വാഷിംഗ്ടണ്: അമേരിക്കന് പ്രസിഡന്റ് ഡൊണാള്ഡ് ട്രംപുമായി അടുത്ത ബന്ധമുണ്ടായിരുന്നതായി വെളിപ്പെടുത്തി പ്ലേബോയ് മോഡല് രംഗത്ത്. അടുത്ത 'അവിഹിത ബന്ധം' പുലര്ത്തിയതിനു പിന്നാലെ അത് മറച്ചുവെയ്ക്കാന് സാമ്പത്തിക കരാര് ഉണ്ടാക്കുകയും ചെയ്തിരുന്നു എന്നതുള്പ്പെടെ ഗുരുതര ആരോപണങ്ങളാണ് ട്രംപിനെതിരെ വീണ്ടും ഉയര്ന്നിരിക്കുന്നത്. മുന് പ്ലേബോയ് മോഡല് കാരെന് മാക്ഡൈഗുലാണ് വെളിപ്പെടുത്തലുമായി രംഗത്തെത്തിയത്.
2006 ല് പ്രസിഡന്റിന് ഏറ്റവും ഇളയ കുട്ടി മെലാനിയയ്ക്ക് ജനിച്ചതിനു തൊട്ടു പിന്നാലെ, ട്രംപ് താനുമായി ശാരീരിക ബന്ധം പുലര്ത്തിയിരുന്നുവെന്നും കാരെന് പറഞ്ഞു. ഒന്പതു മാസം മാത്രം നിലനിന്ന ബന്ധം എന്നാല് പെട്ടെന്ന് അവസാനിക്കുകയും ചെയ്തിരുന്നു. തുടര്ന്ന് 2016 ലെ പ്രസിഡന്റ് തിരഞ്ഞെടുപ്പിന് കാരെന് ഈ ബന്ധത്തെക്കുറിച്ചുള്ള കഥ മാധ്യമത്തിന് നല്കിയിരുന്നതായി ന്യൂയോര്ക്കര് 2016 ആഗസ്റ്റ് അഞ്ചിനു റിപ്പോര്ട്ട് ചെയ്തിരുന്നു.
അമേരിക്കന് മാഗസിനായ ദി നൂയോര്ക്കര് ആണ് പുതിയ വാര്ത്തയും പുറത്തുവിട്ടിരിക്കുന്നത്. പ്ലേബോയ് പാര്ട്ടിയില്വെച്ചാണ് ട്രംപ് ആദ്യമായി തന്നെ കണ്ടതെന്നും ഇവര് പറയുന്നു. ട്രംപുമായുള്ള ബന്ധം പുറത്തു പറയാതിരിക്കാന് 82,500 യുഎസ് ഡോളര് നല്കിയെന്നും ആരോപിക്കുന്നു. ഇതോടെ ട്രംപുമായി ബന്ധമുണ്ടെന്ന് വെളിപ്പെടുത്തലുമായി രംഗത്തെത്തുന്ന രണ്ടാമത്തെ യുവതിയാണ് കാരെന്. എന്നാല് ഇതിനോട് പ്രതികരിക്കാന് വൈറ്റ്ഹൗസ് തയാറായിട്ടില്ല.
