എണ്പതുകളുടെയും തൊണ്ണൂറുകളുടെയും കാലത്തെ സൂപ്പര്താരങ്ങളായിരുന്നു ശ്രീദേവിയും സഞ്ജയ് ദത്തും. എന്നാല് ഇവര് രണ്ടുപേരും ഒരൊറ്റ സിനിമയില് മാത്രമേ ഒരുമിച്ച് അഭിനയിച്ചുട്ടുള്ളു. ഇവരുടെ ഇടയില് എന്താണ് സംവിച്ചതെന്നും ആര്ക്കും അറിയില്ല. അതിനു പിന്നിലുള്ള കാരണം സഞ്ജയ് ദത്ത് തന്നെ പണ്ട് വെളിപ്പെടുത്തുകയുണ്ടായി.
1980 കളില് ശ്രീദേവി വളരെ വിജയം കൈവരിച്ച നടിയായിരുന്നു. സഞ്ജയ് ദത്ത് ആ സമയത്ത് ബോളിവുഡ് ഇന്ഡസ്ട്രിയില് പുതിയൊരാളും. മാത്രമല്ല ശ്രീദേവിയുടെ വലിയ ഒരു ആരാധകന് കൂടിയായിരുന്നു അദ്ദേഹം. ശ്രീദേവിയെ ഒരു നോക്ക് കാണാന് സഞ്ജയ് ഇടക്ക് സെറ്റുകളില് പോകുമായിരുന്നു.
സഞ്ജയ്, മദ്യത്തിനും ലഹരിക്കും അങ്ങേയറ്റം അടിമയായ സമയം ആയിരുന്നു അത്. പല തവണയും ശ്രീദേവിയെ കാണാന് സെറ്റുകളില് പോകുമ്പോള് , മദ്യപിച്ചിട്ടായിരിക്കും പോകുന്നത്. കാണാന് സാധിച്ചിട്ടുമില്ല. അങ്ങനെയൊരു ദിവസം ഹിമ്മത്ത്വാലയുടെ ഷൂട്ടിങ് നടക്കുന്നത് സഞ്ജയ് ദത്തിന്റെ സിനിമയുടെ ലൊക്കേഷനടുത്താണ്. ജിതേന്ദ്രയുടെ നായികയായാണ് ശ്രീദേവി അഭിനയിക്കുന്നത്.
ആ സിനിമയുടെ ഷൂട്ടിങില് സഞ്ജയ് എത്തി. ശ്രീദേവി മേക്കപ്പ് റൂമിലായിരുന്നു. അവിടെ ചെന്ന് വാതിലില് മുട്ടി. ശ്രീദേവി തന്നെയാണ് വാതില് തുറന്നത്. മദ്യപിച്ച അവസ്ഥയില് ചെല്ലുന്നത് കൊണ്ട് തന്നെ തനിക്ക് നടന്നത് ഒന്നും ഓര്മയില്ല എന്നാണ് സഞ്ജയ് ദത്ത് പിന്നീട് അഭിമുഖത്തില് പറഞ്ഞത്. എന്തായാലും അവിടെ സംഭവിച്ചത് നല്ല കാര്യങ്ങളല്ലെന്ന് ഉറപ്പ്. പേടിച്ചുവിറച്ച ശ്രീദേവി, സഞ്ജയെ ഇറക്കിവിട്ട് വാതിലടച്ചു. ഇതായിരുന്നു ശ്രീദേവിയും സഞ്ജയ്യും തമ്മിലുള്ള ആദ്യ കൂടിക്കാഴ്ച.
ഈ ഒരൊറ്റ കാരണം കൊണ്ട് സഞ്ജയ് ദത്തിനൊപ്പം സിനിമയില് അഭിനയിക്കാന് ശ്രീദേവി വളരെ അധികം പേടിച്ചിരുന്നു . പക്ഷെ എന്നിട്ടും ശ്രീദേവിക്ക് സഞ്ജയ്യുടെ കൂടെ സമീന് എന്ന ഒരു സിനിമ കമ്മിറ്റ് ചെയ്യേണ്ടി വന്നു. അതില് ഒറ്റ സീന് പോലും ഇവര് ഒരുമിച്ച് കാണില്ല എന്ന് സംവിധായകന് ഉറപ്പു കൊടുത്തത് കൊണ്ട് മാത്രമാണ് ഈ സിനിമയില് അഭിനയിക്കാന് ശ്രീദേവി തീരുമാനിക്കുന്നത്. സഞ്ജയ് ദത്ത്, വിനോദ് ഖന്ന, രജനീകാന്ത് എന്നിവരായിരുന്നു നായകന്മാര്. എന്നാല് ഷൂട്ടിങ് തുടങ്ങിയ ആ സിനിമ പല കാരണങ്ങളാല് റിലീസ് ആയതുമില്ല.
