2026 ഏപ്രിലില്‍ റൈഡര്‍ 125-ല്‍ വരുത്തിയ അപ്ഡേറ്റുകള്‍ക്ക് ശേഷം, ടിവിഎസ് മോട്ടോര്‍ തങ്ങളുടെ പ്രീമിയം കമ്മ്യൂട്ടര്‍ ബൈക്കില്‍ വീണ്ടും മാറ്റങ്ങള്‍ വരുത്തിയിരിക്കുന്നു. ഇപ്പോള്‍ ഔദ്യോഗിക ലോഞ്ച് നടന്നെങ്കിലും, അപ്ഡേറ്റ് ചെയ്ത 2027 മോഡല്‍ റൈഡര്‍ 125-ന്റെ യൂണിറ്റുകള്‍ ഈ മാസത്തിന്റെ തുടക്കം മുതല്‍ തന്നെ ഷോറൂമുകളില്‍ എത്തിത്തുടങ്ങിയിട്ടുണ്ട്. അവസാന അപ്ഡേറ്റ് കഴിഞ്ഞ് ചുരുങ്ങിയ മാസങ്ങള്‍ക്കുള്ളില്‍ റൈഡര്‍ 125-ല്‍ വരുന്ന രണ്ടാമത്തെ അപ്ഡേറ്റാണിത്.
ടിഎഫ്ഡി ഡിഡി (TFT DD), എസ്എക്സ്സി ഡിഡി (SXC DD) തുടങ്ങിയ ഉയര്‍ന്ന വേരിയന്റുകളിലാണ് ഈ പരിഷ്‌കാരങ്ങള്‍ പ്രധാനമായും വരുത്തിയിട്ടുള്ളത്. എസ്എസ്ഇ (SSE) ട്രിം പുതിയതാണെന്ന് വെബ്സൈറ്റ് വ്യക്തമാക്കുന്നുണ്ടെങ്കിലും, ഔദ്യോഗിക പ്രസ് റിലീസില്‍ ഇതിനെക്കുറിച്ചുള്ള വിവരങ്ങള്‍ ഒന്നും നല്‍കിയിട്ടില്ല. പുതിയ എസ്എക്സ്സി ഡിഡി വേരിയന്റിന് 1,00,330 രൂപയും പുതിയ ടിഎഫ്ഡി ഡിഡി വേരിയന്റിന് 1,03,330 രൂപയുമാണ് വില വരുന്നത് (രണ്ട് വിലകളും എക്‌സ്-ഷോറൂം അടിസ്ഥാനത്തിലാണ്).
2027 ടിവിഎസ് റൈഡര്‍ 125 വിപണിയില്‍
ഉത്സവ സീസണ്‍ അടുത്തിരിക്കുന്ന വേളയില്‍, വില്‍പ്പന വര്‍ദ്ധിപ്പിക്കുന്നതിനും ഷോറൂമുകളിലേക്ക് കൂടുതല്‍ ആളുകളെ ആകര്‍ഷിക്കുന്നതിനുമാണ് ടിവിഎസ് റൈഡര്‍ 125 വീണ്ടും അപ്ഡേറ്റ് ചെയ്തിരിക്കുന്നത്. ടിഎഫ്ഡി ഡിഡി, എസ്എക്സ്സി ഡിഡി, എസ്എസ്ഇ എന്നീ ഉയര്‍ന്ന വേരിയന്റുകളിലാണ് പ്രധാന മാറ്റങ്ങള്‍. ഈ മാസത്തിന്റെ തുടക്കം മുതല്‍ തന്നെ ഇത്തരം അപ്ഡേറ്റുകളോടുകൂടിയ മോഡലുകള്‍ ഷോറൂമുകളില്‍ എത്തിത്തുടങ്ങിയിട്ടുണ്ട്. 125 സിസി മോട്ടോര്‍സൈക്കിള്‍ സെഗ്മെന്റില്‍ സാധാരണയായി കണ്ടുവരാത്ത ട്രാക്ഷന്‍ കണ്‍ട്രോള്‍ സിസ്റ്റം (TCS) ആണ് ഇതിലെ പ്രധാന കൂട്ടിച്ചേര്‍ക്കല്‍. റൈഡര്‍മാര്‍ക്ക് ആവശ്യമുള്ളപ്പോള്‍ ഓഫ് ചെയ്യാനും കഴിയുന്ന വിധത്തിലുള്ള സ്വിച്ചബിള്‍ ടിസിഎസാണ് ഇത്. ബ്രേക്കിംഗ് സമയത്തോ പ്രതിസന്ധി ഘട്ടങ്ങളിലോ കൂടുതല്‍ ആത്മവിശ്വാസം നല്‍കാന്‍ ടിസിഎസിന് സാധിക്കും. ഇതുകൂടാതെ, പെട്ടെന്ന് ബ്രേക്ക് ചെയ്യുമ്പോള്‍ പിന്നിലുള്ള മറ്റ് വാഹനങ്ങള്‍ക്ക് മുന്നറിയിപ്പ് നല്‍കുന്ന എമര്‍ജന്‍സി ബ്രേക്ക് വാണിംഗ് ഫീച്ചറും ഇതില്‍ ഉള്‍പ്പെടുത്തിയിട്ടുണ്ട്.
