കോഴിക്കോട്: കോളജ് ക്യാംപസില് ബീഫ് പാചകം ചെയ്തതിന് വിദ്യാര്ത്ഥിക്ക് കാരണം കാണിക്കല് നോട്ടീസ് നല്കി. കോഴിക്കോട് രാമനാട്ടുകരയിലെ ഭവന്സ് എന്.എ പാക്കിവാല അക്കാദമി ഫോര് അഡ്വാന്സ്ഡ് ലീഗല് സ്റ്റഡീസ് ആന്ഡ് റിസര്ച്ചിലെ വിദ്യാര്ത്ഥിയായ സര്ജാസ് എ.ടി എന്ന വിദ്യാര്ത്ഥിക്കാണ് കോളജ് അധികൃതര് കാരണം കാണിക്കല് നോട്ടീസ് നല്കിയിരിക്കുന്നത്.
ക്യാംപസില് ബീഫ് കൊണ്ടു വന്നതിലൂടെ ഒരു വിഭാഗത്തിന്റെ വിശ്വാസങ്ങളെ വ്രണപ്പെടുത്തുകയും വര്ഗീയ സംഘര്ഷത്തിന് കളമൊരുക്കുകയും ചെയ്തുവെന്ന് ആരോപിച്ചാണ് നോട്ടീസ് നല്കിയത്. മാര്ച്ച് 20നാണ് സര്ജാസ്, ക്യാംപസില് ബീഫ് കൊണ്ടു വരികയും പാചകം ചെയ്ത് മറ്റ് വിദ്യാര്ത്ഥികള്ക്ക് നല്കുകയും ചെയ്തത്. മാപ്പര്ഹിക്കാത്ത തെറ്റാണ് സര്ജാസ് ചെയ്തതെന്ന് പ്രിന്സിപ്പല് പ്രൊഫ. ടി.പി രാജലക്ഷ്മി നല്കിയ കാരണം കാണിക്കല് നോട്ടീസില് പറയുന്നു.
അതേസമയം ക്യാംപസില് ബീഫ് കൊണ്ടു വന്നുവെന്ന ആരോപണം സര്ജാസ് നിരസിച്ചു. കോളജിലെ ക്യാന്റീന് അടച്ചു പൂട്ടിയതിനെതിരെ പ്രതീകാത്മക സമരം നടത്തിയിരുന്നു. സമരത്തില് ചോറും കറികളും സാമ്പാറും ചിക്കനുമെല്ലാം പാചകം ചെയ്ത് വിദ്യാര്ത്ഥികള്ക്ക് വിതരണം ചെയ്തിരുന്നു. എന്നാല് ബീഫ് കൊണ്ടു വരികയോ പാചകം ചെയ്യുകയോ ചെയ്തിട്ടില്ലെന്ന് കോളജ് യൂണിയന് മുന് ചെയര്മാനും എസ്.എഫ്.ഐ നേതാവുമായ സര്ജാസ് പറഞ്ഞു. കോളജിനെതിരെ സമരം ചെയ്യാന് വിദ്യാര്ത്ഥിനികളെ സംഘടിപ്പിച്ചുവെന്നും മെമ്മോയില് ആരോപണമുണ്ട്.
