പിയാനോ വായിക്കുന്ന വീഡിയോ പങ്കുവെച്ച് നടിയും ഗായികയുമായ ശ്രുതി ഹാസന്. മുംബൈയിലെ വീട്ടില് ഒഴിവുദിനത്തിലാണ് ശ്രുതി പിയാനോയില് പുതിയ നോട്സ് വായിക്കുന്നത്. മനോഹരമായൊരു കുറിപ്പും പിയാനോ വായിക്കുന്ന വീഡിയോയ്ക്കൊപ്പം ശ്രുതി പങ്കുവെച്ചിട്ടുണ്ട്. ചിട്ടപ്പെടുത്തിയ ഈണം മടിപിടിക്കും മുന്പ് വായിക്കുകയാണ് എന്നാണ് ശ്രുതി കുറിച്ചത്.
ശ്രുതി ഹാസന്റെ കുറിപ്പിലേക്ക്:
ഞാന് ഒരു സ്വപ്നം കണ്ടു. ഒരു പകുതി ഒഴിവുദിനം വൈകി ഉണര്ന്നപ്പോള് ആ സ്വപ്നമോ അതെന്നിലുണ്ടാക്കിയ തോന്നലോ മായും മുന്പേ അതൊന്ന് കുറിച്ചിടണമെന്ന് തോന്നി. ജീവിതത്തെക്കുറിച്ച് അല്പ്പം ചിന്തിച്ചു, പക്ഷേ എന്റെ പ്രഭാത ചായ കുടിക്കുന്നതിന് മുന്പ് ദിവസത്തിന്റെ തിരക്കുകള് എന്നെ കീഴ്പ്പെടുത്തും മുന്പേ ഞാന് കുറച്ച് ലെയറുകള് ചേര്ത്ത് ഒരു കൊച്ചു ഈണം ചിട്ടപ്പെടുത്തി. എന്റെ ഒന്നുമില്ലായ്മയുടെ സമയ പേടകത്തില് അത് കുറിച്ചിട്ടു. എല്ലാത്തിനും എന്തെങ്കിലുമൊക്കെ ആകേണ്ടതില്ല, ചിലപ്പോള് വെറുതെ നിലനിന്നാല് മാത്രം മതി.
ഇതാണ് ഞാന് ഇന്ന് എന്നോട് തന്നെ പറഞ്ഞത്. ഇഷ്ടപ്പെട്ട ഇടത്ത് ഉണര്ന്ന് പിയാനോ വായിക്കാനും, അതിനുശേഷം നെയ്യ് ചേര്ത്ത എന്റെ ഇഷ്ടപ്പെട്ട ഇംഗ്ലീഷ് ബ്രേക്ക്ഫാസ്റ്റ് കഴിക്കാനും ചായ കുടിക്കാനും കഴിയുന്ന ഒരു കലാകാരിയുടെ മനോഹരവും സ്വതന്ത്രവുമായ ഈ ജീവിതം നയിക്കാന് എനിക്ക് എത്ര ഭാഗ്യമുണ്ടെന്ന്, അതും മുംബൈ മണ്സൂണ് മഴയുടെ ആ തികഞ്ഞ ചാരനിറമുളള പശ്ചാത്തലത്തില്.
ഉറങ്ങി എഴുന്നേറ്റയുടന് പിയാനോയ്ക്ക് അരികിലെത്തിയ ശ്രുതി ആവേശത്തോടെ പിയാനോ കീകളില് വിരലുകള് ഓടിക്കുന്നത് വീഡിയോയില് കാണാം. നിരവധിപ്പേരാണ് ശ്രുതിയുടെ വീഡിയോയ്ക്ക് താഴെ കമന്റുകളുമായെത്തുന്നത്.