പിന്നീട് ഖുദാ ഹവാ എന്ന ചരിത്രസിനിമയിലും ശ്രീദേവിക്കൊപ്പം സഞ്ജയ് ദത്തിന് അഭിനയിക്കാന് അവസരമെത്തി. അമിതാഭ് ബച്ചന് നായകനായ ആ സിനിമയില് അവസാനനിമിഷം സഞ്ജയ് ദത്തിനെ സംവിധായകന് ഒഴിവാക്കി. പിന്നീട് നാഗാര്ജുനയാണ് ആ വേഷം ചെയ്തത്.
അവസാനം ശ്രീദേവിയുടെ കരിയര് പരാജയപ്പെട്ടിരിക്കുന്ന അവസ്ഥയില് രക്ഷകനായി എത്തിയത് സഞ്ജയ് ദത്താണ്. 1993ല്! സഞ്ജയ് ജനപ്രിയ നടനായി തീര്ന്ന സമയം. മഹേഷ് ഭട്ട് ഗുംരഹ് എന്ന സിനിമയുമായി ശ്രീദേവിയെ സമീപിച്ചു. അന്ന് സംവിധായകന് എല്ലാക്കാര്യങ്ങളും കൃത്യമായി ശ്രീദേവിയോട് സംസാരിച്ചിരുന്നു. നായകന് സഞ്ജയ് ദത്ത്. കഥ കേട്ട ശേഷം ഒരിക്കല് പോലും നായകനെ മാറ്റാന് ആവശ്യപ്പെട്ടുമില്ല. എന്നാല് അവര് ഒരുമിച്ച് അഭിനയിച്ചെങ്കിലും ഇരുവരും തമ്മില് സെറ്റില് സംസാരിക്കാറിലായിരുന്നു. ഷോട്ട് കഴിയുമ്പോള് പലപ്പോഴും ശ്രീദേവി സഞ്ജയുടെ മുഖത്തു പോലും നോക്കാതെ പോകുമായിരുന്നു. മയക്കുമരുന്ന് അടിച്ചാണ് സഞ്ജയ് ദത്ത് അഭിനയിക്കുന്നതെന്നായിരുന്നു ശ്രീദേവിയുടെ ഭയം.
ഗുംരഹ് സിനിമ വളരെ അധികം പ്രേക്ഷക പ്രീതി നേടിയ സിനിമയാണ്. സിനിമയിലെ അവരുടെ കെമിസ്ട്രി ജനങ്ങള് എലാം ഒരുപോലെ ഇഷ്ടപ്പെട്ടിരുന്നു. ഈ സിനിമയ്ക്ക് ശേഷം പിന്നീടൊരിക്കലും അവര് ഒന്നിച്ച് അഭിനയിച്ചിട്ടില്ല. എന്നാല് സംവിധായകന് കരണ് ജോഹര് ഇവരെ രണ്ടു പേരെയും 25 വര്ഷങ്ങള്ക്ക് ശേഷം വീണ്ടും ഒരുമിപ്പിച്ച് അഭിനയിപ്പിക്കാനുള്ള ശ്രമത്തിലായിരുന്നു. ഈ ചിത്രത്തിനായി കഴിഞ്ഞ ഒക്ടോബറില് ശ്രീദേവി കരാര് ഒപ്പിട്ടു. വരുണ് ധവാന്, ആലിയ എന്നിവരായിരുന്നു മറ്റു താരങ്ങള്. ശ്രീദേവിയുടെ ഭര്ത്താവിന്റെ വേഷമായിരുന്നു സഞ്ജയ്ക്ക്.
