പ്രിയദർശിനി പദ്ധതി: സ്വകാര്യ ബസുകളുടെ നഷ്ടം പഠിക്കാന്‍ വീണ്ടും കമ്മിറ്റിയെ രൂപീകരിച്ച് സംസ്ഥാന സർക്കാർ

തിരുവനന്തപുരം: പ്രിയദർശിനി പദ്ധതി നടപ്പാക്കിയതിന് പിന്നാലെ സ്വകാര്യ ബസ്സുകളുടെ നഷ്ടം പഠിക്കാൻ വീണ്ടും കമ്മിറ്റിയെ രൂപീകരിച്ച് സംസ്ഥാന സർക്കാർ. പ്രിയദർശിനി സർവീസുകൾ സംബന്ധിച്ച് സ്വകാര്യ ബസ് ഉടമകളുടെ ആവശ്യങ്ങൾ പഠിക്കാനാണ് കമ്മിറ്റിയെ നിയോഗിച്ചിരിക്കുന്നത്. സ്റ്റേറ്റ് ട്രാൻസ്പോർട്ട് അതോറിറ്റി മെമ്പർ സുരേഷ് ബാബുവാണ് കമ്മിറ്റി ചെയർമാൻ. കെഎസ്ആർടിസി എക്സിക്യൂട്ടീവ് ഡയറക്ടർ ജിപി പ്രദീപ്കുമാർ, നാറ്റ്പാക്ക് ടെക്നിക്കൽ ഓഫീസർ സഞ്ജയ് ആർ ജെ എന്നിവരാണ് കമ്മിറ്റി അംഗങ്ങൾ. സീനിയർ ഡെപ്യൂട്ടി ട്രാൻസ്പോർട്ട് കമ്മീഷണർ സിവിഎം ഷെരീഫ് കൺവീനറുമായതാണ് സമിതി. ആറ് ആഴ്ചയ്ക്കുള്ളിൽ സർക്കാറിന് റിപ്പോർട്ട് സമർപ്പിക്കണമെന്നാണ് നിർദ്ദേശം.

സംസ്ഥാനത്തെ സ്വകാര്യ ബസുകൾ പണിമുടക്കിന് ഒരുങ്ങുകയാണ്. പ്രിയദർശിനി പദ്ധതി കാരണം നാല് മാസം കൊണ്ട് 800 കോടി രൂപയുടെ നഷ്ടം സ്വകാര്യമേഖലയ്ക്കുണ്ടായി എന്നാണ് സ്വകാര്യ ബസ് ഉടമകളുടെ വാദം. നവംബർ 3 മുതൽ അനിശ്ചിതകാല സമരം നടത്തുമെന്ന് ബസ് ഉടമകളുടെ സംഘടനകളുടെ സംയുക്ത പ്രഖ്യാപനം. പ്രിയദർശിനി പദ്ധതി സ്വകാര്യ മേഖലയിലും നടപ്പാക്കുക, മിനിമം നിരക്ക് 15 രൂപയാക്കുക, വിദ്യാർത്ഥി കൺസെഷൻ മിനിമം നിരക്കിന്റെ പകുതിയെങ്കിലുമായി ഉയർത്തുക എന്നീ ആവശ്യങ്ങൾ ഉന്നയിച്ചാണ് സമരം. പദ്മകുമാർ സമിതിയുടെ നിർദ്ദേശങ്ങളിൽ സർക്കാർ ഇതുവരെ ചർച്ചയ്ക്ക് പോലും തയ്യാറായിട്ടില്ലെന്നാണ് ആക്ഷേപം.

അതേസമയം, നേരത്തെ ഈ വിഷയത്തിൽ മുൻ ട്രാൻസ്പോർട്ട് കമ്മീഷണർ കെ. പദ്മകുമാറിന്റെ നേതൃത്വത്തിലുള്ള സമിതി നൽകിയ ശുപാർശകൾ അപര്യാപ്തമാണെന്ന് ചൂണ്ടിക്കാട്ടി ബസ് ഉടമകൾ രംഗത്തെത്തിയിരുന്നു. പ്രിയദർശിനി പദ്ധതി മൂലം തങ്ങൾക്ക് വലിയ വരുമാന നഷ്ടം ഉണ്ടായതായി സ്വകാര്യ ബസ് സംയുക്ത സമരസമിതി ആരോപിക്കുന്നു. മിനിമം ചാർജ് 15 രൂപയാക്കുക, വിദ്യാർത്ഥികളുടെ കൺസെഷൻ വർദ്ധിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് നവംബർ 3 മുതൽ അനിശ്ചിതകാല സ്വകാര്യ ബസ് പണിമുടക്ക് പ്രഖ്യാപിച്ച സാഹചര്യത്തിലാണ് പുതിയ കമ്മിറ്റിയെ നിയോഗിച്ചുകൊണ്ടുള്ള സർക്കാരിന്റെ അടിയന്തരയായി