ഞാൻ നൽകുന്നത് അധിക വാടകയോ? 60,000 രൂപയുടെ വീട്ടുക്കാഴ്ച പങ്കുവെച്ച് ബെംഗളൂരു യുവതി

ബെംഗളൂരുവിലെ ഉയർന്ന വാടക നിരക്കുകൾ വീണ്ടും സമൂഹ മാധ്യമങ്ങളിൽ ചർച്ചയാകുന്നു. നഗരത്തിൽ പ്രതിമാസം 60,000 രൂപ വാടക നൽകി താമസിക്കുന്ന വീടിന്റെ മനോഹരമായ കാഴ്ചകൾ പങ്കുവെച്ചുകൊണ്ട് കരിഷ്മ എന്ന യുവതി രംഗത്തെത്തിയത്. താൻ ഈ വീടിന് നൽകുന്ന വാടകയ്ക്ക് തക്കതായ കാഴ്ചയാണോ ഇവിടെയുള്ളത് എന്ന് വ്യക്തമാക്കാൻ അവർ തന്റെ ഫോളോവേഴ്സിനോട് ആവശ്യപ്പെടുകയും ചെയ്തു.

ഇൻസ്റ്റാഗ്രാമിൽ പങ്കുവെച്ച വീഡിയോയിൽ, തന്റെ മുറിയിൽ നിന്നുള്ള പുറത്തെ മനോഹരമായ കാഴ്ചകളാണ് യുവതി കാണിക്കുന്നത്. "എന്റെ വീടിന്റെ വാടക 60,000 രൂപയാണെന്ന് ഞാൻ കഴിഞ്ഞ വീഡിയോയിൽ പറഞ്ഞിരുന്നു. ഇന്ന് ഞാൻ എന്റെ മുറിയിൽ നിന്നുള്ള ആ കാഴ്ചകളാണ് കാണിക്കുന്നത്. ഈ കാഴ്ചയ്ക്ക് 60,000 രൂപ മൂല്യമുണ്ടോ അതോ ഞാൻ കൂടുതൽ പണം നൽകുന്നുണ്ടോ എന്ന് കമന്റിലൂടെ അറിയിക്കുക" എന്നാണ് അവർ വീഡിയോയിൽ ചോദിക്കുന്നത്.

യുവതി പങ്കുവെച്ച വിശാലമായ പ്രകൃതി ദൃശ്യങ്ങളും നഗരക്കാഴ്ചകളും സമൂഹ മാധ്യമങ്ങളിൽ വലിയ ചർച്ചയ്ക്ക് വഴിവെച്ചിട്ടുണ്ട്. നഗരവാസികൾ ഉയർന്ന വാടക നൽകി ജീവിക്കുമ്പോൾ ഇത്തരം ദൃശ്യങ്ങൾ ആ വാടകയെ ന്യായീകരിക്കുന്നുണ്ടോ എന്നറിയാനാണ് അവർ ഈ വീഡിയോ പങ്കുവെച്ചത്. ലക്ഷ്വറി ഫ്ലാറ്റുകളും റെന്റുകളും സംബന്ധിച്ച് ബെംഗളൂരുവിൽ നടക്കുന്ന നിരന്തരമായ ചർച്ചകളുടെ തുടർച്ചയായാണ് ഈ സംഭവവും മാറിയിരിക്കുന്നത്.

വീഡിയോ കണ്ടതിന് ശേഷം നിരവധി പേരാണ് വ്യത്യസ്ത അഭിപ്രായങ്ങളുമായി രംഗത്തെത്തിയത്. പ്രതിമാസം 60,000 രൂപ വാടക നൽകുന്നത് അനാവശ്യമാണെന്ന് ചിലർ അഭിപ്രായപ്പെട്ടപ്പോൾ, മുറിയിൽ നിന്നുള്ള മനോഹരമായ കാഴ്ച ആ തുകയെ ന്യായീകരിക്കുന്നുണ്ടെന്ന് മറ്റുചിലർ വാദിച്ചു. കാഴ്ചയുടെ മനോഹാരിത കണ്ട് ഇത്രയും മനോഹരമായ ദൃശ്യത്തിന് ഒരു ലക്ഷം രൂപ വരെ വാടക നൽകാം എന്ന് തമാശയായി അഭിപ്രായപ്പെട്ടവരും കുറവല്ല.