ചെന്നൈ: സോഷ്യൽ മീഡിയയിൽ ചർച്ചയ്ക്ക് പ്രത്യേകിച്ചൊന്നും വേണ്ടെന്ന് പറയുന്നപോലെയായിപോയി കാര്യങ്ങൾ. തൃഷയും വിജയും തമ്മിൽ പിരിഞ്ഞെന്ന തരത്തിൽ സോഷ്യൽ മീഡിയയിൽ പ്രചരിച്ച വാർത്തകൾക്ക് വിരാമം. വിജയ്ക്ക് ജന്മദിനാശംസകൾ നേർന്നില്ല എന്നതായിരുന്നു ഊഹാപോഹങ്ങൾക്ക് കാരണമായത്. എന്നാൽ, ഒരൊറ്റ പോസ്റ്റിലൂടെ തൃഷ അതിനു നല്ലൊരു മറുപടി നൽകി.
വിജയ്ക്കൊപ്പമുള്ള പ്രണയാർദ്രമായ ചിത്രം പങ്കുവെച്ചുകൊണ്ട് തൃഷ അഭ്യൂഹങ്ങൾക്ക് മറുപടി നൽകിയത്. പിറന്നാളിന്റെ തൊട്ടടുത്ത ദിവസം ജന്മദിനാശംസകൾ നേർന്നുകൊണ്ട് തൃഷ ഈ വാർത്തകളെല്ലാം വെറുതെയാണെന്ന് തെളിയിച്ചു. “ജീവിതം ധന്യമാക്കുന്ന പ്രിയപ്പെട്ടയാൾക്ക് ജന്മദിനാശംസകൾ 00.00" എന്നായിരുന്നു പോസ്റ്റ് ഒപ്പം പ്രണയാർദ്രമായ ഒരു ചിത്രവും പങ്കുവച്ചു. കേക്കിന് മുന്നിലിരിക്കുന്ന വിജയിനെ നോക്കി ചിരിക്കുന്ന മുഖവുമായിരിക്കുന്ന തൃഷയാണ് ചിത്രത്തിലുള്ളത്. ഇരുവരും ഒന്നിച്ച് ജന്മദിനം ആഘോഷിക്കുന്നതിന്റെ തിരക്കിലായതിനാലാകാം ജന്മദിനത്തിൽ ആശംസ പോസ്റ്റ് ചെയ്യാൻ വൈകിയതെന്നാണ് ആരാധകരുടെ ഇപ്പോഴത്തെ അനുമാനം.
ജൂൺ 22 ന് വിജയ്യുടെ അമ്പത്തിരണ്ടാം പിറന്നാളായിരുന്നു. പിറന്നാൾ ദിനത്തിൽ ആശംസകൾ നേരാതിരുന്നത് കാരണം ഇരുവരും സൗഹൃദം വിട്ടു എന്നും തൃഷ ഇൻസ്റ്റയിൽ വിജയ്യെ അൺഫോളോ ചെയ്തു എന്നുമുള്ള വാർത്തകൾ പരന്നിരുന്നു. പൊതുവേദിയിൽ ഇരുവരും തങ്ങളുടെ ബന്ധത്തെക്കുറിച്ച് തുറന്നു പറഞ്ഞിട്ടില്ലെങ്കിലും, വിജയിന്റെ രാഷ്ട്രീയ പ്രചാരണങ്ങളിലെ തൃഷയുടെ സാന്നിധ്യവും പുതിയ സോഷ്യൽ മീഡിയ പോസ്റ്റും ഇരുവരും ഒന്നിച്ച് സന്തോഷത്തോടെ മുന്നോട്ട് പോകുന്നു എന്നതിന്റെ തെളിവായി ആരാധകർ ഏറ്റെടുത്തു കഴിഞ്ഞു. വിജയും തൃഷയും തമ്മിൽ പ്രണയത്തിലാണെന്ന വാർത്തകൾ വളരെക്കാലമായി തെന്നിന്ത്യൻ സിനിമാലോകത്ത് സജീവമാണ്. വിജയ്യും ഭാര്യ സംഗീതയും തമ്മിലുള്ള വിവാഹമോചന വാർത്തകൾ പുറത്തുവന്നതോടെയാണ് ഈ ചർച്ചകൾ വീണ്ടും ശക്തമായത്.
