സമൂഹമാധ്യമങ്ങളിൽ എപ്പോഴും പലതരം വിചിത്രമായ ദൃശ്യങ്ങൾ വൈറലാകാറുണ്ട്. ഇപ്പോഴിതാ ഇത്തരത്തില് അമേരിക്കയിൽ നിന്ന് പുറത്തുവന്ന ഒരു അസാധാരണ വാർത്തയാണ് മൃഗസ്നേഹികളെയും കാഴ്ചക്കാരെയും ഒരുപോലെ വിഷമിപ്പിക്കുന്നത്. അമേരിക്കയിലെ ന്യൂ മെക്സിക്കോയിൽ ഹൈവേയോട് ചേർന്നുള്ള ഒരു വലിയ വൈദ്യുതി പോസ്റ്റിൽ കയറി കുടുങ്ങിയ കരടി ദാരുണമായി മരണപ്പെട്ടു. സാന്താ ഫെയ്ക്ക് കിഴക്കായി ഗ്ലാഡ്സ്റ്റോൺ പട്ടണത്തിന് സമീപമുള്ള ഹൈവേയിലാണ് ഈ അപൂർവ്വ സംഭവം നടന്നത്.
അതുവഴി കടന്നുപോയ യാത്രക്കാരാണ് ഉയർന്ന വൈദ്യുതി കമ്പികൾക്കിടയിൽ കരടി നിൽക്കുന്നത് ആദ്യം കണ്ടത്. ചുറ്റും മറ്റ് മരങ്ങളൊന്നും ഇല്ലാതിരുന്നിട്ടും, എന്തെങ്കിലും കാരണത്താൽ വലിയൊരു വൈദ്യുതി പോസ്റ്റിലേക്ക് കയറിയ കരടിക്ക് പിന്നീട് താഴെയിറങ്ങാൻ കഴിയാതെ വരികയായിരുന്നു.
ഈ അസാധാരണ കാഴ്ച വലിയ തോതിൽ ശ്രദ്ധിക്കപ്പെടുകയും ചുറ്റും നിരവധി ആളുകൾ തടിച്ചുകൂടുകയും ചെയ്തു. കരടി പോസ്റ്റിൽ കുടുങ്ങിക്കിടക്കുന്ന വിവരം യാത്രക്കാർ ഉടൻ തന്നെ എമർജൻസി സർവീസിലും വനംവകുപ്പ് അധികൃതരെയും അറിയിക്കുകയുണ്ടായി. എന്നാൽ കരടിയെ മയക്കുവെടി വെച്ച് താഴെയിടാൻ ശ്രമിക്കുന്നത് അതിന്റെ ജീവന് തന്നെ അപകടമാണെന്നും, കരടി സ്വയം താഴെയിറങ്ങാൻ പാകത്തിൽ ആളുകൾ അവിടെനിന്നും മാറിനിൽക്കണമെന്നും അധികൃതർ ജനങ്ങളോട് ആവശ്യപ്പെട്ടു.
എങ്കിലും സ്ഥലത്ത് തടിച്ചുകൂടിയ ജനക്കൂട്ടം പിന്തിരിയാതിരുന്നതും അവിടെയുണ്ടായ ബഹളവും കാരണം കരടിക്ക് ഭയന്ന് താഴെയിറങ്ങാൻ സാധിച്ചില്ലെന്ന് വനംവകുപ്പ് അധികൃതർ വ്യക്തമാക്കി. കരടിയെ സുരക്ഷിതമായി രക്ഷപ്പെടുത്തുന്നതിനായി വൈദ്യുതി ബന്ധം വിച്ഛേദിക്കാൻ പവർ കമ്പനിയുടെ അധികൃതരും ഷെരീഫ് ഡെപ്യൂട്ടിയും സംഭവസ്ഥലത്തേക്ക് പുറപ്പെട്ടിരുന്നു. എന്നാൽ രക്ഷാപ്രവർത്തകർ എത്തുന്നതിന് മുൻപ് തന്നെ കരടിക്ക് ശക്തമായ ഷോക്കേൽക്കുകയും, ഗുരുതര പരിക്കുകളോടെ അത് പോസ്റ്റിൽ നിന്നും താഴേക്ക് വീണ് മരണപ്പെടുകയും ചെയ്യുകയായിരുന്നു.
