെയ്യാൻ പോലും പ്രയാസപ്പെട്ടു. റൺറേറ്റ് ഉയർത്താനുള്ള യാതൊരു ശ്രമവും നടത്താതെ, അതിന്റെ മുഴുവൻ ഉത്തരവാദിത്തവും സമ്മർദ്ദവും രോഹിത് റിക്കെൽറ്റന്റെ തലയിലേക്ക് വെച്ചുകൊടുത്തു. പവർപ്ലേ യിലെ 'ഏകപക്ഷീയമായ' റൺ വേട്ടപവർപ്ലേ പൂർത്തിയാകുമ്പോൾ വിക്കറ്റ് പോകാതെ 59 റൺസ് എന്ന മികച്ച നിലയിലായിരുന്നു മുംബൈ ഇന്ത്യൻസ്. ബാറ്റ്സ്മാൻനേരിട്ട പന്തുകൾ/റൺസ്സംഭാവന (ശതമാനത്തിൽ)റയാൻ റിക്കെൽറ്റൻ 47 റൺസ് 80 ശതമാനവും രോഹിത് ശർമ നേടിയ 12 റൺസ് 20 ശതമാനമായും വിലയിരുത്തപ്പെടുന്നു. സീനിയർ താരത്തിൽ നിന്ന് ഒട്ടും പിന്തുണ ലഭിക്കാതായതോടെ, റൺവേട്ടയുടെ വേഗത കുറയാതിരിക്കാൻ റിക്കെൽറ്റൺ കൂടുതൽ അപകടകരമായ ഷോട്ടുകൾക്ക് മുതിരാൻ നിർബന്ധിതനായി.
ഈ അമിത സമ്മർദ്ദമാണ് ഒടുവിൽ റിക്കെൽറ്റന്റെ വിക്കറ്റ് നഷ്ടമാക്കിയത്. ഒമർസായി എറിഞ്ഞ ഓവറിലെ മൂന്നാം പന്തിൽ കൂറ്റന് ഷോട്ടിന് ശ്രമിച്ച താരം, ഡീപ്പ് ബാക്ക്വേർഡ് സ്ക്വയറിൽ ലളിതമായൊരു ക്യാച്ച് സമ്മാനിച്ച് മടങ്ങുകയായിരുന്നു. വെറും രണ്ട് റൺസ് അകലെ അർഹിച്ച അർധസെഞ്ച്വറി റിക്കെൽറ്റന് നഷ്ടമായത് രോഹിത് വരുത്തിവെച്ച സമ്മർദ്ദം മൂലമാണെന്നാണ് ക്രിക്കറ്റ് ലോകത്തെ ഇപ്പോഴത്തെ സംസാരം.
