ന്യൂയോര്ക്ക്: മാധ്യമരാജാവ് റുപര്ട്ട് മര്ഡോക്കിന്റെ വിനോദ മാധ്യമ സാമ്രാജ്യം വാള്ട്ട് ഡിസ്നി ഏറ്റെടുക്കുന്നു. 'ട്വന്റി ഫസ്റ്റ് സെഞ്ചുറി ഫോക്സ്' എന്ന പ്രശസ്തമായ വിനോദ-മാധ്യമ സ്ഥാപനമാണ് ഡിസ്നി ഏറ്റെടുക്കുന്നത്. അമേരിക്ക ആസ്ഥാനമായി പ്രവര്ത്തിച്ചു വരുന്ന മാധ്യമ സ്ഥാപനം 5,240 കോടി( ഏകദേശം 3.38 ലക്ഷം കോടി രൂപ) ഡോളറിന് ഓഹരികളായാണ് ഇടപാട്.
ഈ ഏറ്റെടുക്കലോടെ സ്കൈ ചാനലില് 39 ശതമാനം ഓഹരി പങ്കാളിത്തവും ഇനി ഡിസ്നിക്ക് സ്വന്തമാകും. ഫോക്സിന്റെ ചലച്ചിത്ര ടി.വി സ്റ്റുഡിയോകള്, വിനോദ പരിപാടികള്, അന്താരാഷ്ട്ര തലത്തിലുള്ള ടി.വി ബിസിനസുകള്, നാഷണല് ജ്യോഗ്രഫിക് എന്നിവയും ഡിസ്നിയുടെ കീഴിലാകും. അതേസമയം, ഫോക്സ് ബിസിനസ്, ഫോക്സ് ന്യൂസ്, ഫോക്സ് സ്പോര്ട്സ് ചാനലുകള് മര്ഡോക്കില് തന്നെ തുടരും.
സ്റ്റാര് ചാനല് ശൃംഖലയും മാധ്യമരാജാവ് കൈവിടുകയാണ്. ഇതോടെ സ്റ്റാര് ഇന്ത്യയുടെ കീഴിലുള്ള എട്ടു ഭാഷകളിലായി 69 ടിവി ചാനലുകളും ഇനി ഡിസ്നിയുടെ കൈയിലെത്തും. ഹോട്ട്സ്റ്റാറും ഡിസ്നിക്കു സ്വന്തമാകുന്നതോടെ സ്റ്റാര് ചാനലിലൂടെയും, ഹോട്ട്സ്റ്റാറിലൂടെയും ഡിസ്നിയുടെ പരിപാടികള് പ്രേക്ഷകരിലെത്തും. നേരത്തെ ഇന്ത്യയില് യുടിവി ബാനറില് ആയിരുന്നു ഡിസ്നി സിനിമകള് നിര്മ്മിച്ചിരുന്നത്. സ്റ്റാറിനെക്കൂടി ഏറ്റെടുക്കുന്നതോശട പ്രാദേശിക ഭാഷകളിലടക്കം സിനിമ നിര്മ്മാണത്തിലും ഇനി ഡിസ്നി ചുവടുകള് മുന്നോട്ടു വെയ്ക്കും.
ഒന്നര വര്ഷംകൊണ്ടാകും ഡിസ്നിയുടെ മാധ്യമസാമ്രാജ്യ ഏറ്റെടുക്കല് പൂര്ത്തിയാകുക.അതോടെ ഡിസ്നിയില് മര്ഡോകിന് 4.4 ശതമാനം ഓഹരി മാത്രമായിരിക്കും ഇനി ഉണ്ടാകുക.
