മറ്റൊരു സംസ്കാരത്തിലേക്ക് വിവാഹം കഴിച്ച് ചെല്ലുമ്പോൾ ഉണ്ടാകുന്ന അനുഭവങ്ങളും കാഴ്ചപ്പാടുകളും പലപ്പോഴും കൗതുകം ഉണർത്താറുണ്ട്. അത്തരത്തിൽ ഒരു ഇന്ത്യൻ കുടുംബത്തിലേക്ക് വധുവായി എത്തിയ ഇറ്റാലിയൻ യുവതി പങ്കുവെച്ച വിശേഷങ്ങളാണ് ഇപ്പോൾ സമൂഹമാധ്യമങ്ങളിൽ തരംഗമായിരിക്കുന്നത്. ക്രിസി വർഗീസ് എന്ന യുവതി തന്റെ ഇൻസ്റ്റാഗ്രാമിലൂടെ പങ്കുവെച്ച ഈ വൈറൽ വീഡിയോ ഇതിനോടകം തന്നെ ലക്ഷക്കണക്കിന് ആളുകളാണ് കണ്ടത്. വ്യത്യസ്തമായ ജീവിതരീതികളും പുതിയ സംസ്കാരവും എങ്ങനെ ആസ്വദിക്കുന്നു എന്ന് വ്യക്തമാക്കുന്ന ഈ വാർത്ത ആളുകൾക്കിടയിൽ വലിയ ചിരിയും ചർച്ചയുമാണ് ഉണ്ടാക്കിയിരിക്കുന്നത്.
ഇന്ത്യൻ വീടുകളിലെ അളവില്ലാത്ത സ്നേഹവും ഭക്ഷണരീതിയയുമാണ് യുവതിയെ അദ്ഭുതപ്പെടുത്തിയ ആദ്യത്തെ കാര്യം. 'ഇന്ത്യൻ വീടുകളിൽ ആർക്കും ഒരിക്കലും വിശന്നിരിക്കേണ്ടി വരില്ല' എന്നാണ് ക്രിസി പറയുന്നത്. ഭക്ഷണം കഴിച്ച് പ്ലേറ്റ് മാറ്റിവെച്ച ഉടൻ തന്നെ അടുത്ത വിഭവങ്ങൾ അടുത്തേക്ക് എത്തും. വയറുനിറഞ്ഞു എന്ന് എത്ര തവണ ആവർത്തിച്ചു പറഞ്ഞാലും അതൊന്നും കാര്യമാക്കാതെ വീണ്ടും ഭക്ഷണം വിളമ്പിത്തരുന്ന സ്നേഹനിർഭരമായ ആതിഥ്യ മര്യാദയാണ് ഇവിടെ കാണാൻ കഴിയുന്നതെന്ന് യുവതി പറയുന്നു.
ഇറ്റാലിയൻ സംസ്കാരത്തിൽ നിന്നും തികച്ചും വ്യത്യസ്തമായ മറ്റൊരു കാര്യം അതിഥികളോട് ഇന്ത്യൻ കുടുംബങ്ങൾ കാണിക്കുന്ന പ്രത്യേക കരുതലാണെന്ന് ക്രിസി ചൂണ്ടിക്കാണിക്കുന്നു. സ്വന്തം നാട്ടിൽ അതിഥികൾ വരുമ്പോൾ എല്ലാവരും ചേർന്ന് അടുക്കള പണികളിലും മറ്റും സഹായിക്കുകയാണ് പതിവ്. എന്നാൽ ഇന്ത്യൻ ഭർതൃഗൃഹത്തിൽ അതിഥികൾ വന്നാൽ അവർ പൂർണ്ണ വിശ്രമത്തിലായിരിക്കണം എന്നാണ് വീട്ടുകാർ ആഗ്രഹിക്കുന്നത്. അടുക്കള ജോലികളിൽ സഹായിക്കാൻ ചെല്ലുമ്പോൾ അതിഥികൾ ജോലി ചെയ്യേണ്ടതില്ലെന്നും വന്ന് വിശ്രമിക്കൂ എന്നും പറഞ്ഞ് സ്നേഹത്തോടെ തടയുന്ന അനുഭവം തനിക്ക് തീർത്തും പുതിയതായിരുന്നു എന്ന് ഇവർ പറയുന്നു.
