പെന്സില്വേനിയ: തൃകോണാകൃതിയില് മുഖം, കുത്തു പോലെ കണ്ണുകള്, എല് ആകൃതിയില് മൂക്ക്, വരപോലെ മുടി നാരുകള്.. ഒരു വ്യക്തതയും ഇല്ലാതെ കാര്ട്ടൂണ് സ്കെച്ചുപോലെ തോന്നിക്കുന്ന കള്ളന്റെ ചിത്രമാണ് ദൃഷ്സാക്ഷി പോലീസിന് വരച്ചു നല്കിയത്. എന്നാല് ആ ചിത്രം ഉപയോഗിച്ചു തന്നെ പോലീസ് കള്ളനെ തിരിച്ചറിയുകയും ചെയ്തു. പെന്സില്വാനിയയില് ലാന്കാസ്റ്ററിലാണ് സംഭവം.
കാര്ഷിക ചന്തയില് നിന്ന് ജനുവരി 30 ന് പണവുമായി കടന്നയാളെക്കുറിച്ച് ഒരു വിവരവും ലഭിക്കാതെ വന്നപ്പോഴാണ് ദൃക്സാക്ഷിയെക്കൊണ്ട് പോലീസ് രേഖാചിത്രം വരപ്പിച്ചത്. ദൃക്സാക്ഷിയുടെ കഴിവു വെച്ച് അയാള് കള്ളന്റെ ചിത്രം അലക്ഷ്യമായി കോറിയിടുകയായിരുന്നു.
രേഖാചിത്രത്തില് ഒരു ചെവി പോലും ഇല്ലായിരുന്നു. ഒരു കാര്ട്ടൂണ് പോലെ തോന്നിക്കുമെന്ന് പോലീസ് തന്നെ പറയുന്നു. എന്നാല് ഒരു കാര്ട്ടൂണ് ചിത്രത്തില് നിന്നു പോലും അന്വേഷണത്തിന് വഴി തെളിയുമെന്ന് കാണിച്ചിരിക്കുകയാണ് ഈ മോഷണക്കേസ്.
ചിത്രവുമായി താന് പണ്ട് നേരിട്ട് കണ്ട ഒരു കുറ്റവാളിയുടെ മുഖവുമായി പോലീസിന് തോന്നിയ സംശയമാണ് അന്വേഷണത്തിന്റെ ചുരുളഴിച്ചത്. തുടര്ന്ന് കാര്ട്ടൂണ് ചിത്രവുമായി സാമ്യം തോന്നുന്ന എല്ലാ കുറ്റവാളികളുടെയും ചിത്രങ്ങള് ദൃക്സാക്ഷിക്ക് കാണിച്ചുകൊടുത്താണ് കള്ളനെ തിരിച്ചറിയാന് കഴിഞ്ഞത്. ന്യയെന് എന്ന പ്രതിയെ ആണ് കാര്ട്ടൂണ് ചിത്രത്തിലൂടെ തിരിച്ചറിഞ്ഞിരിക്കുന്നത്. രണ്ട് മോഷണ കേസുകള് ചുമത്തിയിരിക്കുന്ന ഇയാളുടെ അറസ്റ്റ് സ്ഥിരീകരിച്ചിട്ടില്ല.
