തിരുവനന്തപുരം: എല്‍ഡിഎഫ് മുന്നണിയിലെ അധികാര വിഭജനത്തിലും ഭരണശൈലിയിലും മാറ്റം വേണമെന്ന ശക്തമായ നിലപാടുമായി സിപിഐ സംസ്ഥാന സെക്രട്ടറി ബിനോയ് വിശ്വം രംഗത്ത്. പ്രതിപക്ഷ ഉപനേതൃ പദവി സിപിഐക്ക് ലഭിക്കേണ്ട അര്‍ഹതപ്പെട്ട അവകാശമാണെന്നും, ഇക്കാര്യം മുന്നണി യോഗങ്ങളില്‍ ശക്തമായി വീണ്ടും ഉന്നയിക്കുമെന്നും അദ്ദേഹം വ്യക്തമാക്കി. മുന്നണിയുടെ ഇപ്പോഴത്തെ പ്രവര്‍ത്തന ശൈലിയില്‍ ഗുണപരമായ മാറ്റങ്ങള്‍ വരുത്തേണ്ടത് ചരിത്രപരമായ കടമയാണെന്നും അദ്ദേഹം കൂട്ടിച്ചേര്‍ത്തു.
സംസ്ഥാനത്ത് ജനകീയ പ്രക്ഷോഭങ്ങളെ അടിച്ചമര്‍ത്താന്‍ ബോധപൂര്‍വമായ ശ്രമങ്ങള്‍ നടക്കുന്നുണ്ടെന്ന് ബിനോയ് വിശ്വം ആരോപിച്ചു. ഹോസ്റ്റ ലുകളിലേക്ക് രാത്രികാലങ്ങളില്‍ പൊലീസുകാര്‍ അതിക്രമിച്ചു കയറിയത് വിശന്നുവലഞ്ഞ ചെന്നായ്ക്കളെ പോലെയാണെന്ന് അദ്ദേഹം വിശേഷിപ്പിച്ചു. പൊലീസിന് അനിയന്ത്രിതമായ സ്വാതന്ത്ര്യം നല്‍കുന്ന സമീപനം മാറ്റണമെന്നും, ഡല്‍ഹി പൊലീസിന്റെ മാതൃകയാണ് കേരള പൊലീസ് പിന്‍പറ്റുന്ന തെന്നും പൊലീസ് നയത്തില്‍ മുഖ്യമന്ത്രി വ്യക്തത വരുത്തണമെന്നും കര്‍ശന നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
ഗ്യാനേഷ് കുമാറിനെതിരെയുള്ള അന്വേഷണം കൃത്യമായ രീതിയില്‍ മുന്നോട്ട് കൊണ്ടുപോകണമെന്നും, അന്വേഷണം ശരിയായ ദിശയിലാണെങ്കില്‍ സിപിഐ അതിനെ പൂര്‍ണ്ണമായി പിന്തുണയ്ക്കുമെന്നും ബിനോയ് വിശ്വം വ്യക്തമാക്കി. അതേസമയം, നന്ദകുമാറിന്റെ മലപ്പുറം വിരുദ്ധ പ്രസ്താവനയെയും വിമര്‍ശിച്ചു. ഒരു കമ്മ്യൂണിസ്റ്റ് നേതാവില്‍ നിന്നും അത്തരത്തിലുള്ള പ്രയോഗങ്ങള്‍ ഒരിക്കലും ഉണ്ടാകാന്‍ പാടില്ലായിരുന്നു. മുന്നണി മര്യാദകളും ജനകീയ പ്രശ്നങ്ങളും ഉയര്‍ത്തിപ്പിടിച്ചുള്ള സിപിഐയുടെ ഈ പുതിയ നിലപാടുകള്‍ കേരള രാഷ്ട്രീയത്തില്‍ വലിയ ചര്‍ച്ചകള്‍ക്കാണ് വഴിതുറന്നിരിക്കുന്നത്.
Comments