ഗൂഗിള് പിക്സല് 2 ഇന്ത്യയില് എത്തി. നിലവില് ഫ്ലിപ്പ്കാര്ട്ട് വഴി മാത്രമാണ് ഓണ്ലൈന് ബുക്കിംഗ്. സെപ്തംബര് 27ന് ഓണ്ലൈന് ബുക്കിംഗ് ആരംഭിച്ചിരുന്നു. ഓണ്ലൈന് ബുക്കിംങ്ങില് ആദ്യം ബുക്ക് ചെയ്തവര്ക്കാണ് ആദ്യം ഫോണ് എത്തുക. റിലയന്സ് ഡിജിറ്റല് അടക്കമുള്ള ഓഫ് ലൈന് ഷോറൂമുകളിലും ഫോണ് ലഭ്യമാണ്.
64ജിബി റോം പതിപ്പിന് ഇന്ത്യയിലെ വില 61,000 രൂപയാണ്. 128 ജിബി പതിപ്പിന് 70,000 രൂപയാണ്. ബ്ലാക്ക്, ക്ലിയര് വൈറ്റ്, കിന്റാ ബ്ലൂ എന്നീ നിറങ്ങളിലാണ് പിക്സല് 2 ഇന്ത്യയില് എത്തുന്നത്. എച്ച്ഡിഎഫ്സി, ബാജാജ് ഫിനാഴ്സ് എന്നിവര് പിക്സല് വാങ്ങുന്നവര്ക്ക് പ്രത്യേക ക്യാഷ് ബാക്ക് ഓഫറുകള് നല്കുന്നുണ്ട്.
എന്നാല്, പിക്സല് 2ന്റെ ഉയര്ന്ന മോഡല് പിക്സല് 2 എക്സ് എല് നവംബര് 15ന് എത്തുമെന്നാണ് റിപ്പോര്ട്ട്. ആന്ഡ്രോയ്ഡ് ഒറിയോ അപ്ഡേഷന് അടക്കമാണ് ഫോണ് എത്തിയത്.ഒക്ടോബര് 4നാണ് ഫോണ് സന്ഫ്രാന്സിസ്കോയില് പുറത്തിറക്കിയത്.
