നിവിൻ പോളിയെ നായകനാക്കി ഗിരീഷ് എ.ഡി. സംവിധാനം ചെയ്ത ‘ബെത്‌ലഹേം കുടുംബ യൂണിറ്റ്’ബോക്സ് ഓഫീസിൽ റെക്കോർഡുകൾ തകർത്ത് മുന്നേറുകയാണ്. ആഗോളതലത്തിൽ 300 കോടിയും കടന്ന് മുന്നേറുന്ന ചിത്രം കേരള ബോക്സ് ഓഫീസിലും ഏറ്റവും കൂടുതല്‍ കളക്ഷന്‍ നേടിയ ചിത്രമായിരുന്നു. ഒടിടി റിലീസിന് ശേഷം വീണ്ടും അതിലെ ഓരോ രംഗവും സോഷ്യൽ മീഡിയയിൽ തരംഗമായിരിക്കുകയാണ്. നിവിൻ പോളി അവതരിപ്പിച്ച ജസ്റ്റിനും മമ്മിതയുടെ ആഷ്‌ലിയും ഒരുമിച്ചുള്ള എല്ലാ സീനുകളും പ്രേക്ഷകരുടെ ഹൃദയം കവരുകയാണ്.
ഇപ്പോഴിതാ അതിനിടെ നിവിനും മമിതയ്ക്കും പകരം ആ സിനിമയില്‍ മോഹന്‍ലാല്‍- ശോഭന കോമ്പോ എത്തിയാലെങ്ങനെയുണ്ടാകുമെന്ന് കാണിക്കുകയാണ് ഒരു എഐ വീഡിയോ. ജസ്റ്റിനും ആഷ്‌ലിയും ഒരുമിച്ച് കാറില്‍ യാത്ര ചെയ്യമ്പോള്‍ പ്രണയം തുറന്നു പറയുന്ന സീനാണ് എഐ വൈറലാക്കുന്നത്. ആ സീനില്‍ നിവിനു പകരം പ്രേക്ഷകരുടെ സ്വന്തം ലാലേട്ടനും മമിതയായി ശോഭനയും എത്തുകയാണ്. ചെറിയൊരു വീഡിയോയാണെങ്കില്‍ കൂടി സോഷ്യല്‍ മീഡിയ തരംഗമാക്കുകയാണ് ഈ കോമ്പോ. നിരവധി പ്രേക്ഷകര്‍ ഈ റീല്‍സിനു താഴെ രസകരമായ കമന്റുകളും കുറിക്കുന്നുണ്ട്. ‘ഈ കോമ്പോ വന്നിരുന്നെങ്കിൽ സീന്‍ കത്തിയേനേം, ശോഭന ചേച്ചി ഈ കാലഘട്ടത്തിൽ എങ്ങാനും ആണ് വരുന്നതെങ്കിൽ ഒറ്റ ഒരെണ്ണം പോലും ഒപ്പം വെക്കാൻ ഉണ്ടാകില്ല, ഇവർ ഇതിലും വലുത് പണ്ട് ചെയ്തുവെച്ചിട്ടുണ്ട് പവിത്രം മൂവി ലെ ശ്രീരാഗമോ എന്ന song മാത്രം കണ്ടാൽ മതി. ലാലേട്ടൻ ആന്‍ഡ് ശോഭന...’ എന്നതടക്കമാണ് കമന്റുകള്‍.
Comments