തമിഴ്നാട് മുഖ്യമന്ത്രിയും നടനുമായ സി. ജോസഫ് വിജയ് യുടെ മകന്‍ ജേസണ്‍ സഞ്ജയ് സംവിധാനം ചെയ്യുന്ന ' സിഗ്മ' എന്ന ചിത്രം തിയേറ്ററുകളിലെത്തിയിരിക്കുകയാണ്. ഇപ്പോഴിതാ ചിത്രത്തിന് ആശംസ അറിയിച്ച് എക്‌സില്‍ പോസ്റ്റ് പങ്കുവെച്ചിരിക്കുകയാണ്് നടന്‍ സൂര്യ.
യുവ സംവിധായകന് ആശംസകള്‍ നേര്‍ന്നുകൊണ്ട്, ''ചെറിയ സഞ്ജയ്'' ഇപ്പോള്‍ സംവിധായകനായെന്നത് വിശ്വസിക്കാനാകുന്നില്ലെന്നും സൂര്യ കുറിച്ചു. ചിത്രത്തിലെ നായകന്‍ സന്ദീപ് കിഷന്‍, നിര്‍മ്മാണ കമ്പനിയായ ലൈക്ക പ്രൊഡക്ഷന്‍സ്, ചിത്രത്തിന്റെ മുഴുവന്‍ അണിയറപ്രവര്‍ത്തകര്‍ എന്നിവര്‍ക്കും അദ്ദേഹം ആശംസകള്‍ അറിയിച്ചു.
ഫറ അബ്ദുള്ള, രാജു സുന്ദരം, സമ്പത്ത് രാജ്, ശിവ പണ്ഡിറ്റ് എന്നിവരാണ് മറ്റു താരങ്ങള്‍. ലൈക പ്രൊഡക്ഷന്‍സിന്റെ ബാനറില്‍ എ. സുബാസ്‌കരന്‍ ആണ് സിഗ്മയുടെ നിര്‍മ്മാണം.
Comments