ലോകത്തെ ഇനി വരച്ചവരയില് നിര്ത്താനും അമേരിക്കയ്ക്ക് ശക്തമായ ഭീഷണി ഉയര്ത്തിയും റഷ്യ പുതിയ ഏതാനും അണ്വായുധങ്ങള് പരീക്ഷിച്ചതായി പ്രസിഡന്റ വ്ളാഡിമര് പുടിന്. ഇത്രയും നാള് തങ്ങള് പറയുന്നത് ശ്രദ്ധിക്കാതിരുന്ന അമേരിക്കയും അവരുടെ സില്ബന്ധികളും ഇനിമുതല് തങ്ങള് പറയുന്നത് കേള്ക്കുമെന്നും പുടിന്. ഒരു അണുവായുധ ശേഷിയുള്ള ക്രൂയിസ് മിസൈല്, അണുവായുധ അണ്ടര്വാട്ടര് ഡ്രോണ്, ഒരു ഹൈപ്പര്സോണിക്ക് മിസൈല് എന്നിവയാണ് റഷ്യ പുതിയതായി പരീക്ഷിച്ചത്. ഭൂഖണ്ഡാന്തര മിസൈലിന്റെ ലോഞ്ചിംഗ് വീഡിയോ ബിഗ് സ്ക്രീനില് പ്രദര്ശിപ്പിച്ച് റഷ്യ പുറത്തു വിടുകയും ചെയ്തു.
പുതിയ റോക്കറ്റിന്റെ റീച്ചും പവറും ഉള്പ്പെടുത്തിയ അമേരിക്കന് സ്റ്റേറ്റായ ഫ്ളോറിഡയ്ക്ക് മുകളില് ബോംബ് വര്ഷിക്കുന്നതിന്റെ ഒരു കമ്പ്യൂട്ടറില് ഡിസൈന് ചെയ്ത ദൃശ്യങ്ങളും വീഡിയോഫൂട്ടേജില് ഉണ്ടായിരുന്നു. പരിധിയില്ലാത്ത റേഞ്ച്, അതിവേഗത, ഏത് മിസൈല് പ്രതിരോധങ്ങളെയും പിളര്ക്കാന് കഴിയുന്നത് എന്നിങ്ങനെയാണ് ആയുധപ്പുരയില് എത്തിയിട്ടുള്ള പുതിയ ആണവ ക്രൂയിസ് മിസൈലിനെക്കുറിച്ച് പുടിന് പറയുന്നത്. അതിവേഗതയുള്ള അണ്ടര് വാട്ടര് ഡ്രോണിന്റെ പരിധി ഭൂഖണ്ഡാന്തര റേഞ്ചിലുള്ളതാണ്. ഏത് തീരത്തെ എയര്ക്രാഫ്റ്റ് കാരിയറുകളെയും അത്തരം തീരദേശ സൗകര്യങ്ങളെയും തകര്ക്കാന് ശേഷിയുള്ളതുമായ ആണവായുധ ശേഖരത്തോട് കൂടിയതാണ് ഡ്രോണുകള്. ഏത് ആഴത്തിലേക്കു പോകാനും അതിവേഗതയും എതിരാളികളുടെ ഇടപെടലുകളെ നശിപ്പിക്കാന് കഴിയുന്നതാണ് എന്നത് ഒന്നാന്തരമാണെന്നാണ് പുടിന്റെ വിശേഷണം.
ശബ്ദത്തേക്കാള് 20 മടങ്ങ് വേഗത്തില് ലക്ഷ്യസ്ഥാനത്തേക്ക് പറക്കാന് കഴിയുന്നതും ഉല്ക്കയോ തീഗോളമോ പോലെ യുള്ള കനത്ത സ്ഫോടനം സൃഷ്ടിക്കാന് കഴിയുന്നതുമായ അവാന്ഗാര്ഡ് എന്ന ഭൂഖണ്ഡാന്തര ഹൈപ്പര്സോണിക് മിസൈല് കൂടി പുതിയതായിട്ടുണ്ടെന്ന് റഷ്യന് നേതാവ് പറഞ്ഞു. ഏത് തരത്തിലുള്ള മിസൈല് പ്രതിരോധത്തെയും വ്യോമ സംവിധാനത്തെയും അപ്രത്യക്ഷമാക്കാന് കഴിയുന്ന ഈ മിസൈല് ഒന്നാന്തരം ആയുധമാണെന്നും പറയുന്നു.
സോവ്യറ്റ് കാലത്ത് പാശ്ചാത്യ ശക്തികള് സാത്താന് എന്ന പാശ്ചാത്യര് വിശേഷിപ്പിച്ച് ആയുധങ്ങളുടെ പിന്ഗാമിയെന്ന് വിശേഷിപ്പിക്കാന് കഴിയുന്ന സര്മാറ്റ് എന്ന മറ്റൊരു ഭൂഖണ്ഡാന്തര മിസൈല് കൂടി റഷ്യ പരീക്ഷിച്ചു കഴിഞ്ഞു. അണുവായുധ ക്രൂയിസ് മിസൈലിനും ഡ്രോണിനും പുടിന് ഇതുവരെ പക്ഷേ പേര് നല്കിയിട്ടില്ല. ഇതിന് അനുയോജ്യമായ പേര് തേടി പ്രതിരോധമന്ത്രാലയം രാജ്യത്തുടനീളമായി മത്സരം തന്നെ സംഘടിപ്പിക്കുന്നുണ്ട്. വാര്ഷിക സമ്മേളനത്തില് ക്രെംലിന് സമീപമുള്ള കോണ്ഫറന്സ് ഹാളിലെ കൂറ്റന് സ്ക്രീന് വഴിയാണ് നൂറു കണക്കിന് സീനിയര് ഒഫീഷ്യലുകളുടെ മുന്നില് മിസൈലിന്റെ പ്രവര്ത്തനങ്ങള് കാണിച്ചത്.
ഈ ആയുധങ്ങള്ക്ക് പിന്നില് പ്രവര്ത്തിച്ച ശാസ്ത്രജ്ഞരെ ''നമ്മുടെ കാലത്തെ നായകന്മാര്'' എന്നാണ് പുടിന് വിശേഷിപ്പിച്ചത്. പുതിയ ആയുധങ്ങള് ആഗോളസ്ഥിരത ഉറപ്പുവരുത്താന് സഹായിക്കുമെന്നും റഷ്യയെ ദുര്ബ്ബലപ്പെടുത്താനുള്ള ശ്രമങ്ങള്ക്ക് അതിര്വര സൃഷ്ടിക്കുമെന്നും പുടിന് പറഞ്ഞു. തെക്കന് മിലിട്ടറി ജില്ലയില് ദാഗര് എന്ന പേരില് വികസിപ്പിച്ചെടുത്ത ആയുധം ഇപ്പോഴും റഷ്യന് ശേഖരത്തില് ഉണ്ട്. ഈ ആയുധങ്ങളുടെ നിര്മ്മാണത്തോടെ അമേരിക്ക നേതൃത്വം നല്കുന്ന പ്രതിരോധ മിസൈലുകള് ഉപയോഗശൂന്യമായെന്നായിരുന്നു പുടിന്റെ വാദം. റഷ്യന് വികസനം തടസ്സപ്പെടുത്താനുള്ള പാശ്ചാത്യശക്തികളുടെ ശ്രമത്തിന് ഫലപ്രദമായ വിരാമമാണ് ഇതെന്നും പുടിന് പറഞ്ഞു.
