ജിദ്ദ: മാറുന്ന കാലഘട്ടത്തിൽ വിവാഹത്തെക്കുറിച്ചുള്ള കാഴ്ചപ്പാടുകളും തലമുറകൾക്കിടയിലെ വ്യത്യസ്ത ചിന്താഗതികളും ചർച്ച ചെയ്യുന്നതിനായി സിജി ഇന്റർനാഷണൽ വിമൻ കളക്ടീവിന്റെ ആഭിമുഖ്യത്തിൽ പ്രത്യേക ഓൺലൈൻ വെബിനാർ സംഘടിപ്പിക്കുന്നു. 'റിതിങ്കിങ് മാര്യേജ് ടുഗെദർ' (Rethinking Marriage Together) എന്ന പ്രമേയത്തിൽ 'വിവാഹസ്വപ്നങ്ങൾ തലമുറകൾക്കപ്പുറം' എന്ന വിഷയത്തെ ആസ്പദമാക്കിയാണ് പരിപാടി ഒരുക്കിയിരിക്കുന്നത്.
ഒക്ടോബർ 20ന് ഇന്ത്യൻ സമയം രാത്രി എട്ടിന് ആരംഭിക്കുന്ന വെബിനാറിൽ കുടുംബബന്ധങ്ങൾ, വിവാഹജീവിതത്തെക്കുറിച്ചുള്ള പ്രതീക്ഷകൾ, തലമുറകൾക്കിടയിലെ കാഴ്ചപ്പാടുകളിലെ മാറ്റങ്ങൾ തുടങ്ങിയ വിഷയങ്ങൾ ചർച്ചയാകും.
സർട്ടിഫൈഡ് പ്രീമാരിറ്റൽ ട്രെയിനറും കൺസൾട്ടന്റ് സൈക്കോതെറാപ്പിസ്റ്റുമായ നദീറ ജാഫർ, സൈക്കോളജിസ്റ്റും എഡ്യുതെറാപ്പിസ്റ്റും ഫാമിലി കൗൺസിലറുമായ ഡോ. സുജയിൽ കുറ്റ്യാടി എന്നിവർ വെബിനാറിൽ വിഷയാവതരണം നടത്തും.
സൗദി സമയം വൈകുന്നേരം 5.30നും യു.എ.ഇ. സമയം വൈകുന്നേരം 6.30നുമാണ് പരിപാടി ആരംഭിക്കുക. സൂം പ്ലാറ്റ്‌ഫോം വഴിയാണ് വെബിനാർ നടക്കുന്നത്. പങ്കെടുക്കാൻ താൽപര്യമുള്ളവർക്ക് മീറ്റിങ് ഐഡി: 890 6011 7419, പാസ്‌കോഡ്: 553826 എന്നിവ ഉപയോഗിച്ച് പരിപാടിയിൽ ചേരാം.
Comments