കൊച്ചി: എല്‍ഡിഎഫ് പത്തുവര്‍ഷം പവര്‍കട്ട് ഇല്ലാതെ ഭരിച്ചവരാണെന്നും ഇപ്പോഴത്തെ സര്‍ക്കാര്‍ കറന്റ്കട്ടിന് കഴിഞ്ഞ സര്‍ക്കാരിനെ പഴിചാരുന്നത് കഴിവുകേട് മറച്ചുവെക്കാനാണെന്നും സിപിഐ സംസ്ഥാന സെക്രട്ടറി ബിനോയ് വിശ്വം.
വൈദ്യുതി പ്രതിസന്ധി വരുമ്പോള്‍ അതിരപ്പിള്ളി എന്ന് വിളിച്ചുകൂവുകയാണ്. ഡാമുകളിലൂടെ വൈദ്യുതി ഉണ്ടാകുന്ന രീതി ലോകത്ത് അവസാനിച്ച് പുതു മാര്‍ഗങ്ങള്‍ സ്വീകരിച്ചുവരികയാണ്. മറ്റ് ബദലുകള്‍ ഉണ്ടായിരുന്നിട്ടും അതിരപ്പിള്ളി എന്ന് പറഞ്ഞുകൊണ്ടിരിക്കുകയാണ് ചിലര്‍. കരാര്‍ റദ്ദ് ചെയ്തത് എല്‍ഡിഎഫ് സര്‍ക്കാര്‍ അല്ല റെഗുലേറ്ററി കമ്മിഷനാണെന്നും ജനങ്ങള്‍ക്ക് എല്ലാം അറിയാമെന്നും ബിനോയ് വിശ്വം പറഞ്ഞു.
അതേസമയം വൈദ്യുതി പ്രതിസന്ധി രൂക്ഷമായിരിക്കെ, ഉയര്‍ന്ന വിലയ്ക്ക് വൈദ്യുതി വാങ്ങാന്‍ റഗുലേറ്ററി കമ്മീഷന്‍ കെഎസ്ഇബിയ്ക്ക് അനുമതി നല്‍കിയിരുന്നു. ഒക്ടോബര്‍ മുതല്‍ മെയ് വരെ ഹ്രസ്വകാല കരാറിലൂടെ വൈദ്യുതി വാങ്ങാനാണ് അനുമതി. നിയന്ത്രണങ്ങളോടെയാണ് അനുമതി. ഏപ്രില്‍, മെയ് മാസങ്ങളില്‍ പീക്ക് ടൈമില്‍ യൂണിറ്റിന് 12.50 രൂപക്ക് വരെ വൈദ്യുതി വാങ്ങാന്‍ അനുമതി നല്‍കി.
പിഎം ശ്രീ അറബി കടലില്‍ കളയുമെന്ന് പറഞ്ഞവരാണ് ഭരിക്കുന്നത്. മോദിയെ കാണുമ്പോള്‍ മുഖ്യമന്ത്രി വി ഡി സതീശന് ചാഞ്ചാട്ടമെന്നും പറഞ്ഞു. പാലം കടക്കുന്നതുവരെ മാത്രമാണ് വര്‍ത്തമാനമെന്നും ബിനോയ് വിശ്വം പറഞ്ഞു.
Comments