മരട് (കൊച്ചി): യൂബര് ടാക്സി ഡ്രൈവര്ക്കു മര്ദനമേറ്റ സംഭവത്തില് വാദിയെ പ്രതിയാക്കിയ എസ്.ഐക്കെതിരേ ഒടുവില് വകുപ്പുതല നടപടി. ഉര്വശീശാപം ഉപകാരമെന്ന മട്ടില്, സ്വന്തം നാടായ കൊല്ലത്തേക്കാണു മരട് എസ്.ഐ: എം. സുജാതന്പിള്ളയെ സ്ഥലംമാറ്റിയത്! ഷെയര് ടാക്സിയുമായി ബന്ധപ്പെട്ട തര്ക്കത്തിനിടെയാണു െവെറ്റില ജങ്ഷനില് മൂന്നു യുവതികള് ചേര്ന്നു ഡ്രൈവറെ കരിങ്കല്ലുകൊണ്ട് തലയ്ക്കിടിക്കുകയും ക്രൂരമായി മര്ദിക്കുകയും ചെയ്തത്.
എന്നാല്, തങ്ങളെ െകെയേറ്റം ചെയ്തെന്ന യുവതികളുടെ പരാതിയില് ഡ്രൈവര് കുമ്പളം താനത്ത് ഷെഫീക്കി(32)നെതിരേ ജാമ്യമില്ലാവകുപ്പ് പ്രകാരം പോലീസ് കേസെടുത്തതു വന്വിവാദമായി. എസ്.ഐയെ െഹെക്കോടതി വിമര്ശിക്കുകയും ചെയ്തതോടെയാണു നടപടി അനിവാര്യമായത്. മര്ദനമേറ്റ ഡ്രൈവര്ക്കെതിരേ ജാമ്യമില്ലാവകുപ്പില് കേസെടുത്തപ്പോള്, മര്ദിച്ച യുവതികളെ നിസാരവകുപ്പുകള് ചുമത്തി സ്റ്റേഷന് ജാമ്യത്തില് വിട്ടത് ആഭ്യന്തരവകുപ്പിനുതന്നെ മാനക്കേടായിരുന്നു.
നാട്ടുകാര് പിടികൂടി പോലീസിലേല്പ്പിച്ച യുവതികളെ മരട് പോലീസ് അന്നുതന്നെ ദുര്ബലവകുപ്പുകള് എഴുതിച്ചേര്ത്ത് സ്റ്റേഷന് ജാമ്യത്തില് വിട്ടു. സംഭവം വിവാദമായയോടെ കേസ് വിശദമായി അന്വേഷിക്കാന് കൊച്ചി സിറ്റി പോലീസ് കമ്മിഷണര്ക്കു സംസ്ഥാന പോലീസ് മേധാവി ലോക്നാഥ് ബെഹ്റ നിര്ദേശം നല്കി. സ്ത്രീത്വത്തെ അപമാനിക്കുന്ന വിധം പെരുമാറിയെന്നാരോപിച്ച് യുവതികള് നല്കിയ പരാതിയിലാണു ഡ്രൈവര്ക്കെതിരേ മരട് പോലീസ് കേസെടുത്തത്. ഈ കേസില് മുന്കൂര്ജാമ്യം തേടി ഷെഫീക്ക് െഹെക്കോടതിയെ സമീപിച്ചു. കോടതി പോലീസ് നടപടിയെ വിമര്ശിക്കുകയും ബന്ധപ്പെട്ട രേഖകള് ഹാജരാക്കാന് എസ്.ഐക്കു നിര്ദേശം നല്കുകയും ചെയ്തു.
മരടില് ജപ്തിയുടെ പേരില് വയോധികദമ്പതികളെ വലിച്ചിഴച്ച് വീടിനു പുറത്താക്കിയ സംഭവത്തിലും സര്ക്കാരിനു മാനക്കേടുണ്ടാക്കിയത് ഇതേ പോലീസ് ഉദ്യോഗസ്ഥനാണ്. എന്നാല് ആരോപണവിധേയനായ ഓഫീസര്ക്കു സ്വന്തം ജില്ലയില്തന്നെ ജോലിചെയ്യാന് അവസരമൊരുക്കിയാണ് ആഭ്യന്തരവകുപ്പിന്റെ ''ശിക്ഷാനടപടി''.
