കണ്ണൂര്: കീഴാറ്റൂരില് ബൈപ്പാസ് വിരുദ്ധ സമരം നടത്തുന്ന വയല്ക്കളികള് പാര്ട്ടി ശത്രുക്കളല്ലെന്ന് പി. ജയരാജന്. സമരം ചെയ്തവര് പാര്ട്ടിയുമായി ബന്ധപ്പെട്ട് നിന്നവര് തന്നെയാണ്. ദേശീയ പാല അലൈന്മെന്റുമായി ബന്ധപ്പെട്ട അഭിപ്രായ വ്യത്യാസം മാത്രമാണ് സമരക്കാരും പാര്ട്ടിയും തമ്മിലുണ്ടായിരുന്നത്. ഇതിന്റെ പേരില് സാമൂഹ്യമാധ്യമങ്ങളില് സമരക്കാരെ ശത്രുകകളാക്കി കണക്കാക്കി നടത്തുന്ന പ്രതികരണം പാര്ട്ടി അംഗീകരിക്കില്ലെന്നും പി. ജയരാജന് ഫെയ്സ്ബുക്ക് പോസ്റ്റില് വ്യക്തമാക്കി.
ബൈപ്പാസ് പ്രശ്നത്തില് ഒഴികെ സി.പി.എം കൈക്കൊള്ളുന്ന രാഷ്ട്രീയ സമീപനങ്ങളോട് തികഞ്ഞ യോജിപ്പാണ് സമരക്കാര്ക്കുള്ളത്. അതിന്റെ ഫലമായാണ് സമരത്തെ വര്ഗീയ തീവ്രവാദ ശക്തികള് കൈയടക്കുന്നതിനെതിരായ ഉറച്ച നിലപാട് അവര് സ്വീകരിച്ചതെന്നും പി. ജയരാജന് പറഞ്ഞു. ലോങ്ങ് മാര്ച്ച് മാറ്റിവയ്ക്കാന് സമരക്കാര് തയ്യാറായതിനെയും ജയരാജന് അഭിനന്ദിച്ചു. ഇതിനായി പാര്ട്ടി നടത്തിയ ഇടപെടലുകളെക്കുറിച്ചും ഫെയ്സ്ബുക്ക് പോസ്റ്റില് വ്യക്തമാക്കുന്നു.
അതേസമയം പി. ജയരാജന് അഭിവാദ്യം അര്പ്പിച്ച് വയല്ക്കിളി സമര നേതാവ് സുരേഷ് കീഴാറ്റൂര് രംഗത്ത് വന്നതും ശ്രദ്ധേയമായി. പി. ജയരാജന് നടത്തുന്ന പുഴ സംരക്ഷണ യാത്രയ്ക്കാണ് സുരേഷ് അഭിവാദ്യം അര്പ്പിച്ചത്. തന്റെ ഫെയ്സ്ബുക്ക് പേജിലൂടെയാണ് സുരേഷ്, പി. ജയരാജന് അഭിവാദ്യം അര്പ്പിച്ചത്.
