ഇഷ്ട നടന്മാരാരൊക്കെ എന്ന ചോദ്യത്തിന് മറുപടിയുമായി ജേസണ്‍ സഞ്ജയ്. തനിക്ക് ഒരുപാട് പേരെ ഇഷ്ടമാണെന്നും പക്ഷേ കൂടുതല്‍ ഇഷ്ടം ദുല്‍ഖര്‍ സല്‍മാനെയും നസ്ലെനെയും ആണെന്നായിരുന്നു താരത്തിന്റെ മറുപടി. കൂടാഴത താന്‍ അടുത്തതായി കണ്ട സിനിമകളില്‍ മോളിവുഡ് ടൈംസ് ഇഷ്ടമായെന്നും ജേസണ്‍ കൂട്ടിച്ചേര്‍ത്തു. 'സിഗ്മ' എന്ന സിനിമയുടെ പ്രീ ലോഞ്ച് ഇവെന്റിലാണ് ജേസണ്‍ ഇക്കാര്യം പറഞ്ഞത്.
‘എനിക്ക് ഒരുപാട് മലയാള നടന്മാരെ ഇഷ്ടമാണ് പക്ഷേ കൂടുതല്‍ ഇഷ്ടം ദുല്‍ഖര്‍ സല്‍മാനെയും നസ്ലെനെയും ആണ്. കൂടാതെ അടുത്തതായി കണ്ട സിനിമകളില്‍ മോളിവുഡ് ടൈംസ് ഭയങ്കര ഇഷ്ടമായി’, ജേസണ്‍ പറഞ്ഞു.
അതേസമയം, വിജയ്യുടെ മകന്‍ ജേസണ്‍ സഞ്ജയ് സംവിധായകനാകുന്ന ചിത്രം സിഗ്മ ഒക്ടോബര്‍ 2ന് തിയറ്ററുകളിലെത്തും. മൈന്‍ഡ് ഗെയിം ത്രില്ലര്‍ ഗണത്തില്‍പെടുന്ന ആക്ഷന്‍ ത്രില്ലറാകും ചിത്രം. സന്ദീഷ് കിഷന്‍ നായകനായി എത്തുന്ന ചിത്രത്തില്‍ നിരവധി താരങ്ങള്‍ അണിനിരക്കുന്നു. ലൈക്ക പ്രൊഡക്ഷന്‍സിന്റെ ബാനറില്‍ എ. സുബാസ്‌കരന്‍ നിര്‍മിക്കുന്ന ചിത്രം വലിയ ബജറ്റിലാണ് ഒരുങ്ങുന്നത്. തന്റെ 25ാം വയസ്സിലാണ് സംവിധായകനായുള്ള ജേസന്റെ അരങ്ങേറ്റം.
Comments