2027 റൈഡര്‍ 125-ന്റെ മറ്റൊരു പ്രത്യേകത ഇതിന്റെ വീതിയേറിയ പിന്‍ ടയറാണ്. മുന്‍പത്തെ 110 സെക്ഷന്‍ ടയറിന് പകരം ഇപ്പോള്‍ 120 സെക്ഷന്‍ ടയറാണ് നല്‍കിയിരിക്കുന്നത്. ചെറിയ പെറ്റല്‍ ഡിസ്‌ക് ബ്രേക്കിന് പകരമായി വലുതും പരമ്പരാഗതവുമായ ഡിസ്‌ക് ബ്രേക്കിലേക്ക് അപ്ഗ്രേഡ് ചെയ്തിട്ടുണ്ട്. യാത്രയ്ക്കിടയില്‍ പുതിയ തലമുറയിലെ ഉപയോക്താക്കള്‍ക്ക് അവരുടെ ഉപകരണങ്ങള്‍ ചാര്‍ജ് ചെയ്യാന്‍ സഹായിക്കുന്ന 27W ഔട്ട്പുട്ടുള്ള യുഎസ്ബി ഫാസ്റ്റ് ചാര്‍ജിംഗ് ടൈപ്പ്-സി പോര്‍ട്ടും ഇതിന്റെ ഭാഗമാണ്. കൂടുതല്‍ വിലകുറഞ്ഞ റേഡിയന്‍ (Radeon) മോഡലില്‍ എല്‍ഇഡി ബ്ലിങ്കറുകള്‍ ഉണ്ടെങ്കിലും, റൈഡര്‍ 125-ല്‍ ടേണ്‍ ഇന്‍ഡിക്കേറ്ററുകള്‍ ഇപ്പഴും ഹാലൊജന്‍ യൂണിറ്റുകള്‍ തന്നെയാണ്. വേരിയന്റുകള്‍ക്ക് അനുസരിച്ച് നാവിഗേഷന്‍ ഉള്‍പ്പെടെ 99-ല്‍ അധികം കണക്ടഡ് ഫീച്ചറുകള്‍ പിന്തുണയ്ക്കുന്ന ടിഎഫ്ഡി ഇന്‍സ്ട്രുമെന്റ് ക്ലസ്റ്ററും റൈഡര്‍ 125-ല്‍ ലഭ്യമാണ്.
എഞ്ചിന്‍ വിവരങ്ങളും പെര്‍ഫോമന്‍സും
2027 ടിവിഎസ് റൈഡര്‍ 125-ല്‍ യാതൊരുവിധ മെക്കാനിക്കല്‍ മാറ്റങ്ങളും വരുത്തിയിട്ടില്ല. ബാസി ആയ എക്സ്ഹോസ്റ്റ് സൗണ്ടോടു കൂടിയ അതേ 125 സിസി എയര്‍/ഓയില്‍ കൂള്‍ഡ് 3വി എഞ്ചിന്‍ തന്നെയാണ് ഇതിലും ഉള്ളത്. 5-സ്പീഡ് ഗിയര്‍ബോക്സുമായി ഘടിപ്പിച്ചിരിക്കുന്ന ഈ എഞ്ചിന്‍ ഏകദേശം 11 ബിഎച്ച്പി കരുപ്പും 11 എന്‍എം ടോര്‍ക്കും ഉത്പാദിപ്പിക്കുന്നു. എല്‍ഇഡി ഹെഡ്ലൈറ്റുകള്‍, എല്‍ഇഡി ഡിആര്‍എലുകള്‍, എല്‍ഇഡി ടെയില്‍ ലൈറ്റുകള്‍, പ്രീമിയം സ്വിച്ച് ഗിയര്‍, റൈഡിംഗ് മോഡുകള്‍, സ്പ്ലിറ്റ് സീറ്റ് ഓപ്ഷന്‍, ടെലിസ്‌കോപിക് ഫ്രണ്ട് ഫോര്‍ക്കുകള്‍, റീയര്‍ മോണോ-ഷോക്ക് തുടങ്ങിയ ഫീച്ചറുകള്‍ ഈ മോഡലിലും തുടര്‍ന്നുപോരുന്നു.
Comments