അറ്റ്ലാന്റ: റഫറിയിങ് വിവാദം ശോഭ കെടുത്തിയെങ്കിലും അര്ജന്റീനയും ഈജിപ്തും തമ്മില് നടന്ന ഫുട്ബോള് ലോകകപ്പ് പ്രീ ക്വാര്ട്ടര് മത്സരം ആദ്യന്തം വാശിയേറിയതായിരുന്നു. ജര്മനിയുടെയും നെതര്ലന്ഡ്സിന്റെയും ബ്രസീലിന്റെയും പിന്നാലെ മടക്ക ടിക്കറ്റെടുക്കേണ്ടി വരുമെന്ന ഘട്ടത്തില് നിന്നാണ് അര്ജന്റീന ജയിച്ചു കയറിയത്.
യാസര് ഇബ്രാഹിമിന്റെയും മുസ്തഫ സികോയുടെയും ഗോളുകളില് ജയം ഉറപ്പിച്ചിരുന്ന ഈജിപ്തിനെയാണ് നിലവിലെ ചാമ്പ്യന്മാര് വീഴ്ത്തിയത്. ക്രിസ്റ്റ്യന് റൊമേറോ, ലയണല് മെസി, എന്സോ ഫെര്ണാണ്ടസ് എന്നിവര് അര്ജന്റീന ആരാധകര്ക്കു മറക്കാനാകാത്ത മത്സരം സമ്മാനിച്ചു. 15-ാം മിനിറ്റില് യാസ്സെര് ഇബ്രാഹിമും 67-ാം മിനിറ്റില് മുസ്തഫ സിക്കോയും അടിച്ച ഗോളുകള് ഫുട്ബോള് നിരൂപകരെയും ഞെട്ടിച്ചു. റൊമേറോയും മെസിയും തിരിച്ചടിച്ച മത്സരത്തില് എന്സോ ഫെര്ണാണ്ടസിന്റെ ഇഞ്ചുറി ടൈമിലെ ഗോള് ജയത്തിലേക്കായി. അറ്റ്ലാന്റ് സ്റ്റേഡിയത്തില് ഒരിക്കലും പ്രതീക്ഷിക്കാത്തതാണു നടന്നത്. 14-ാം മിനിറ്റില് ഈജിപ്ത് മുന്നില്. ഒരു കോര്ണറിനെ മര്വാന് അതിയ ബോക്സിലേക്ക് മറിച്ചു നല്കി. ഡിഫന്ഡര് യാസര് ഇബ്രാഹിമിന്റെ ഹെഡര് ഗോള് കീപ്പര് എമിലിയാനോ മാര്ട്ടനസിനെ മറികടന്ന് വലയില്. 19-ാം മിനിറ്റില് നിക്കോളാസ് ടാഗ്ലിഫിക്കോയെ ഈജിപ്ത് താരം ഹസന് ബോക്സില് വീഴ്ത്തിയതിന് അര്ജന്റീനയ്ക്ക് അനുകൂലമായി പെനാല്റ്റി. കിക്കെടുത്തത് സാക്ഷാല് മെസി. മെസ്സിയുടെ ഷോട്ട് ഈജിപ്ത് ഗോള് കീപ്പര് മുസ്തഫ ഷൊബെയ്ര് തട്ടിയകറ്റുകയായിരുന്നു. ഈ ലോകകപ്പില് മെസി പാഴാക്കുന്ന രണ്ടാമത്തെ പെനാല്റ്റിയാണിത്.
