മക്കളെ കാണിക്കാന് സിനിമയില് അഭിനയിക്കാന് ആഗ്രഹം തോന്നുന്നെന്ന് ബോളിവുഡിലെ മുന്നായിക ശില്പ്പാഷെട്ടി. ദീര്ഘകാലമായി ബോളിവുഡ് സിനിമകളില് നിന്നും വിട്ടു നില്ക്കുന്നതാരം പഴയത് പോലെ നായികയായുള്ള മടങ്ങിവരവാണ് ആഗ്രഹിക്കുന്നതെന്നും പറഞ്ഞു.
തന്റെ സിനിമകള് മക്കള് ഇതുവരെ ബിഗ് സ്ക്രീനില് കണ്ടിട്ടില്ലെന്നും അതാണ് ഈ തീരുമാനത്തിന് പിന്നിലെന്നും നടി ഒരു അഭിമുഖത്തില് വ്യക്തമാക്കി. മക്കള് തന്റെ സിനിമകള് ബിഗ് സ്ക്രീനില് കണ്ടിട്ടില്ലെന്നും ഡിജിറ്റല് പ്ലാറ്റ്ഫോമുകളില് മാത്രമേ കണ്ടിട്ടുള്ളുവെന്നും താരം പറഞ്ഞു.
'തീയേറ്ററുകളില് റിലീസ് ചെയ്യുന്ന ചിത്രത്തില് ആഗ്രഹിക്കാന് താല്പര്യമുണ്ട്്. മക്കളായ മക്കളായ സമിഷയും വിയാനും എന്നെ ഇതുവരെ വലിയ സ്ക്രീനില് കണ്ടിട്ടില്ല. അതുകൊണ്ട് വീണ്ടും സിനിമയില് അഭിനയിക്കാന് താല്പര്യമുണ്ട്. എന്റെ മകന് എന്റെ സുഖീ എന്ന ചിത്രം 2023-ല് വലിയ സ്ക്രീനില് കണ്ടിട്ടുണ്ട്. എന്നാല് അതൊരു പ്രിവ്യൂ തിയേറ്ററില് ആയിരുന്നു.
അതേസമയം സിനിമയില് അഭിനയിക്കാന് മുമ്പ് വന്ന ഒട്ടേറെ അവസരങ്ങള് താന് മനപ്പൂര്വ്വം നോ പറഞ്ഞിട്ടുണ്ടെന്നും താരം പറഞ്ഞു. ചില സിനിമകളോട് താന് 'നോ' പറഞ്ഞിട്ടുണ്ട് 'ഞാന് 'നോ' പറഞ്ഞ പല സന്ദര്ഭങ്ങളുമുണ്ടായിട്ടുണ്ട്. അതിന്റെ കാരണങ്ങള് തീര്ത്തും ന്യായമായിരുന്നു. അക്കൂട്ടത്തില് ചില വമ്പന് ചിത്രങ്ങള് പോലുമുണ്ടായിരുന്നു. അതിന് കാരണങ്ങള് പലതാണെന്നും ശില്പ്പ ഷെട്ടി പറഞ്ഞു.
