മഴ ആസ്വദിക്കുന്ന വീഡിയോ പങ്കുവെച്ച് തെന്നിന്ത്യന് താരം തമന്ന ഭാട്ടിയ. ശക്തമായ കാറ്റും മഴയുമുളളപ്പോള് ബാല്ക്കണിയിലേക്ക് ഓടിച്ചെല്ലുന്ന തമന്നയെ വീഡിയോയില് കാണാം. മഴയും കാറ്റും താരം നന്നായി ആസ്വദിക്കുന്നുണ്ട്. വീശിയടിക്കുന്ന കാറ്റിലും മഴയിലും ബാല്ക്കണിയിലൂടെ അങ്ങോട്ടും ഇങ്ങോട്ടും താരം നടക്കുന്നുമുണ്ട്. ഇടയ്ക്ക് നല്ല തണുപ്പുണ്ടെന്നും തമന്ന പറയുന്നുണ്ട്.
മഴ നനഞ്ഞശേഷം തണുത്തുവിറയ്ക്കുന്ന രംഗമാണ് പിന്നീട് വീഡിയോയിലുള്ളത്. നിരവധിപേരാണ് തമന്നയുടെ വീഡിയോയ്ക്ക് പ്രതികരണങ്ങളുമായെത്തിയത്. "എന്നെക്കൂട്ടാതെ എന്തിനിത് ചെയ്തു" എന്നാണ് നടി റാഷ തഡാനി തമാശരൂപേണ കമന്റ് ചെയ്തത്. ഇതിനു പുറമേ ആരാധകരും രസകരമായ കമന്റുകളുമായെത്തിയിട്ടുണ്ട്.
അതേസമയംസിദ്ധാര്ഥ് മല്ഹോത്രയ്ക്കൊപ്പമുളള വണ്-ഫോഴ്സ് ഓഫ് ദ ഫോറസ്റ്റ് എന്ന ചിത്രമാണ് തമന്നയുടെ പുതിയ പ്രൊജക്ട്. തമിഴില് സുന്ദര് സി ഒരുക്കുന്ന വിശാല് നായകനാകുന്ന പുരുഷന് എന്ന ചിത്രവും തമന്നയുടേതായി വരുന്നുണ്ട്.
