മഹാരാഷ്ട്രയിലെ പിംപ്രിചിഞ്ച്വാഡിലുള്ള പ്രശസ്തമായ മോര്യ ഗോസാവി ക്ഷേത്രത്തിലെ മേളയില് നിന്ന് വാങ്ങിയ പുതപ്പില് 'മേഡ് ഇന് പാകിസ്താന്' ലേബല് കണ്ടെത്തിയതിനെത്തുടര്ന്ന് വന് വിവാദം. മേളയില് നിന്ന് പുതപ്പ് വാങ്ങിയ പൂജ സറഫ് എന്ന സ്ത്രീയാണ് വീട്ടിലെത്തി ഇത് കഴുകിയപ്പോള് പാകിസ്താന് നിര്മ്മിതമാണെന്ന് വ്യക്തമാക്കുന്ന ടാഗ് കണ്ടെത്തിയത്. ഈ ദൃശ്യങ്ങള് അവര് സോഷ്യല് മീഡിയയില് പങ്കുവെച്ചതോടെ വീഡിയോ വ്യാപകമായി പ്രചരിക്കുകയും പൊതുജനങ്ങള്ക്കിടയില് വലിയ പ്രതിഷേധത്തിന് കാരണമാവുകയും ചെയ്തു.
ഇന്ത്യയില് പാകിസ്താന് ഉല്പ്പന്നങ്ങള്ക്ക് കര്ശനമായ ഇറക്കുമതി നിയന്ത്രണങ്ങള് നിലനില്ക്കെ, ഇത്തരം സാധനങ്ങള് എങ്ങനെയാണ് പ്രാദേശിക വിപണിയിലും ക്ഷേത്രമേളകളിലും എത്തിയതെന്ന് വീഡിയോയിലൂടെ ഇവര് ചോദ്യം ചെയ്തു. തന്നെപ്പോലെ മറ്റ് പല ഭക്തരും അറിയാതെ ഇത്തരം ഉല്പ്പന്നങ്ങള് വാങ്ങിയിട്ടുണ്ടാകാമെന്ന ആശങ്കയും അവര് പങ്കുവെച്ചു. സംഭവത്തിന്റെ ഗൗരവം കണക്കിലെടുത്ത് പിംപ്രിചിഞ്ച്വാഡ് പോലീസ് പ്രാഥമിക അന്വേഷണത്തിനായി പ്രത്യേക സംഘത്തെ നിയോഗിച്ചിട്ടുണ്ട്. പുതപ്പിന്റെ ഉറവിടം കണ്ടെത്താനും ഇത് വിറ്റ കച്ചവടക്കാരെ കണ്ടെത്താനുമുള്ള ശ്രമങ്ങള് പോലീസ് ആരംഭിച്ചു.
അനധികൃതമായി ഇത്തരം ഉല്പ്പന്നങ്ങള് വില്ക്കുന്ന കച്ചവടക്കാര്ക്കെതിരെ കര്ശന നടപടിയെടുക്കാന് പിംപ്രിചിഞ്ച്വാഡ് മുനിസിപ്പല് കോര്പ്പറേഷനോട് പോലീസ് ആവശ്യപ്പെട്ടിട്ടുണ്ട്. കഴിഞ്ഞ കുറച്ചു ആഴ്ചകളായി മഹാരാഷ്ട്രയുടെ വിവിധ ഭാഗങ്ങളില് സമാനമായ സംഭവങ്ങള് റിപ്പോര്ട്ട് ചെയ്യപ്പെടുന്നുണ്ട്. അടുത്തിടെ ധൂലെ, ഛത്രപതി സംഭാജിനഗര് എന്നീ ജില്ലകളിലും പാകിസ്താന് നിര്മ്മിത സൗന്ദര്യവര്ദ്ധക വസ്തുക്കള് വിറ്റ വ്യാപാരികള്ക്കെതിരെ പോലീസ് നടപടിയെടുത്തിരുന്നു. വിപണിയില് നിന്നും സാധനങ്ങള് വാങ്ങുമ്പോള് ഉപഭോക്താക്കള് കൂടുതല് ജാഗ്രത പാലിക്കണമെന്ന് അധികൃതര് നിര്ദ്ദേശിക്കുന്നു.
चिंचवड मधे मोर्या गोसावी मंदिर,येथील मराठी भगिननीने हा व्हिडीओ इन्स्टावर शेअर केला आहे. या भगिनीने, तिथे एक चादर विकत घेतली.
त्या चादरीवर made in pakistan लेबल,लावला होता.
भारतात पाकिस्तानी वस्तू, समान बॅन असताना, पाकिस्तानी वस्तू व समान कोण विकतय.. कारवाई करा @Dev_Fadnavis pic.twitter.com/un3Uj62DH6— HMV पत्रकार (@namithsheth81) June 5, 2026
