പത്തനംതിട്ട: ലഹരിവിരുദ്ധ സംഘടനയുടെ നേതാവ് എംഡിഎംഎ കൈവശം വെച്ചതിന് പിടിയില്. എഴുമറ്റൂര് കൈമല സ്വദേശിയായ ഷര്ഫിന് സെബാസ്റ്റ്യന്റെ വീട്ടില് നടത്തിയ പരിശോധനയില് പുസ്തകത്തില് ഒളിപ്പിച്ച നിലയിലാണ് എംഡിഎംഎ കണ്ടെത്തിയത്. 25 വയസ്സുള്ള ഷര്ഫിന് സെബാസ്റ്റിയന് ആന്റി ഡ്രഗ്സ് മൂവ്മെന്റ് ഇന് നേഷന് എന്ന പേരിലുള്ള സംഘടനയുടെ സംസ്ഥാന പ്രസിഡന്റാണെന്നാണ് അവകാശവാദം ഉന്നയിച്ചിരുന്നത്. ഇയാളെ ഏതാനും നാളുകളായി പോലീസ് നിരീക്ഷിച്ചു വരികയായിരുന്നു.
പോലീസിന് കിട്ടിയ രഹസ്യവിവരത്തിന്റെ അടിസ്ഥാനത്തില് നടത്തിയ പരിശോധനയില് ഷര്ഫിന്റെ വീട്ടില് നിന്നും 1.590 ഗ്രാം രാസലഹരിയാണ് കണ്ടെത്തിയത്. പുസ്തകങ്ങള്ക്കിടയില് പ്രത്യേകമായി ഒരുക്കിയ രഹസ്യ അറയില് ഒളിപ്പിച്ച നിലയിലായിരുന്നു ലഹരിമരുന്ന്. 'എംഡിഎംഎ' ഉപയോഗിക്കുന്നതിന് പ്രത്യേകമായി സംവിധാനം ചെയ്ത ഗ്ലാസ് ബബ്ലറും ഫ്യൂമിംഗ് പൈപ്പുകളും പരിശോധനയില് കണ്ടെത്തി. ലഹരിക്കെതിരേ പ്രതിഷേധങ്ങളില് ഇയാള് മദ്യാവേശത്തില് പങ്കെടുത്തിരുന്നതായി പോലീസ് പറയുന്നു.
ഓപ്പറേഷന് തൂഫാന് കീഴിലായിരുന്നു ഇയാളെ പൊക്കിയത്. ഏതാനും നാളായി ഇയാളെ പോലീസ് നിരീക്ഷിച്ചു വരികയായിരുന്നു. പോലീസ് റിമാന്റ് ചെയ്തിരിക്കുകയാണ്. കൂടുതല് അന്വേഷണം നടന്നുവരികയാണ്. ലഹരിക്കെതിരേയുള്ള പരിപാടികളില് ആവേശത്തോടെയായിരുന്നു ഇയാള് പങ്കെടുത്തിരുന്നത്. ഈ അമിതാവേശം തന്നെയായിരുന്നു പോലീസിന്റെ ശ്രദ്ധയിലേക്ക് കൊണ്ടുവന്നതും.
