.jpg)
തിരുവനന്തപുരം: കോവളത്തിനടുത്ത് മരിച്ച നിലയില് കണ്ടെത്തിയ വിദേശ വനിത ലിഗയുടെ സംഭവത്തില് തോണിക്കാരന്റെ നിര്ണായക വെളിപ്പെടുത്തല്. മൃതദേഹം കണ്ടെത്തിയത് കോവളത്തില് നിന്ന് ആറു കിലോമീറ്റര് ഉള്ളിലേക്കു കയറിയുള്ള വഴുതക്കാട്ടെ പൂനംതുരുത്തിയില് നിന്നാണ്. കണ്ടല്ക്കാട് നിറഞ്ഞ ഈ പ്രദേശം വിജനമാണ്. ഇവിടം ചീട്ടുകളി-കഞ്ചാവ് സംഘങ്ങളുടെ സ്ഥിരം താവളമാണ്. ഇവിടേക്ക് ലിഗ എങ്ങനെ എത്തി എന്നതു സംബന്ധിച്ചായിരുന്നു പോലീസിന്റെ സംശയം.
പോലീസിന്റെ സഗശയത്തിനാണ് ദുരൂഹത ഉവര്ധിപ്പിച്ച് തോണിക്കാരന്റെ വെളിപ്പെടുത്തല്. ഈ പ്രദേശത്തേക്ക് വിദേശികളെ എത്തിക്കാറുണ്ടെന്ന് സ്ഥലത്തെ തോണിക്കാരനാണ് വെളിപ്പെടുത്തിയത്. കോവളത്തു നിന്ന് തോണിയിലാണ് ചെന്തലക്കരി ഭാഗത്ത് എത്താറുള്ളത്. ഇതിനായി പ്രത്യേക ഏജന്റുണ്ടെന്നും തോണിക്കാരന് വെളിപ്പെടുത്തിയിട്ടുണ്ട്.
അതേസമയം ആത്മഹത്യാ സാധ്യത തള്ളി ലിഗയെ പരിശീലിപ്പിച്ച റിസോര്ട്ടിലെ യോഗ പരിശീലക ഷിബുവും രംഗത്തെത്തി. പോത്തന്കോട് ധര്മ്മ ആയുര്വേദ റിസോര്ട്ടിലെ യോഗ പരിശീലകയാണ് ഷിബു. കാണാതായ ദിവസം ലിഗ യോഗ പരിശീലനത്തിന് എത്തിയില്ലെന്നും ഷിബു പറയുന്നു. ലിഗയുടെ മരണവുമായി ബന്ധപ്പെട്ട് പോസ്റ്റ്മോര്ട്ടം റിപ്പോര്ട്ട് ഇന്നോ നാളയോ ലഭിക്കും. മൃതദേഹത്തിന്റെ പഴക്കമാണ് പോസ്റ്റ്മോര്ട്ടം റിപ്പോര്ട്ട് വൈകുന്നതിന് കാരണം.
