ഓൾട്ടോ ഇന്ത്യയിലെ മുൻനിര കാർ നിർമ്മാതാക്കളായ മാരുതിയുടെ എക്കാലത്തേയും ജനപ്രിയ വാഹനമാണ്. 2,000 ത്തിൽ ഇന്ത്യയിലെത്തിയ ഓൾട്ടോ എൻട്രി ലെവൽ സെഗ്മെന്റിൽ തുടർച്ചയായി 14 വർഷം മികച്ച വില്പനയാണ് കാഴ്ചവെച്ചത്. ഫെബ്രുവരിയിലെ കണക്കെടുപ്പ് പ്രകാരം ഓൾട്ടോ വില്പന 35 ലക്ഷം കവിഞ്ഞെന്നാണ് മാരുതി ചൂണ്ടികാണിക്കുന്നത്.
ഓൾട്ടോയുടെ 25 ശതമാനം വില്പനയും സാധ്യമാക്കുന്നത് 30 വയസ്സിന് താഴെയുള്ള ചെറുപ്പക്കാർ ആണെന്നാണ് മാരുതിയുടെ വിലയിരുത്തൽ. 800 സിസി, സിഎൻജി എന്നീ രണ്ട് എൻജിൻ ഓപ്ഷനുകളിലാണ് ഓൾട്ടോ ലഭ്യമാകുന്നത്.
എൻട്രി ലെവൽ നിരയിൽ മറ്റു എതിരാളികൾ കാഴ്ചവെക്കുന്ന വില്പന നിരക്കുമായി താരതമ്യം ചെയ്യുമ്പോൾ ഓൾട്ടോയുടെ വില്പന ബഹുദൂരം മുന്നിലാണ്. 800 സിസി കരുത്തുള്ള ഓൾട്ടോ കെ10 ൽ ക്ലച്ച് ലെസ് ഓട്ടോ ഗിയർ ഷിഫ്റ്റ് ട്രാൻസ്മിഷൻ എന്ന ഓപ്ഷൻ കൂടി ഉൾപ്പെടുത്തിയിട്ടുണ്ട്.
