ജയ്പുര്: യു.എസ്. സേനയ്ക്കായി യുദ്ധവിമാനങ്ങള് നിര്മിക്കുന്ന യൂണിറ്റില് സ്വപ്നതുല്യജോലി കരസ്ഥമാക്കിയ ഇന്ത്യന് വംശജനായ യുവശാസ്ത്രജ്ഞനു വാര്ഷിക ശമ്പളം 1.20 കോടി രൂപ. ജയ്പുര് സ്വദേശിയായ മൊണാര്ക്ക് ശര്മയ്ക്കാണ് അസുലഭഭാഗ്യം െകെവന്നത്.
ടെക്സസിലെ ഫോര്ട്ട് ഹൂഡിലുള്ള യു.എസ്. സേനയുടെ എ.എച്ച്-64ഇ യുദ്ധാവശ്യങ്ങള്ക്കുള്ള ഹെലികോപ്ടര് യൂണിറ്റിലാണു നിയമനം. 2013-ല് നാഷണല് എയ്റോനോട്ടിക്സ് ആന്ഡ് സ്പേസ് അഡ്മിനിസ്ട്രേഷ (നാസ)നിലെ മാസ് കമ്യൂണിക്കേഷന് വിഭാഗത്തില് ജൂനിയര് റിസര്ച്ച് സയന്റിസ്റ്റായാണു ശര്മ കരിയര് ആരംഭിക്കുന്നത്.
2016-ല് അമേരിക്കന് സേനയില് ചേര്ന്നു. അതേവര്ഷംതന്നെ ആര്മി സര്വീസ് മെഡലും സേഫ്റ്റി എക്സലന്സ് പുരസ്കാരവും നേടി മികവു തെളിയിച്ചു. പിന്നാലെയാണ് യുദ്ധവിമാന നിര്മാണ യൂണിറ്റില് തന്ത്രപ്രധാന തസ്തികയില് നിയമനം ലഭിച്ചത്.
രാജസ്ഥാന് പോലീസില് അഡീഷണല് പ്രൈവറ്റ് സെക്രട്ടറിയാണു മൊണാര്ക്കിന്റെ അച്ഛന് രാകേഷ് ശര്മ. ജയ്പുരിലെ ഭഗ്വാന് മഹാവീര് െജെന് സ്കൂളിലായിരുന്നു മൊണാര്ക്കിന്റെ പ്രാഥമിക വിദ്യാഭ്യാസം. ജയ്പുര് നാഷണല് യൂണിവേഴ്സിറ്റിയില്നിന്ന് ഇലക്ട്രോണിക്സ് ആന്ഡ് കമ്യൂണിക്കേഷനില് ഡിഗ്രി സമ്പാദിച്ച മൊണാര്ക്കിന്റെ ഭാഗ്യം തെളിഞ്ഞത് 2011-ല് നാസ സംഘടിപ്പിച്ച ''മൂണ് ബാഗി'' പദ്ധതിയില് പങ്കെടുത്തതോടെയാണ്.
പരിപാടിയില് മികച്ച പ്രകടനത്തിനുള്ള പുരസ്കാരം മൊണാര്ക്കിന്റെ നേതൃത്വത്തിലുള്ള സംഘത്തിനായിരുന്നു. 2012 ലെ ''ലൂണ ബോട്ട്'' പരിപാടിയില് മൊണാര്ക്കിന്റെ ടീം അഞ്ചാമതെത്തിയതോടെ ഗ്രീന് കാര്ഡും ജോലിയും നാസ വാഗ്ദാനം ചെയ്തു. 2016-ല് അമേരിക്കന് സേനയില് അംഗത്വം ലഭിച്ചതോടെ പൗരത്വവും സ്വന്തമായി.