ഇന്ത്യൻ കുടുംബാംഗങ്ങളുടെ തുറന്നടിച്ചുള്ള സംസാരശൈലിയാണ് തന്നെ അത്ഭുതപ്പെടുത്തിയ മൂന്നാമത്തെ കാര്യമെന്ന് യുവതി കൂട്ടിച്ചേർക്കുന്നു. വസ്ത്രധാരണത്തെക്കുറിച്ചോ മേക്കപ്പിനെക്കുറിച്ചോ ഒക്കെ വീട്ടിലുള്ളവർ ഒട്ടും മടി കൂടാതെ മുഖത്തുനോക്കി അഭിപ്രായം പറയും. തുടക്കത്തിൽ ഇതുകണ്ട് താൻ അമ്പരന്നുപോയെന്നും വഴക്കിടുകയാണെന്നാണ് കരുതിയതെന്നും ക്രിസി തമാശരൂപേണ പറയുന്നു. എന്നാൽ പിന്നീട് ഇതൊക്കെ അങ്ങേയറ്റം ആത്മാർത്ഥതയോടെയും സ്നേഹത്തോടെയും പറയുന്ന കാര്യങ്ങളാണെന്ന് തനിക്ക് മനസ്സിലായെന്നും, ഈ രസകരമായ സാംസ്കാരിക അനുഭവം തന്റെ ജീവിതത്തിന് പുതിയൊരു മാനം നൽകിയെന്നും അവർ വ്യക്തമാക്കി.
ഇന്ത്യൻ വീടുകളിലെ അളവില്ലാത്ത സ്നേഹവും ഭക്ഷണരീതിയയുമാണ് യുവതിയെ അദ്ഭുതപ്പെടുത്തിയ ആദ്യത്തെ കാര്യം. 'ഇന്ത്യൻ വീടുകളിൽ ആർക്കും ഒരിക്കലും വിശന്നിരിക്കേണ്ടി വരില്ല' എന്നാണ് ക്രിസി പറയുന്നത്. ഭക്ഷണം കഴിച്ച് പ്ലേറ്റ് മാറ്റിവെച്ച ഉടൻ തന്നെ അടുത്ത വിഭവങ്ങൾ അടുത്തേക്ക് എത്തും. വയറുനിറഞ്ഞു എന്ന് എത്ര തവണ ആവർത്തിച്ചു പറഞ്ഞാലും അതൊന്നും കാര്യമാക്കാതെ വീണ്ടും ഭക്ഷണം വിളമ്പിത്തരുന്ന സ്നേഹനിർഭരമായ ആതിഥ്യ മര്യാദയാണ് ഇവിടെ കാണാൻ കഴിയുന്നതെന്ന് യുവതി പറയുന്നു.
ഇറ്റാലിയൻ സംസ്കാരത്തിൽ നിന്നും തികച്ചും വ്യത്യസ്തമായ മറ്റൊരു കാര്യം അതിഥികളോട് ഇന്ത്യൻ കുടുംബങ്ങൾ കാണിക്കുന്ന പ്രത്യേക കരുതലാണെന്ന് ക്രിസി ചൂണ്ടിക്കാണിക്കുന്നു. സ്വന്തം നാട്ടിൽ അതിഥികൾ വരുമ്പോൾ എല്ലാവരും ചേർന്ന് അടുക്കള പണികളിലും മറ്റും സഹായിക്കുകയാണ് പതിവ്. എന്നാൽ ഇന്ത്യൻ ഭർതൃഗൃഹത്തിൽ അതിഥികൾ വന്നാൽ അവർ പൂർണ്ണ വിശ്രമത്തിലായിരിക്കണം എന്നാണ് വീട്ടുകാർ ആഗ്രഹിക്കുന്നത്. അടുക്കള ജോലികളിൽ സഹായിക്കാൻ ചെല്ലുമ്പോൾ അതിഥികൾ ജോലി ചെയ്യേണ്ടതില്ലെന്നും വന്ന് വിശ്രമിക്കൂ എന്നും പറഞ്ഞ് സ്നേഹത്തോടെ തടയുന്ന അനുഭവം തനിക്ക് തീർത്തും പുതിയതായിരുന്നു എന്ന് ഇവർ പറയുന്നു.
ഇന്ത്യൻ കുടുംബാംഗങ്ങളുടെ തുറന്നടിച്ചുള്ള സംസാരശൈലിയാണ് തന്നെ അത്ഭുതപ്പെടുത്തിയ മൂന്നാമത്തെ കാര്യമെന്ന് യുവതി കൂട്ടിച്ചേർക്കുന്നു. വസ്ത്രധാരണത്തെക്കുറിച്ചോ മേക്കപ്പിനെക്കുറിച്ചോ ഒക്കെ വീട്ടിലുള്ളവർ ഒട്ടും മടി കൂടാതെ മുഖത്തുനോക്കി അഭിപ്രായം പറയും. തുടക്കത്തിൽ ഇതുകണ്ട് താൻ അമ്പരന്നുപോയെന്നും വഴക്കിടുകയാണെന്നാണ് കരുതിയതെന്നും ക്രിസി തമാശരൂപേണ പറയുന്നു. എന്നാൽ പിന്നീട് ഇതൊക്കെ അങ്ങേയറ്റം ആത്മാർത്ഥതയോടെയും സ്നേഹത്തോടെയും പറയുന്ന കാര്യങ്ങളാണെന്ന് തനിക്ക് മനസ്സിലായെന്നും, ഈ രസകരമായ സാംസ്കാരിക അനുഭവം തന്റെ ജീവിതത്തിന് പുതിയൊരു മാനം നൽകിയെന്നും അവർ വ്യക്തമാക്കി.
Comments