കൊച്ചി: മാസപ്പടികേസില്‍ പ്രതിപക്ഷ നേതാവ് പിണറായി വിജയന്‍ ഉള്‍പ്പെടെയുള്ളവര്‍ക്ക് ഇന്ന് നിര്‍ണായകദിനം. ഇ.ഡി. നല്‍കിയ റിപ്പോര്‍ട്ടില്‍ ഉടന്‍ കേസെടുക്കേണ്ടതില്ലെന്ന സര്‍ക്കാരിന്റെ നിലപാടിനെ ചോദ്യം ചെയ്തുകൊണ്ടുള്ള റിപ്പോര്‍ട്ട് ഇന്ന് പരിഗണിക്കും. അഭിഭാഷകന്‍ കെ എം ഷാജ ഹാനാണ് ഹൈക്കോടതിയെ സമീപിച്ചത്. ഇ ഡി നല്‍കിയ വിവരങ്ങള്‍ അടിസ്ഥാനമാക്കി എഫ് ഐ ആര്‍ ഇട്ട് കേസെടുത്തില്ല എന്നാണ് ഹര്‍ജി.
പ്രതിപക്ഷ നേതാവ് പിണറായി വിജയന്‍, മകള്‍ വീണ വിജയന്‍, മുന്‍ മന്ത്രി മുഹമ്മദ് റിയാസ് എന്നിവര്‍ക്കെതിരെ അഴിമതി നിരോധന നിയമപ്രകാരം കേസ് രജിസ്റ്റര്‍ ചെയ്യണമെന്നായിരുന്നു ഇ ഡി ശുപാര്‍ശ ചെയ്തത്. എഫ് ഐ ആര്‍ രജിസ്റ്റര്‍ ചെയ്യാതെയുള്ള ക്രൈംബ്രാഞ്ചിന്റെ പ്രാഥമിക അന്വേഷണം നിയമവിരുദ്ധമാണ്. ഉത്തരവ് റദ്ദാക്കി അന്വേഷണം വിജിലന്‍സിന് കൈമാറണമെന്നും, ഉടന്‍ എഫ് ഐ ആര്‍ രജിസ്റ്റര്‍ ചെയ്യാന്‍ നിര്‍ദേശിക്കണമെന്നുമാണ് ആവശ്യം. രാഷ്ട്രീയ ധാരണയുടെ ഭാഗമായാണ് അന്വേഷണം വഴിതിരിച്ചുവിട്ടതെന്നും ഹര്‍ജിയില്‍ ആരോപിക്കുന്നു.
അതേസമയം ആദ്യം തന്നെ എഫ് ഐ ആര്‍ രജിസ്റ്റര്‍ ചെയ്യണമെന്ന് നിര്‍ബന്ധമില്ല. പ്രാഥമിക പരിശോധന നടക്കുന്നുണ്ടെന്നുമാണ് സര്‍ക്കാരിന്റെ വാദം. അഴിമതിക്ക് കൃത്യമായ തെളിവുകളുണ്ടെന്നും അന്വേഷണ ഏജന്‍സി ശേഖരിച്ച വിവരങ്ങള്‍ തന്നെയാണ് കൈമാറിയതെന്നുമാണ് നേരത്തേ എഫ് ഐ ആര്‍ രജിസ്റ്റര്‍ ചെയ്യണമെന്ന് ആവശ്യം ഉയര്‍ത്തിയ ഇ ഡി നിലപാട്.
Comments