ഗോള് വീണതോടെ അര്ജന്റീന ആക്രമണങ്ങള് ശക്തമാക്കി. ഇടതുവിങ്ങില് ടാഗ്ലിയാഫിക്കോയുടെ മുന്നേറ്റങ്ങള് തടയാന് ഈജിപ്ത് പ്രതിരോധത്തിന് പ്രയാസപ്പെടേണ്ടി വന്നു. 31-ാം മിനിറ്റില് മെസിയുടെ ഫ്രീകിക്ക് പോസ്റ്റിലിടിച്ച് മടങ്ങി. 39-ാം മിനിറ്റില് ഹൂലിയന് ആല്വരസിന്റെ ഗോളെന്നുറച്ച ഷോട്ടും ഷൊബെയ്ര് രക്ഷപ്പെടുത്തി. ഒന്നാം പകുതിയില് മെസിയുടെ പെനാല്റ്റി അടക്കം ഗോളെന്നുറച്ച മൂന്ന് അവസരങ്ങളാണു ഷൊബെയ്ര് തടുത്തത്. രണ്ടാം പകുതിയില് പ്രതിരോധം ശക്തിപ്പെടുത്തിയാണ് ഈജിപ്ത് ഇറങ്ങിയത്. 58-ാം മിനിറ്റില് അര്ജന്റീനയെ ഞെട്ടിച്ച് ഈജിപ്ത് രണ്ടാം ഗോളടിച്ചു. മുസ്തഫ സിക്കോ ഗോളടിച്ചെങ്കിലും വാര് പരിശോധനയില് ഫൗള് കണ്ടെത്തിയതിനെ തുടര്ന്നു ഗോള് നിഷേധിച്ചു. ഗോളിലേക്കു വരും മുമ്പുണ്ടായ ഫൗളാണു കാരണമായി ചൂണ്ടിക്കാണിച്ചത്. 67-ാം മിനിറ്റില് ഒരു മുസ്തഫ സിക്കോ തന്നെ ഈജിപ്തിന്റെ രണ്ടാം ഗോളടിച്ചു. റാബിയ തുടങ്ങി വച്ച പ്രത്യാക്രമണം സിക്കോ വലംകാലനടിയിലൂടെ ഗോളാക്കി. രണ്ട് ഗോളിനു പിന്നിലായതോടെ അര്ജന്റീന തുടരെ ഈജിപ്ത് ഗോള് മുഖത്തെത്തി.
79-ാം മിനിറ്റില് ലയണല് മെസി അളന്നുമുറിച്ച് ബോക്സിലേക്ക് നല്കിയ പന്തില് തലവെച്ച് ക്രിസ്റ്റ്യന് റൊമേറോ ഒരു ഗോള് മടക്കി. നാലാം മിനിറ്റിനുള്ളില് ഗോണ്സാലോ മോണ്ടിയാല് എത്തിച്ചു നല്കിയ പന്തിനെ മെസി ഇടംകാലനടിയിലൂടെ സമനില ഗോളാക്കി. മെസിയാണ് ഈ ഗോളിലേക്കുള്ള മുന്നേറ്റത്തിനും തുടക്കമിട്ടത്. ബോക്സിലേക്ക് വന്ന പന്ത് മൊണ്ടിയെല് തിരികെ മെസിക്ക് നല്കി. ഈ ലോകകപ്പില് മെസിയുടെ എട്ടാം ഗോളായിരുന്നു ഇത്. അതോടെ തുടര്ച്ചയായ ഒന്പതാം ലോകകപ്പ് മത്സരത്തിലും ഗോളടിക്കാന് മെസിക്കായി. ഇഞ്ചുറി ടൈമിന്റെ മൂന്നാം മിനിറ്റില് വിജയ ഗോളെത്തി. ലൗട്ടേറോ മാര്ട്ടിനെസ് ബോക്സിലേക്ക് നീട്ടിയ പന്ത് എന്സോ ഫെര്ണാണ്ടസ് ഹെഡറിലൂടെ വലയിലാക്കി. മെസിയെയും അല്വാറസിനെയും മുന്നില് നിര്ത്തിയ 4-1-2-1-2 ഫോര്മേഷനാണ് അര്ജന്റീന കോച്ച് ലയണല് സ്കലോണി തയാറാക്കിയത്്്. 4-4-2 ഫോര്മേഷനാണ് ഈജിപ്ത് കോച്ച് അഹമ്മദ് അബ്ദു യെല് ഫത്തേഹി തയാറാക്കിയത്.