വന്യജീവികളുടെ സ്വാഭാവിക ആവാസവ്യവസ്ഥയിലേക്ക് മനുഷ്യരുടെ കടന്നുകയറ്റവും ഇത്തരം അപൂർവ്വ സംഭവങ്ങളും പ്രദേശത്ത് വലിയ ചർച്ചയായിട്ടുണ്ട്. മൃഗങ്ങൾ അത്തരം അപകടങ്ങളിൽപ്പെടുമ്പോൾ കാഴ്ചക്കാരായി നിൽക്കാതെ അവയ്ക്ക് ശാന്തമായി രക്ഷപ്പെടാനുള്ള സാഹചര്യം ഒരുക്കണമെന്നും, വന്യജീവികളുമായി ഇടപെടുമ്പോൾ അതീവ ജാഗ്രത പാലിക്കണമെന്നും അധികൃതർ പൊതുജനങ്ങൾക്ക് കർശന മുന്നറിയിപ്പ് നൽകിയിട്ടുണ്ട്.
അതുവഴി കടന്നുപോയ യാത്രക്കാരാണ് ഉയർന്ന വൈദ്യുതി കമ്പികൾക്കിടയിൽ കരടി നിൽക്കുന്നത് ആദ്യം കണ്ടത്. ചുറ്റും മറ്റ് മരങ്ങളൊന്നും ഇല്ലാതിരുന്നിട്ടും, എന്തെങ്കിലും കാരണത്താൽ വലിയൊരു വൈദ്യുതി പോസ്റ്റിലേക്ക് കയറിയ കരടിക്ക് പിന്നീട് താഴെയിറങ്ങാൻ കഴിയാതെ വരികയായിരുന്നു.
ഈ അസാധാരണ കാഴ്ച വലിയ തോതിൽ ശ്രദ്ധിക്കപ്പെടുകയും ചുറ്റും നിരവധി ആളുകൾ തടിച്ചുകൂടുകയും ചെയ്തു. കരടി പോസ്റ്റിൽ കുടുങ്ങിക്കിടക്കുന്ന വിവരം യാത്രക്കാർ ഉടൻ തന്നെ എമർജൻസി സർവീസിലും വനംവകുപ്പ് അധികൃതരെയും അറിയിക്കുകയുണ്ടായി. എന്നാൽ കരടിയെ മയക്കുവെടി വെച്ച് താഴെയിടാൻ ശ്രമിക്കുന്നത് അതിന്റെ ജീവന് തന്നെ അപകടമാണെന്നും, കരടി സ്വയം താഴെയിറങ്ങാൻ പാകത്തിൽ ആളുകൾ അവിടെനിന്നും മാറിനിൽക്കണമെന്നും അധികൃതർ ജനങ്ങളോട് ആവശ്യപ്പെട്ടു.
എങ്കിലും സ്ഥലത്ത് തടിച്ചുകൂടിയ ജനക്കൂട്ടം പിന്തിരിയാതിരുന്നതും അവിടെയുണ്ടായ ബഹളവും കാരണം കരടിക്ക് ഭയന്ന് താഴെയിറങ്ങാൻ സാധിച്ചില്ലെന്ന് വനംവകുപ്പ് അധികൃതർ വ്യക്തമാക്കി. കരടിയെ സുരക്ഷിതമായി രക്ഷപ്പെടുത്തുന്നതിനായി വൈദ്യുതി ബന്ധം വിച്ഛേദിക്കാൻ പവർ കമ്പനിയുടെ അധികൃതരും ഷെരീഫ് ഡെപ്യൂട്ടിയും സംഭവസ്ഥലത്തേക്ക് പുറപ്പെട്ടിരുന്നു. എന്നാൽ രക്ഷാപ്രവർത്തകർ എത്തുന്നതിന് മുൻപ് തന്നെ കരടിക്ക് ശക്തമായ ഷോക്കേൽക്കുകയും, ഗുരുതര പരിക്കുകളോടെ അത് പോസ്റ്റിൽ നിന്നും താഴേക്ക് വീണ് മരണപ്പെടുകയും ചെയ്യുകയായിരുന്നു.
വന്യജീവികളുടെ സ്വാഭാവിക ആവാസവ്യവസ്ഥയിലേക്ക് മനുഷ്യരുടെ കടന്നുകയറ്റവും ഇത്തരം അപൂർവ്വ സംഭവങ്ങളും പ്രദേശത്ത് വലിയ ചർച്ചയായിട്ടുണ്ട്. മൃഗങ്ങൾ അത്തരം അപകടങ്ങളിൽപ്പെടുമ്പോൾ കാഴ്ചക്കാരായി നിൽക്കാതെ അവയ്ക്ക് ശാന്തമായി രക്ഷപ്പെടാനുള്ള സാഹചര്യം ഒരുക്കണമെന്നും, വന്യജീവികളുമായി ഇടപെടുമ്പോൾ അതീവ ജാഗ്രത പാലിക്കണമെന്നും അധികൃതർ പൊതുജനങ്ങൾക്ക് കർശന മുന്നറിയിപ്പ് നൽകിയിട്ടുണ്ട്.
Comments