ജര്മന് വാഹന നിര്മാതാക്കളായ ഔഡി ക്യൂ7 എസ്യുവി, എ6 സെഡാന് മോഡലുകളില് ഡിസൈന് എഡിഷന് അവതരിപ്പിച്ചു. സ്റ്റോക്ക് തീരുന്നത് വരെ മാത്രമാകും ഡിസൈന് എഡിഷനുകളെ ഔഡി ലഭ്യമാക്കുക. ഔഡി ക്യൂ7 ഡിസൈന് എഡിഷന്റെ വില 81.99 ലക്ഷം രൂപയും ഔഡി എ6 സെഡാന് 56.78 ലക്ഷം രൂപയുമാണ് വില എന്നാണ് റിപ്പോര്ട്ട്.
സ്മാര്ട്ട്ഫോണ് ഇന്റര്ഫെയ്സ്, 5-സ്പോക്ക് സ്റ്റാര് ഡിസൈനിന് ഒപ്പമുള്ള 20 ഇഞ്ച് കാസ്റ്റ് അലൂമിനിയം അലോയ് വീലുകള് എന്നിവ ഔഡി ക്യൂ7 ഡിസൈന് എഡിഷന്റെ വിശേഷമാണ്. ഡോറുകളിലുള്ള പ്രൊജക്ഷന് പഡില് ലാമ്പുകളും, സ്മോക്ക്ഡ് ടെയില് ലാമ്പുകളും, ഗ്ലോസ് ബ്ലാക്കില് ഒരുങ്ങിയ എക്സ്ഹോസ്റ്റ് ടിപ്പും എന്നിവായണ് റിയര് എന്ഡില് സ്പെഷ്യല്. 19 ഇഞ്ച് അലോയ് വീലുകളാണ് ഔഡി എ6 സെഡാന് നല്കിയിരിക്കുന്നത്.
245 bhp കരുത്തും 600 Nm torque ഉം ഏകുന്ന 3.0 ലിറ്റര് ഡീസല് എഞ്ചിനാണ് ഔഡി ക്യൂ7 ഡിസൈന് എഡിഷന്റെയും പവര്ഹൗസ്. മണിക്കൂറില് 100 കിലോമീറ്റര് വേഗത കൈവരിക്കാന് മോഡലിന് വേണ്ടത് 7.1 സെക്കന്ഡാണ്. ക്യൂ7 ഡിസൈന് എഡിഷന്റെ ടോപ്സ്പീഡ് മണിക്കൂറില് 234 കിലോമീറ്ററാണ് . ഔഡി എ6 ഡിസൈന് എഡിഷനിലും കാര്യങ്ങള് ഏറെ വ്യത്യസ്തമല്ല.
മെഴ്സിഡസ് ജിഎല്എസ്, വോള്വോ XC90 എന്നി മോഡലുകളാണ് ഔഡി ക്യൂ 7 ന്റെ എതിരാളികള്. അതേസമയം, മെഴ്സിഡസ് ഇ ക്ലാസ്, വോള്വോ S90, ബിഎംഡബ്ള്യൂ 5 സീരീസ്, ജാഗുവര് XF മോഡലുകളാണ് ഔഡി എ6 ന്റെ എതിരാളികള്. അടുത്ത തലമുറ എ 6 സെഡാനിന്റെ പണിപ്പുരയിലാണ് ഓഡി ഇപ്പോള്.
